Tsufa'y Mibaa' Nee Gwalee'l

1 Apolo iwa korinto i dirii, Paulo inawarahha ar barta gwaa' ire harda baraa' gixsar Efeso, nee eharuuserka ngina amodi ay. 2 Paulo ngina ba'y qeeru hhohho ugailaotii tawa haratlintie? Nguna baye' a'a' ta'm axaasaro uga axasaniika idor qeeru ir dee'r. 3 Paulo ina oo alo kuunga idor tnar batiis? Tana oo ar baatismoo' Yohana. 4 Paulo ngina ba'y Yohana inabaatimiis ner ubaatismoo' hho'i'iingw. Mu'kda nguna ba'y ii harii kuwaharatlintia kwada alu ino's wa harda hee an Yesu. 5 Muu kangwi kuwa axaas, kinabaatimiis ar umoo' Aako Yesu. 6 Nee alu Paulo dabawo's ngiwa gawain qaa's qeeru hhoohhoo ire gawaini harda tare axwees ner axweesita dimbaba'y tare ariin. 7 Ndikwaro inooin a hhawate mibaa' nee tsa'r. 8 Paulo ina baraa' doo' saliingw ka'y ina axwees ar aleslemu har qooma'r slehheri tam, axweeni ngina geer har hee muu nguna uruux baraa' kangw axweenta wawiti'ilmar Mungu'. 9 Ala mu'k Yahudi bahha ale ki sagi gawde'n ila iwa/aamae ii kahh dir ine , moroo' tila'kw nguna itlaye' ooiingo' dando uruwar Kristo geera xooror wa ale, Paulo ngina geexa'y nee kwada na haratlintii ngire paratl, wa diriri ngirer sawees. Nee dagislemu ngina intsahhatimis braa' doo' Tirano. 10 Idori ina komamiit ee kureri tsa'r gawaa' idosiye kwada slee'meero hoota awa baraa' Asia /aymu Mungu' nguna axaasiye' slee'meero Wayahudi nee Wayunaniro. 11 Mungu' tlehhmii wa/o/aamo ngina tlehhiit ar dabaa' Paulo. 12 Sleeme ta'm tiqtuuse inahhoaeer nee netlame ire ti'imiit qoomar wanqoma nee inqwaruda braa' tlaqwata Paulo dahh kuwa tatahh. 13 Mukko ideer oo Wayahudi netlamer gusisim inh.hyumiitiya' yamsing ngin delye umoo' Yesu ngunar gadusiiya as dando toin ar inooin kiloin. /axwesiya dir mukda netlamer koo'm, ikahiya ar umoo Yesuwo kwada Paulo ii alki/iiti ti'iit. 14 Kangwi mu'k ngwa tlehhiit a daqayko faaqw oo kuhanikda' u'r o mu'k Yahudi Skewa. 15 Kinaba'y nee neetlame Yesu u xuu' nee Paulo u xuu' ala kuunga a in ma'aa'? 16 Neetlameda baraa' hee' i dirii mukda neetlamer duxuut nguna hara/aaku't nee kirer ba/a' /uruwo nee ngire diif nire goyire baraa' do'oda'e' ner /akwetsa ka qanqaqin. 17 Kangwi kure axaas nee muu slee'meero mu'k Yahudi nee ma'k Yunani kwada amo'r Efeso hhota tar dai yuut wa lo' nee umoo' Aako kute ak ila iwa/ameeri tle'hh. 18 Sleeme awa yariir baraa' kwada na haratlintii nina xaye tare haoi'in nee tlehhimi'i'in koda tlakw ta tlehhiit kire laqaamiis. 19 Awa yariiri a qwaslari'ima kan tlehhiit. Kitabema kina burumbur kire daa'/ wa geera umoo' hee' , faror tlaxo'r morosi kawa tle'hh a shihie ngi kube miberi kooa'n. 20 Idori an idor /aymuu' Aako ira diya/aa't bahhaye slee'meero ak alero ner /uuru. 21 Paulo gadiyero's ngiwa hhe'ees amo'r Efeso, kunagerhor nee qeeru iwa Yerusalemu ka'y ina warahha nar Makedonia nee Akaya, ina oo, ala amoniiye bina hee's ihariin Rumi sleeme ngiwa ar. 22 Paulo eharuusero's tsa'r ngire ya/aaw Makedonia Timoteo nee Esasto, kwada ino's ngwa ale/iisiye. Ala ino's oo kila' ina meet Asia deelor ninawe. 23 Qoomasiye tsiyfirangw yariir nire ti'iit amonqa ar Efeso as dando uruwada'. 24 Karerumoko' umoowo's a Demetrio ino's slaqasi'ii muqsla'r Pesa oo Mungu' taba'y Diana ngina daqariimar u'r ar ay. 25 Alo mukda gadiyesi tlehhiit ngure burumbur ngire ba'y hhawate kuunga' axu'a gidaaba' baraa' gadiyere'n ti ye ate'n Pesar yariir a lo'or slaslawaa'n. 26 Aga/eera nee a axamiisa' gidaaba' sleeme a diri kiloseka' ar Efeso, ala tsaxwa Asia slee'meero heewi ta ba'y Paulo mu'k yariiri ngwa i axwees nee ngwa warar qees. Ikahi gidaaba' mungi'ii ta dabar tlehhiit i kahhiiya'. 27 Gar tlakw a gidaaba' yeka' gadiyeren ti kilo's kawa male slaiika, ala sleeme nee doo' Mungu' /ameeni kwada u'r Diana kure kar to' tlehh. Sleeme ii ya/aa'n xirfoowo's nguwa qwaresi ,ino's kwada mu'k Asia nee braa' yaamu slee'meero ta slufmamiisi. 28 Idoosi ngiwa axasiiye' tare lo' wa buu'hh tar tsee' Diana oo Efeso ku u'. 29 Gixsa slee'meero ire hats bahhiro' muu slee'meero tana ti'in baraa' doo' /aatsoo' mukda nee Paulo ti alkoma' kire o hiin Gayo nee Aristariko, kwada Makedoniar dahha'. 30 Paulo gerho idahamu slaa' geera bo/eeda' oo muu kuna ilaa/ nee eharuuse. 31 Sleeme uruserka bahha alero ar baraa' mkoaar Asia kwada oo mlqer Paulo ina ya/abne amo'r Paulo kuwa harhhehhe'eesi wa lo' miwada'h baraa' doo' /aatsoo'. 32 Muu bahha ale i ti kahiiya koqa toqa kahhiiya' asma boo/eeda oo muu tana amoqwar awa yariiri sleeme gar tasaburumburiit ka xu'u'ka'. 33 Muk Wayahudi Iskanda ngure duxii geera bo/eeda oo muu nee ngure gwawti tsa/asii xe' geera muu, Iskanda muu nguna kuutl ar dawa as axweeni ngiwa ooi dir muu. 34 Ngiwa tsahhiye gidaaba' inos a yahuduumoo slee'meero tare u'uumiin ar afor wa'k har qooma'r saa tsa'r, Diana a uruusmo u'r oo Efeso. 35 Alu gousmoo gixsa muu nguwa xaas/tiis ngire ba'y kuunga hhawate Efeso hee' ngi xu'aaka' a ma'aa' gidaab' gixsari ar Efeso idor tar xuumuuse'r do'da' u'r o Diana kwada u'r neee hhatmooda na huu' wa gawaa' dawri? 36 Araak ar gidaaba' kangwi a gar ya/amu taka' gawaa' idoorihe a hariiman tawa xasliitan nee magatlehhara ar gaslaa'y. 37 Asuma kuunga mukwi uga /aaka'e' diri doo' kwaslema garna fisi i kahh bara' doo' Munguhe hee sleeme /aymu tlakw ta oo i kahh dandoo' Mungure'n oo /ameeniro. 38 Gawaa' idosiiye bar Demetrio nee muko's kwada gadiye'r tlehha dinkwa, /aymuu ta kon bir deeer dando heewo' mara kwaslema i gwerar i diri'iiya nee uruse i deer, ngi huye geera kwaslema. 39 Ala kuu'ng gar hatla ta lelehhiit bir deer dando moroo' hatlae' tis ka tlehh wa baraa' dinku'uumada' hariim. 40 Loemawo' a baraa' tsaxwa' i diriaan tunuwa sakwaslemuut gili as tlahhir gidabar kangwwi slasla/are'n i ka'hh nee ta'm alki/ituwo u aleslawanaka' sleeme. 41 Alu kangw'si ooaro nguwa hhe'eesi Bo/ayda ngure diyaa'/.