Tsufa'y Mibeeri Tsa'r

1 Alu tsifarangw'da iwa faa'k, Paulo eharuse ngina /akaa' nee ngire gurkwa/aa's ngire deleri oo' ire Makedoniar ka'y. 2 Nee ayemoosi ngiwa waraa'hh ino's eharuuse ngina gurkwa/aamiis nee ngire uruwi doog koda' na haratlinti'ii ire dah aya Yunani. 3 A/u ino's iwa dida irii har afiqooma'r s/ehheri ta'm mu'k Yahudi ido'r kur gaasi kana tlee'hh iwo'wi iwa shamur ka'y as idosiye saga nguna wenqees ar iwa ki/i ar Makedonia. 4 Mukta' alkone nee ino's ay Asia aa Sopatro garma pirho oo Berear da'hh Aristariko nee sekundo slee'meero a kirishana'y aya' Tesalonike Gayo oo' aya Derbe, Timoteo, Tikiko nee Trofimo a mu'k Asiar da'hh. 5 Ala muki na qaro' girne nee ate'n tunudamarana awa amo'r ar Troa. 6 Anatlawaan wa Filipi a'r uruuwa'r tlawi alu delo'r mikater ta slufitisiika nee baraa' delo'r kooa'ne ina amorqa ar Troar i awaan ana amoda wa iwiwitaan deelo faunqw. 7 Deelo'r geera ar' wiiki, tawa haragwaa'n dir wa'k as mkate kawa /ayaa'n, Paulo ina axwees dir kinishanaay nee ino'w ta amohhe'ees halo'r tsa'r iwa ail ka'y as idosiye ina kumiit axwento ay Amsi dre'n. 8 Tsa'aaso ka lo' wa ur baraa' qoroofadar gawto toda taiburumburta'n slee'meero. 9 Garmako ta bay Eutoko a iwiit dir dirisha gu'ute ngunar slaqw, tam Paulo /aymu alki/iituwo iwa kumiit ay qooma'r yariir garmasi ina qaro guu' ina huu' yaamu imiir qoroo' fa'r ta'm kuwa tlees a qaro gwaa'. 10 Ala Paulo ira awe'r yaamu tinatumu'uus gawa slaqwato's ngure slaqwto's i o'h ire oo ma diqe tsatiitaara' asma i slaaf. 11 Aluwo ire male tsa/a'n gawa qoroofa nee mkatumo' ngure /aa'y alu iwa axwees ee matler bo/. Alo ire tla'y. 12 Garmada' kunguna huu'w i slaaf tare gure kwaa'/ wa lo'. 13 Ate'n ana girman geera Paulo wa ale ner meli nee ana amo'r Asor kwaan, ana amo'r ana idor ino's oo' kila' a slaa' tlehharo asma idosi ngina sla' yaamu kahaar ngiwa deehi. 14 Tunuwa amonqa Aso'r i a'y unatsa/asaan baraa' meli nire mitilener kawaan. 15 Alo ate'n anatlawa wa amoosi nee bolor tsa'r anahardahaa'n bar ta tsa'r tlawiita kio bolo'r hatla alusiiye anahardahaan ay tlawiita Samo nee bolo tsarawo's anahardahaan gixsar mileto. 16 Asuma Paulo baraa' aiiose ngina slaa' Efoso ngiwar warahhi as miwa tliig wa baraa' Asia; asma i ganslin iwa harda'hi Yerusalemu as balorqa u'r ar prntekaste gerho bir ya/aan ino's idosi ngiwa /iisi. 17 Paulo muu nguna ya/aa'w wa mileto ay Efeso Bariser kanisa ngina /akaa'. 18 /Wahurdihiye' amoro's ngina ba'y kuunga oo' kila' axua' imiir bolo'r geera diriir Asia ngiwa kalaa'/ idor nar hoot baraa' tla/angwhunge qooma slee'meero. 19 Aako una sagadiyuu's ner ila iwa'/ame slee'meero nee nar hirheri nee slehhe' miisu ani a sla'y as itsi/aayir mu'k Yahudi. 20 Axua' ido'r ani tar ila/iika' alki/ituwo umo gar qoo harima nee ido'r ani tunara intsahhatiis ner gehho' eema nee umo do'o una kaa'w. 21 Axua' idor ani nar kumiit mu'k Yahudi nee' mu'k Yunani gurbuungo' dando hho'i'iingw' in dir Mungu'he nee haratlintaor baraa' Aakore'n. 22 Nee hindi ga/awaa'k ani qeeru hhoohhoo u ilaiwawaa'/ niwa Yerusalemur kaka'w a xuaaka'ng kangw ani i harati'iit amorqae'. 23 Ala asma qeeru hhoohhoo ani idababay baraa' umo gixsaro nee i kahi tsegamo nee slehhe'eemis an kangw ani ida'maraam. 24 Ala ani aga gidabari tsahhika slatingw'ee' tawa aka gar gidabar koom lir aniiye as gadiyer'ee' tii na ila ah wa dir Aako Yesu ngiwa alhhe'ees, ngiwa alki/iit ya/abto'r hho' ar gurtlemu Mungu'. 25 Nee hindi qaytsiit axuu' gidaaba' slee'meero baraa' kwada na wawiiti'ima'r i alki/itu aa'w getse/aae' i male anda'aaka'. 26 Idoriiye' ngin dirhuungi kaa'h bili gidaaba' ani dakusa'r ni koo'm i kahh dir tserer umoo heewo. 27 Asma ani ta ila/iika sla'aarir Mungu' slee'meero ngiwa dirhuungi alki/iit. 28 Gawaa' idosiye ti harmagahhe' kuunga oo kila nee dando umoo' daqto ar qeeru hhoohhoo kuunga tunuwa qaa's wa xuumuser'in wa ale. Ti harmagahhe diku'uumar Aako kawa de'eenda ar a tlaa'kw ar tseereero's ar kila'. 29 Axuu' gidaaba' alu ani baraa' tla'w tewero dihhen ni dah barahuu'ng daqta muk Mungu' ngi gurtlayka'. 30 Axuu' gidaaba' ta'm baraa' tla/angw'hung oo' kila e' muu bahha'ale ni harda nee moroo' qwanaa'y ngu axwesiya' as eharuuse kawa uruuxi inooin kiwa digir deli. 31 Gawaa' idosiye xumiise, Islawaa'k gidaaba' baraa' kureri tame hee' baraa' tla/angw'hunge namoo'w intsahhatisaro i ka'hh Amsi nee tlatla/aango ner hhirhheri. 32 Nee hindi ani kuunga nu ayiim dir Mungu' nee dir /aymuu' gurtlemuwo's kwada kuunga' tumu/uruu i doog nee tunure alirii hariis dinkwa nee slee'meero oo ta hho'hhoo'ee's as Mungu'. 33 Pesa aga ilatlerusiika, tam dhahabu laqa tam tlaba'. 34 Kuunga' oo kila' axuaa' gidaaba' dabaka' morooda aning ni slaa' nguna slaye' nee morooda mukda nee ani dinkwa ii i slaiya'. 35 Baraa' kangw slee'meero slaqasay ngwa bariis idor ate'n tawa hariman mu'k litlakuuse ale/iisaro ar gadiye kawa tlehhaan nee sleeme idor in hariin kaa inslera /ameriida' oo Aako Yesu, /ayneerida ino's oo kila iwa oo a tsini gahariisa ta gaa' ila ooharo. 36 Alu idoori ngiwa oo' ina gurengeiit ire firin dinkwa nee inooin. 37 Slee'meero tana /aa' wa lo' nire huiiye baraa' ista Paulo nee kure ma'aamiis. 38 Nina gurhaamutiye ak aleroho' asuma toda a oo' gidaaba' getse/awoo's ngibalo ariiaaka male alero. Aluwo ngure haydohhisiye' amo'r malalimo.