Tsufa'y Mibeer Tsa'r Nee Wa'k

1 Qooma'r tiwa paratla'n nee inooin nee ahhayuumiita'n ar baraa' tlawi anaharda haan balodar kila' ay gixsa'r kosi nee balor tsa'r ana hardahaan gixasa'r Roda, nee tawa amoda wa tlawan tare hardahaan gixsa'r Patara. 2 Meli ngiwa slawaa'n ar waraa'hh ay Foinike, anatsa/ama'n nee hhayutaan. 3 Tawahardahaan tlawta Kipro anagexawaan bihhi dakw basaa'y anahhayutaan ay Siria tare aweeran baraa' gixsa'r Tiro, asma amoda an dir meli huwaroos ki aweerisi. 4 Aluwo eeharuuse ngiwa araan ana amoda wa iwiwiitan delo faangw, eeharuuses Paulo nguna beer ar /uruu qeeru gidaaba' ino's Yerusalemu minga kalaa'/. 5 Ta'm deeloda' iwa ha'ts, ate'n anaqutla'n nee tlawaan, inooin slee'meero dinkwaro' /amenar'in nee na/aa'in ate'n tunahaydohiisi baraa' urduren, tawa ti'iitan afee gixsa, alo tare gurengeiita'n afa tlawi tarefirimaa'n, delo kare disi wa ooa'n nee umoo'qo heewo. 6 Anatsa/aman gawaa' meli, amorqae' inooin sleeme tana kii/ amo'r do'iin male alero. 7 Ta'm aiire'n ngiwa faakaan amor Tiro wa ale, ana hardahaan ay Tolemai didae' hha'e ina lawe'eesaan, nee nire al'iwiwiitaan balo'r wake. 8 Matlowose ana tlawaan tare Kaisariar kawaan, Ate'n anadahaan doo' Filipo alki/iitusmoo yabto'r hho' ino's oo' wa'k baraa' kwada faangwe, ate'n nee ino's te al'iwiwiita'n. 9 Heewi ina dasuu tsiya'hh oo' fangaay ngu ko'n oo aru'wuuma nga duxutiiye. 10 Alu tawa amoda wa iwiwiita'n deelo'r hhawaka' Arusmooko nina /eet wa amo'r Yahudi kubaye Agabo. 11 Ino's nina amore'n i xaay himoo' Paulo ngure tataa'hh, Ya'aawo's neee dabaa'wo's ngina kilo's tseg ner himoosi nee ire oo qeeru hhoohhoo i idoro ka'h, mu'k Yahudi oo aya, Yerusalemu nee kure qaa's dabaa' mu'k xoordu. 12 Idosi ngiwa axaasaan ate'n mukda dida wa hoot Paulo una harhhehhe'eesa'n miwatsa/aa'n Yerusalemu. 13 Paulo ate'n tunuba'y gartatlehhiita a mila? Kuunga' an /a/aminda'a nee ani in muna geqeera'aa? Asma ani aga xa/aam a tsegamoo' kiloseeda tam sleeme' tiwagaasi baraa' Yerusalemu as umoo' Aako Yesu. 14 Asma Paulo nga slaiika kuwa gurbuianaxas/iita'n nre ooan sla'aariir itlehharuut. 15 Alu deelosiye' tlakwi'iiren ina taataahhaanatsa/ama'n Yerusalemu. 16 Eharuuserka bahha' ale na Kaisariar wa tlaye tina alkoman nee ate'n sleeme, heeko ta ba'y Kipro ino's a eharuusmoo imiir qaroro, oo' nee ate'n ta al'iwiwiita'n. 17 Tawa hardahaa'n Yerusalemu hha'e tunukwahhasiye ner qwala/. 18 Matlowo'se Paulo nee ate'n tinakomaa'n amo'r Yakobo nee Barise slee'meero oo dida diria. 19 Lawe'eesaro ngiwa hhe'ees, toda slee'meero Mungu' a tlehhiit baraa' tla/angwxordu ar gadiyero's ngina al'ki/iit ner wake tiingw. 20 Qooma'r idosi kawa axaas Mungu' kure kifee's, nee nguna baye agaa'ndi hhiyawo, kumer a haratlinti baraa' mu'k Yahudiro' a magaa' inooin slee'meero hara'aaya oharo ngi slaiiya'. 21 Kango'k kwa dir'ini oo' gidaaba' mu'k Yahudi kwada baraa' tla/angw xorduu hatla hoot igaintsahhatis tiwaparatliya' nee Musa nee gidaaba' ibabe'r na/ii'in mika hhehhe'eemiis, nee unemoda oo qaroo'r mikiwa digir deeliit. 22 idor hariim ta/iisaa'n a idola'? Asma hindi kaqoo' axaa's idor kuu'ng nar harda't. 23 Kar gimay ti hindi ate'n ni ooaa'n tleehheek, mu'k tsiya'hh al'axwe'n ka tleehh dir Mungu'. 24 Muki ner tlaweek nee ti alhhohhooese dinkwa nee kuu'ng pesar sager'n kar deeqwi' ka bu' idosiye umo heewo ngi tsahh gidaaba' kangwada ta oo' dandoge a lama. Ngi tsahhiya gidaaba' kuu'ng sleeme idor hara'saaya' kar ddgrdeliit. 25 Ala as kangw xorduda na haratlintiii anagooimaan hara'aaya kare hariisan gidaaba' i harii tiwaparatliya nee morooda' ta ilahhooa'r wa tsuu'. dir Mungii'ii hatla' nee tseren garta af o'h tsaatu'uuma'. 26 Alo Paulo hhawateda' ngire ar tla'y nee balo'r tsa'r tire hhohhoee's dinkwa nee inooin ire da'h baraa' doo' Mungu' ngire oo' qooma'r balor hhohhoee'sa'r in ay ilahhoa kawa hariisi as umoo' sag heewo baraaine. 27 Deeloasi faaqw iwa naka'k fakiro mu'k Yahudi bahha alero kakari amo'r Asiar dahha' Paulo nguna ariye' baraa' doo' Mungu' nee bo/ay lana buhh nee ngure oohiiye ar dabaa'. 28 I u'uumiina', mu'k Israeli tunuale/iise' Heewi a heeda' mu'k intsahhatimiis umoo' diro kangw dimba'y nee oo muu. Hara'aaya' nee diriye. Sleemee mu'k Yunani nguna huu'w baraa' doo' Mungu' nee dirii hhohhoo' nga meta gaa's. 29 Asma gerho' heeko oo Efeso a bay Trofimo nguna ariiye nee inoose ta dinkwa baraa' gixsaro inooin ngiwa xu'iiya' Paulo nguna huu'w baraa' doo' Mungu'. 30 Gixsa slee'meero muu ire xwaraxwariit nee muu slee'meero tare ti'iin nee Paulo kure o'h ngure duxiiye baraa' doo' Munguhe nee tsufi'i kire baraa' tseg ner gasla'y. 31 Gerho ngu gasa'r wa sla'iiya' alo afo ire harda't amo'r uruusmoo askarir xu'muuse gidaaba' Yerusalemu slee'meero a xwaraxwariit. 32 Siwasir kiloe' askari nee geraharuuser' ine ngina tla'y. Inati'iin amo'r bo/ayda' qooma'r muu uruusmoda' oo askari nee askari kiwa ar Paulo ngunamaye diflaro. 33 Alo uruusmoda oo askari iwa hardah Paulo nguna harasaa'p ngure o'h nee ire oo tseegaa'g ar Pingu tsa'r nguna Yahaa's inoo's a ma'aa' nee ga'r a tsee'hh a mila. 34 Muu' bahha ale baraa' ba/ayde'e tana amooqwaqwadin, kooka ta ti ka'h kooqa toqa kahiya' asma bahhida' lawa tse'aamiin ire oo' Paulo dahasaak baraa' boo'ma. 35 Iwaa harda dir tsa'/amto, Askori ngunar tlee'r as kuwa /iisi muko. 36 Asma bo/a'y muu nguna digrideliye nee itse'aamiina' wa aluda' ikahiiya hingesaak kwi (gasaak). 37 Paulo kuwa huwahuwi baraa' do' boo'ma uruusmooda' oo' Askari nguna ba'y I ya/anda ga ngiwa dirog i oo'? Uruusmoda' oo Askari ina oo' tsifriir mu'k Kiyunani a axweesa'? 38 Ka'y kuu'ng a heedaeeke oo misri geerawo kangw tla'kw ngwa geera ha'r nee mu'k tlakuse kume tsiya'hh ngwar tla'y baraa' xanxay? 39 Paulo ina oo ani a hee Yahudi, oo baraa' gixsar Tarso ar kilikiar daa'hh Ani a yamulouusmoo' gixsar alhor tunufiririim pa/aangw harisare niwa axweesan nee muu. 40 Qooma'r gerahaaruusmo askari Paulo nguwa pa/aangw ii hariis Paulo ina sihhiit nee muu nguna kuutl ar dako's qooma'r tawa xaasliitahhe'ees ngina ii axwee's ner tsifriir Ebrania.