Tsufa'y Mibaari Tsa'r Nee Tsa'r

1 Kuunga' haaee'ee' nee baabi'iieene ani iia'r i qaare gawaa' aleekalaa'ngw'ee' wa dir geeraahu'ng. 2 Boo/aa'yda' kawa axaa's Paulo iwa amo'r'in i axwee'si nar tsifrir Ebrania tana xaasliita hhe'ee's ino's ir oo'. 3 "Ani a hee' Yahudi tina laqqaal Tarso'r wa ale, gixsa'r yaamuu' Kilikia. Ana ura'w wa baraa' gixsa'r Yerusalemu. Tina intsaahhatimiis nee Gamalieli nar gar'amuu gawaa' hara'eya'r baabi'iireno bare hee' ilakaahaa'r barta' Munguhe wa ido'r kuunga' bil. 4 Mu'kda uruuwa'r Aako digir deliit ngure kahharrmiis nee sleeme ngire tsuu'/ ina tsegiit ngire dahamiis baraa' doo' tseegimo'r i ale' hhawaate nee /ameenaro. 5 Idoori qeeraharusmoo' u'r oo slaalingw mu'k Yahudi nee bariise'r doo' kwasleema ngi aleekala/ana' sleeme, gidaaba' inooin oo koola ' ani tire barwaduu' i hariis oo ni haw amo'r hhaeere'n oo mu'k Yahudi kwada Dameskir i dirii. Ha'w ay Dameski as mu'k umuuwa'r Aako digir-deliit nguwa ohim, nee ngiwa tsegiit nee ngire huu'w ay Yerusalemu kiwa aslawasleemuuti. 6 Qooma'r nawa hhayuu't nawa nakaa'/ Dameskir i ale qooma'r tlatlaa/a'ngw kila' gwa/ateenaa' ur gawaa' dawri dahaa' nire gwa/aatii nar gaanslaay bahh'e'r' ee slee'meero. 7 Ani nire slafiit yaamuu' i ale' afoo ana axaa's ar amo'r i /akakaa' i kat' "Sauli, Sauli, ihii wa'y ani amis munee' duxu't?" 8 Ani nire oo' kuu'ng a ma'a' Aako? "Ani ire ba'y ani Ani Yesu oo Nasareti kwada' kuung ta nuunee' duxu't. 9 Mukda nee ani ti koo'maa'r gwa/ateema' kilooin ngina arii' ala afo'r heeda nee ani ta axweesaa'n kaa axaasiika. 10 Ani nire oo' Ido'r ni /iis Aako? Aako ire ba'y, tia'w sihhit da'h baraa' gixsa'r Dameski, nee baraada iidigooda' slee'meero bariim wa kuuu'ng kuu'ngu oo'. 11 Ani xumso ngire harslaaqa't asma mira/a'y gwa/ateemaada' mukda' nee ani ti koo'maa'n ire dawaa ohii, ire geerahaarii ay Dameski. 12 Amoodae' heeko wa'k i deer ta bay Anania ino's a hee' ilaiwa/ame'r koo'm gwaa' hara'eyaar hee'w ta hhoar i xui nee mu'k Yahudo sleemeero oo amooda' i dirii'. 13 Ninaa xa'y ay dir geeraaee' ir sihhiit ire ba'y hhiyaaee' Sauli,i/aawo'k i qaytsitye' elaaee'nir qaytsitii' qoomaada'r kila' ongure a'r. 14 Ire oo' Mungu' baabi'iire'n kuu'ng aa tsamaa'r sla'aariro's kawa tsa'hh nee kwada ' Gawaa' kuwa aan nee afo'r baraa' afko's daahh kawa axaa's. 15 Asma kuu'ng a aleekala/amusmoowo's tleehhit dir muu' slee'meero gawaa' moroowi taa aa'n nee taa axamisi slee'meero. 16 Ala na daamaaraa'n slaner? Sihhiit umoo' Aako /akaae tu baatisi, tlakweemaa wo'k ki hamaatli'. 17 Ani nwa Yerusalemu'r i kii/ ooma'r niwa fiririim wa baraa' doo' Mungu' na ale' ana i guu'. 18 Aako una a'r ire ba'y goow nar gaanslaay baraa' Yerusalemu geexaweek asma alekal/aango'k gawwaa'ee'ne ku ya/anaka' nee mu'k baraaka. 19 Ani nin oo' 'Aa'ko inooin oo kila ngi lo' wa xuiya' ido'r ani gar tsegiit kwada kuu'ng a hartlinti'ii nee ido'r ngar diif baraa' maree' saaliingo. 20 Nee tseere'r Stefano aleekalaa/uusmoowo'k kawa ku'uu's ani a der nee ana qwalalaa'/, inqwaaro' mu'ka ino's ngwa gaasi una xuu'm. 21 Ala ino's ani ire ba'y "Tia'w ani kuu'ng u ya/aa'w amo'r saaw, amo'r muk xoordu."' 22 Muu Paulo kuna iia'r i qaa's ay dir /aymuuwi /aymuuwi ooaro' ngwa wa as hhe'ee's muu ire tseeimin nar afo'r u'r lo' wa ale ta kaalu " Heewi hengeesaak baraa' yaamuuwo i harinaka' iwa hooti." 23 Qooma'r tawa tseeinu'n nee tawa inqwaroo' kwa kwahhi, nee tawa tlara'ngw tleemisi. 24 Geeraharusmooda' u'r oo askari ire oo' "Paulo dahaasaak baraa' boo'ma iidigoowo's yaahamiisaak kuu hana alifa' ay dir gaari ku i as tseeimin ngi i ooi'. 25 Kure tseeg nar as kuwa difi Paulo geera harusmoo' askaa'ri kwada' a sihhit bahhiiwo's i ale' ngure ba'y "ihii ya/aama i koonda'a oo heee' Tumi kur difi kwa askwasleemuutika?" 26 Geeraharusmooda' idoori ngawaaxaa's ir daqa'y dir geeraharusmooda ' u'r ngare beemuu a'y kaangwihe ire oo' ido'r ta tleehha'r sla'a idoola? Heewi bare' a hee Rumi." 27 Geerahamusmoda' u'r oo askaa'm nire harda'h ngure yaahaa's ir oo' " kuu'ng a hee' Rumiro" Ire oo' Ee'. 28 GEERAHARUSMOODA' u'r ire oo' "Ani yaamuu' looari ana sl'w nar tlaxor u'r" Paulo ire oo' sla' ani a yaamuuloousmoo' Rumi' nar laqwalmo." 29 Mukda' geera ta amohhe'ees as Paulo kuwa yaahaani tare tla'y kure geexa'y, nee geeraharusmooda' u'ru oo askaa'r ino's sleeme ire da'ayuut ngawa tsaa'hh gidaaba' Paulo a hee' Rumi nee ino's ngwa tseeg. 30 Deelo'r boboo' tsa'r geerahamusmooda' u'r ngire slaa' ngiwa xu'i gada Paulo kwa as askwasleemuu't nee mu'k Yahudi, gawaa' idoorihe Paulo ngure gwee'r geeraharuuser uren ar saalingw mu'k Yahudi nee bariise'r doo' kwasleema sleemeero ngire /akaa' Paulo ngure lee'hh ngure qaa's dir geeraain.