1 Paulo, um'k kwasleema ngure ilaa' i duxuu't ire oo' "Hhaeee'ee' ani muunoo' hhoohhoo' unar hoo't geera' Munguhe ay bili. 2 Anania geeraharusmoo' u'r oo Saalingw mu'k Yahudi mukda ' a bahhiwo's i sihhit ngure ba'y "Heesi afa tahhaak." 3 Paulo ire oo' Mungu' kuung' a taahh' asma kuu'ng a ido'r ku/uu'ng ta hhoohoooees anar chokaa'a kuu'ng ana iwit as ami iwa askwasleemuu't nar idooda' hara'eya kat ala kuu'ng "difa'k" gawaa' idoorihe kuu'gn hara'eya aka si.' 4 Kwada sihhiimiita' diida' i tseew tana oo' "kuu'ng geeraharusmoo' u'r oo saalingw oo Mungu' un gotlitaa'ng?" 5 Paulo ire oo' "Hhaee'ee' ino's tar geeraharusmoo' ur' oo saalingw mu'k Yahudi ani aka xuiika'. S kaa gooin gidaaba' geraaharusmoo' muko'k nu moroo tla'kw babawaar. 6 Paulo ngawa tsaa'hh gidaaba' baradae a bahha mu'k Sadakayo ne bahha mu'k Garisayo ire tsee' nar afo'r ur baraa' doo' kwasleemeero wa ale ire oo'. Hhaee'ee' ani a hee' Farisayo garmaa' hee Frisayo ani tin askwasleemuu't as haraxu'utir ni koo'm gidaava' mu'k a hha'n ku was/oo/atiis. 7 Idoori ooaro ngawa as hhe'ee's mu'k Farisayo nee mu'k Sadukayo tare kaa/uu's boo/ayda' tire falookwakwahhii'. 8 Asma mu'k Sadukayo ta kaahi was/oo/oo' muu i kaahh, sleeme ta kaahi malaykadu i kahhhiga' laqaa' tam qeeru i kaahh, ala mu'k Farisayo moroowi slee'meero ku haratlntaatii' gidaaba' i deer. 9 Tsimaahhir yaariir ire deeru't intsaahhatuuse'r harae'ya'r Musa bahha'ale kwadoo' barta' mu'k Farisayo tana sihhiit kure lo wa aleekalaa tere oo' "Ate'n tlakweemaa' ta ara'aa'n dir heewihe i kahhiya' hiti dirkaaro kwa tsubai i axwee's ne Qeeru laqaa' nee malaykimo?" 10 Xisla awa tlaa'hh, geeraharusmoo' u'r oo askaa'ri ina da'ayuu't gidaaba' Paulo feehhimiis, gawaa' idoorihe askaa'ri nire ya/aa'w kure /uuruu'r hengee' baraa' dabaain wa ale, kure huu'w baraa' boo'ma. 11 Amsiisiye Aako ina sihhiit bahhi Paulo ire oo' ma da'ayuutaar, asma idooda iidigooee' kwar alekal/aa'n baraa' Yerusalemuro un idooda'r aleekal/aa'n sleeme baraa' Rumiro." 12 Looa nawa tlee'r mu'k Yahudi bahha'ale tare alaxwee's tire kil'in afuu'misii' gidaaba' a /ayiimanaaka' sleeme a wahamanaaka' ay dir Paulo ku i gaasaa'n. 13 Mukwi ta kilooin afuu'miis nibeeri tsiya'hh ngi wanaahhiya'. 14 Tare daqa'y dir geeraharuuse'r uren ar saalingw mu'k Yahudi, nee barisee tare oo' Ate'n ta afuu' misaa'n kiloote'n tawa ga andiitaanaka' ay dir Paulo ku i gaasaan. 15 Gimse' kuunga' nee bariise'r hwasleema geeraharusmoo' u'r oo askaa'ri idabawaak gidaaba' Paulo ar /eetari motlo amoori Daqadeeko a ido'r muk iidigoowo's ngu alqaytsita'r sla'a. Ala daqade ate'n u giiraa'n wa uruwa kure gaasaa'n. 16 Ala garmaa' hho'or Paulo iidigoowi ngure axaa's gidaaba Paulo ku gigidin, ire tla'y ire dahmuu' ay baraa boo'ma iidigoowi ngure oo' dir Paulo. 17 Paulo geeraharusmoo' wa'k oo askaa'ri ngure /akaa' ngure ba'y "Garmaawi" kuweeka amo'r geeraharusmoo' u'r oo askaa'ri asma ga'r diro's i ooa'r sali i deer." 18 Geeraharusmoowi oo askaa'ri garmaada' ngure huu'w ay amo'r geeraharusmoo' ur' oo askaa'ri ire oo' Paulo kwada' ta tsee'g ani ina /akaa' as garmaawi nguwa amooro'k i huuw as ga'r ooa'r slai i deer diro'ti i ale. 19 Geeraharusmooda' u'r oo askaa'ri geemaada' ngure dawa ' oh ngurer buruu'k bahhi'i ale ngure yaahaa's "Kuu'ng ga'r ni ooa'r wa sla' a mila?" 20 Garmaada ire oo' "mu'k Yahudi ta al'axwee's kuu'ng tawa firiin gidaaba' Paulo kuwa ar/eti motlo baraa' i di nee kuwa qasi dir geera' kwasleema daqadeeko a ido'r mu'k iieitoo2o'w ngu alqaytsita'r slaa' kangw kila' wa ale. 21 Ala kuu'ng ma ya/aamaar asma mu'k mibeerii tsiya'hh ngi waaraa'hh ngu gigidina uruuwa'r wa ale. Inooin ta killin afuu'misii gidaaba' i /ayina'aaka' laqaa' i wahaa'aaka' ay dir Paulo ngu i gaasiya nee hinti axweesanta' amooro'k daahh ngin daamarana'." 22 Geeraharusmooda' u'r oo skaa'ri garmaada' ngure gurbuu' gidaaba' "Kangwsi mu hee' i ooaar gidaaba' ngwa ani i o' ngure doolo'r i oo'." 23 Geeraharuuse'r tsa'r ar askaa'ri ngire /akaa' ngire ba'y "Askaa'rir tsiire tsa'r amoohhe'eesaak as iwa Kaisaria'r keer nee ar faraa'see'r hi'iimiit tsiire tsa'r, nee askaarir lawkui koo'm tsiire tsa'r. Askaa'risi ti amohhe'es iwa tlee'r looa'r ta'm ar amsiiwo'." 24 Ngire ba'y "Faraa'sa'y amohhe'eesaak as Paulo kuwa tsa/aasi nee kuwa saxareemaa'r hardahasi amo'r Feliki, ga/awusmoo' waawtamoo' mu'k Rumi. 25 Barwa' ngire idoorir gooin. 26 "Anoo' Klaudio Lisia barwaa'r ngin amooro'k i gooiim kuu'ng Ga/awusmoo' xirif Felek laawaay. 27 Heewi' kuna o'h nee mu'k Yahudi kure aloogaa's, ala ani iidig ngwa wa sla'w gidaaba' ino's a hee' Rumi nire daqa'w dinkwa nee daqta' askarii ngure tuu'/. 28 Ani ana slaa' xu'utiro ga'r kwasa askawasleemuu't ngure huu'w geera' kwasleema'rin. 29 Ani ga'r na tsaahh a gidaaba' ino's ga'r tlaakw a tlee'hh i ka'hh ar gwa'ara'r wa harii'm laqaa' tam tseegimo, ala ga'r kwasa askawasleemuu't a garka tiwa slaslaya'aaka baraa' sibuu'ire. 30 Ga'r ani ana alhooree's a gidaaba' heesi ku gigidin nee mu'k Yahudi as kuwa gaasa'r wa slai, ngure amoodo'k i waarahhaa's, hee mu'kda ino's ngwa askwasleemuu'ti una iddaba'w, iidigoowo's nguwa amooro'k i alki/iitoo' aya'. Deelo." 31 Askaa'rida' idooda kaa ba'y kare tlee'hh Paulo ngure'r tlaye' amsiiwo kure huu'w ay yaamuu' Antipatri. 32 Looa'r naa tleer Paulo kurer tla'y nee askaa'rida' faraa'sa'y ngwa i tsa/aan tada ar ya'a ire ki/ay amo'r boo'ma. 33 Nee askaa'rida' faraa'sa'y ngwa tsa/aa'n tawa harda'h Kaisariaro, ga/awuusmoo kuna barwaa'da' i hariis, Paulo kure geeraawo's i huu'w. 34 Ga/awusmo barwaa'da soomaro ngawa hhe'ee's Paulo ngure yaahaa's amo'r nar ti'iit a yaamu gaala. Tare oo' a hee' yaamuu' Kilikia' ino's idoori ngawo axaa's. 35 Ire oo' "Kwasleemaaro'k a iia'r i qaa's mukda' kuu'ng a askwasleemuu't bir na harda'h." Hara'eya ngire hariis ar Paulo ku wa xun baraa' booma'r Herode' wa ale.