Tsufa'y Mibeeri Tsa'r Nee Tsiya'hh

1 Deelo'r kooa'n awa waara'hh Anania geerahrusmoo' u'r oo saalingw mu'k Yahudi briiserka ngina /akaa' nee hee' wa'k oo kwasleema'r baa'/ umoowo's a Tertulo kwasleemada' Paulo kwa wa askwasleemauut kare alki/iit dir ga/awasmo. 2 Paulo kure /akaa' ire sihhiit geera ga/awusmo Tertulo kwasleema ngire iima/u'n ire oo' Ga/awusmoo' xirif baraa' waarutiimaroge ana hoota'n nar wayda nee baraa' xooroorihe moroo' hho' kwa tlehhiit baraa' deengoge. 3 Idoori ti slee'meero an slaslawaa'n umoo'qo siiwaro' nee umoo'qo diiro nar slunifa'y yaariir, tada' ta tleehhit slayuu' hho' waawutamoo' xirit Feliki. 4 Ala ni kuu'ng ma slaqaatiis nar axwee'santa' yaariir naa's axweesantaare'n ti niinaw iia tiiqa's nar gurhhooaro'k. 5 Asma ate'n heewi uka tsaahha'n ido'r tar hee' tlaakw lo' waale a hee' mu'k Yahudi slee'meero baraa' yaamuuwo ngwa tsifiri Parath, nee hinti ino's a geeraharusmoo' ukda ta babay Nasarayo. 6 Nee sla'mi doo Mungu' nguna moroo' slasla/aro' i huwahuuw kure oo haa'n (Alhoorese! Laymee'ri hhaywi 24:6; kahhiya baraa' gooida'r aa'ng qoom). 7 Ala Lisia geeraharusmoo' u'r oo askaari nire harda'h ngure hayo'h nar /uuru wa dabaare'n (Alhoorese Hhaywi i kaa'hh baraa' gooida qoo'm ar aa'ng). 8 Kuu'ng ino's Paulo bura yaahamis kaangwi slee'meero nguwa askwasleemuutaan nqo tsa'hh. 9 Mu'k Yahudi sleeme tare amooda wa kalaa'/ askwasleemada' kare ya/a'n Aare Oo' Kangwsi slee'meero oo lo'. 10 Ga/awaamo Paulo ngure dako' i laqa'n as Paulo iwa ilawatsi, ire oo' "Ani an axwee's nar qwala/ wa dir geeraawo'k wa ala asma ngiwa xuu' kuu'ng tawa tlig kwasleema tlaqowo baraa' xooroorihe. 11 Ka inslaahh dirogelooeemaa' iidigoowi kiwa leelehh kare xu' gidaaba' deelo mibaa nee tsa'r a waarahhika' iimir nawa Yerusalemu i tsa/a'm as saaliingw. 12 Mukwi an awa baraa' doo' Mungu' i ay aka kaanganuusaniika' nee inooin taqaa' tam tlaahhi aka qaasiika' baraa' boo/aywo tam baraa' doo saalingo, laqaa' tam baraa' gixsaro. 13 Tam kaangwi ani iwa askwasleemuutiya' looeemaa wo's laqaamaro ngi alees/ay'aaka'. 14 Ani aka ya/aa'm dir geeraawo'k wa ale gidaaba' Mungudoo' baabi'iire'n un haratlintatii' nar uruuwada' ngiwa digir deliit, tada' inooin ana haratlintii tada' slee'meero nee hara'eya'r Musa ti slaslaawa' nee tada ta gooin baraa' kitaabeemaa' aaruse. 15 Ani haraxu'utir koo'm Munguhe gidaaba' mu'k hho' nee mu'k tlakwe ta was/oo/, inooin sleeme haraxu'utiri ngi kona'. 16 Ani muuaooee' un harmagaga'h daqislee'm gawaa' idoorihe as kahhoo' kuwa hhoohhoo' geera' Munguhe nee geera' muko. 17 Kureeri yaariire ani a ala kaa'h Yerusalemuwo aluuwo nire kii/ asmau'k xooror'ee' nguwe nguwa alee/iisay i huuw nee as ilahhooar'ee' ar pee'sa ngiwa duux dir geera' Munguhe. 18 Qooma'r an niwa kaangwi i dirii' mu'k Yahudi oo Asia'r daa'hh nina hardahhii' an ire Baraa' doo' Mungu' i aye' nee ani ta qaroo' hhoohhooee's ani nee boo/iy ti koomaa'n kaahh, laqaa' tlahhi'r ni qaamiim i ka'hh. 19 Alo' moso' inooin ga'r iwa harina' i diiri' ii' dirii'iya' as ani iwa geeraawo'k wa askwasleemuutiya' /aymuu' kona' bir deer gawaaeene. 20 Laqaa' tam mukwi diiri i dirii' ngi ooiye' ga'r na tlakwee's a mila ar inooin taa ar qoomaada' nawa sihhit geera' kwasleema'r mu'k Yahudi. 21 Ala aqo har ga'r wa'k /aymuuda' ani na tsee' nar afo'r ur tla/angw'in wa ale nawa' oo' ani bili kuunga' in askwasleemuta' asma ngiwa haratlintaatii' gidaaba' mu'k a hha'n i was/oo/'. 22 Feliki iidigoo' Mungu' ngu xu'uti hhe'ees gawaa' idoorihe deelo'r kwasleema ngire surkuu's ire oo' "Lisia, geeraharusmoo' iir oo askaa'ri bir naa amoori'i /ee't ani kaangwi u tsaa't." 23 Feliki geeraharusmoodaoo' askaa'ri ngure ba'y Paulo xuumaak, ala mu ak xuumara' tam mu/qeero's ar ngu i daqaaqaw laqaa' ngu asgadiy'e'r a'aw, ma ila/aamara'. 24 Deelo'r hhaawaaka' awa waara'hh Feliki nee hareero's Orusila ar tlahha'y mu'k Yahudi nina hardahii' Paulo kure /akaa' lidigoo' haratlintaao'r baraa' Yesu Kristo kure dir Paulo wa iiar i qamin. 25 Ala Paulo iidigoo' gan'ana ngiwa wa alki/iit nee iidigoo' ilatleeri meemi, ne askwasleema'r hi'iit Feliki ire da'ayuu't ngure ba'y "Kuu'ng ala tla'w ani Pa/aagw bura sla'w ani kuung uqo /ak'aa." 26 Ala Feliki Paulo nguna /akaaka elekuu' yaariire tawa axweesi, asma iwa slukuma'r slai. 27 Kureerii tsa'r nawa waarahhii Porkio Festo waawuti' iina ngina o'h kita'ngw Feliki wa ale Feliki Paulo ngure geexa'y baraa' tseegimo as mu'k Yahudi nguwa ilaa' hho' tleehhi.