1 Festo awa baraa' waawuti'iima'r i da'h deelo ta'm awa waara'hh ire Kaisaria'r wa tsa/a'n ay Yerusalemu. 2 Geeraharusmoo' u'r oo saalingw mu'k Yahudi nee bariise'r alhoeet ar mu'k Yahudi iidigoo Paulo ngure diro's i alki/ii tiye' ngure harhheehhe'eemisii'. 3 Festo nguna firne' ngiwa alee/yaa'n Paulo knjguwa huwi Yeruslemu asma inooin ngun giiro'r wa slaiya' kuwa gaasi. 4 Ala Festo ina oo' Paulo ku xu'n Kaisaria'r wa ale ani oo kila' a amorqa' i kii/ nar gaanslaay'. 5 Gawaa' idoorihe, ire oo' Heewi har ga'r aa tlakwee's i deer geeraharuuserhu'ng nee ani ti loomaa'n ay Kaisaria as nguwa askwasleemuutiga'. 6 Deelo'r dakaa't laqaa mibaangw ngawa amooda' wa hhe'ee's ire /ee't ay Kaisaria looa'r na tleer ire iwiit gawaa' kitangw sakwasleema ire oo' Paulo huuwaari'. 7 Paulo awa harda'h mu'k Yahudi nguna harweerii' ngure qisa'y yaariir i tlaaqii' ala looeemaawo's laqaamaro ka aleeslayka. 8 Paulo ino's kilo's tire aleekalaa/ ire oo' "Ani tlakweemaa i tleehhika gawaa' mu'k Yahudiro, laqaa' tam doo Mungu' laqaa' tam gawaa' waawutumoo' mu'k Rumi." 9 Ala Festo asma mu'k Yahudi nguwa ilaa' hho' i tleehhitoo' wa slaa' Paulo ngure ba'y' "Yerusalemu a sla'aang keemuwo as tawa askwasleemuuti as kaangwi amo'rqa' wa ale?" 10 Paulo ire oo' ani aka sihhiit geera kifangw sakwasleema oo waawutamoo' mu'k Rumi, nee diiri an dir hariim askwasleemar' eene, kuu'ng a lo' wa xu' gidaaba' ani ga'r ngwa wa askakuu's i ka'hh. 11 Ala an bar ana dakuu's laqaa' ga'r ani ga'r tlaakw ana tlee'hh niwa haiim gwa'araro, gwa'ara a siasiaaka' ala /ayomuu wi iwa askawasleemuutiya' bar looeeka' hee' ani i dabaa'n i qa's i kaahh, kwasleemaa'r ee' i waara'hh amo'r waawutamoo' mu'k Rumi. 12 Festo bariise'r kwasleema ngwa i axwee's Paulo ngure ba'y "Waarahhamuu' amo'r "Qaawutamoo' mu'k Rumi una sla' a daqee'r amo'r waawutamoo' mu'k Rumi!" 13 Deelo'r hhaawaaka' awa waara'hh waawutamo Agripa nee Bernike nina harda'hii' Kaisaria'r i ale' Festo ngun laaw'eesa'r aye'. 14 Deelo'r yaariir ngawa amooda' wa hhe'eesii' Festo iidigoo Paulo ngure alki/iit dir waawutumo ire oo' " Heeko i deer taa geexa'y baraa' tseegimo'r i ale nee Feliki. 15 Ani nawa harda'h Yerusalemu'r i ale, geeraharuse'r uren ar saalingw mu'k Yahudi nee bariise'r mu'k Yahudi, iidigoowo's nguna dir'ee' i alki/iitii' ga'r slaiya' a kun askwasleemuu't. 16 Gawaa' tihe ani ina ba'e Aako ido'r kwi dir mu'k Rumiro i kaahh oo hee' kuwa hariis dir mukda' ino's ngu askwasleemuu't as kuwa gaasi, bar taa al sihhiitiika' baraa' kwasleemaro as gidaaba ino's tiwa kilo's aleekalaa/i. 17 Gawaa' idoorihe inooin nawa burumburiti'i ani ika tligisiika' looa'r aa tleer ana iwiit gawaa' kita'ngw kwasleema nire oo' heesi huwaari'. 18 Mu'kda' ngwa askwasleemuu't nawa sihhiiti, geera kwasleema an geera'ka /aymuu' tlaa'kw ngu huuwiya' ala inooin /aymuu' tlaa'k oo na ooii' i kaa'hh. 19 Ala aqo har gawaa' diimir in ngina kaangaruusii nee gawaa' ii digoo' heeko ta ba'y Yesu aa qaroo' gwaa ala Paulo baraa' axweesantose ngire kwahhamaa tlee's gidaaba' i slaaf. 20 Ani uruuwa'r iidigoowi slee'meero ngur slaw aka xuuiika, idoorihe ani Paulo una yaahaa's Yerusalemu a kee'ra as tuwa askwasleemauu't amooda' wa ale. 21 Paulo ga'r a slaa' a waarahhamuu' amo'r waawutamoo' muk Rumi ire firin gidaaba' ku xu'n ay dir kwasleemaro's kai tsati nee waawutumoo' mu'k Rumi, ani idooda' ana ya/aa'm. 22 Agripa Festo ngure ba'y Heesi geeraawo ani un qo iia'r i qaasa'r wa slaa' "Festo ire oo' motlo uqo axaa's." 23 Looa'r naa tleer Agripa nee Bernike nire hardahii nar xirfu tare da'h dida kwasleema kawa axamiisi dinkwa nee geeraharusse'r uren ar askaa'ri nee bariise'r gixsa. Festo ire oo' Paulo huu'w. 24 Festo ire oo' waawutumo Agripa nee kuunga' koka' slee'meero diiri diriia' nee ate'n heewi u ge/eeraa? Mu'k Yahudi slee'meero kwada Yerusalemu'r i dirii' nee koka' baraaka' i dirii'a ta dir'ee' i kwasleemuu't ga'r ta /aa/a min a gaasaro's asma ta kaahi i harinaka i wa slafi. 25 Ala aw aka tsaa'hh gidaaba' ga'r tlaakw a tlee'hh i ka'hh ar gwa'ara'r wa hariim sla'mi ino's waarahhamuu' amo'r waawautumoo' mu'k Rumi ngawa firin ani ana slaa' nguwa amooro's i huu'w. 26 Ani /aymuu' kila' ni gooiim amo'r waawutumoo' i ale gawaawose i kaa'hh, gawaa' idoorihe nguna huu'w geeraahu'ng i ale' aka ale dir geeraawo'k waawutumo Agripa as kahhoo' bura yaahamiis an /aymuu' ni gooiim nguwa slaw gawaawose. 27 Asma ani nguwa ga/a'w a tliifa hee ta tsee'g kuwa huu'wi amo'r waawutumoo' mu'k Rumi i ale bara ga'r kwa askwasleemuu't kaa ooiika'.