1 Agripa Paulo ngure ba'y' Akaa ya/aa'm axweesana'ywo'k kuwao o' Paulo dako's ngure tlee's tire aleekala/a'n nar /aymi'iika'. 2 Ani a qaoalalaa'/walo' waawutumo Agripa ams ani tiwa aleekala/am dir geeraawo'k wa ale bili baraa' morooda' slee'meero mu'k Yahudi ani iwa askawasleemuu'ti. 3 Asma tlehhemi'ii yaarir nee yaahamisoo' yaariir oo mu'k Yahudi kuu'ng u lo' wa xu' gawaa' idoorihe ani kuu'ng un firiim iwa iia'r i qaa's nar qitla. 4 Mu'k Yahudi slee'meero ngi xu'iiya ' ani ido'r nar hoo't iimir na/u'uumar'eene, kaa xuu' ido'r nar hoo't baraa' tla/a'ngw mukin wa le nee baraa' Yerusalemu. 5 Inooin ani i xu'iya' nee nguwa aleekalaa/iya' gidaaba' iimir iimu/uungo ani ana hoo't ido'r hee Farisayo kwada hara'eya'r diinire'n nga lo' wa digir-deel nar gaa'amu. 6 Ani hinti aka sihhiit as tiwa askwasleemuu'ti ana haraxuu' al'axweesantada' Mungu' aa hariis dir baabi'iite'n. 7 Al'exweesanti tlahhi'iire'n kwada mibaa' nee tsa'r sleemeero ngin daamarana' i hardahiya tawa Mungu' sluufimamis nar ilakaaharu tlatla/aangw nee Anioiiwo waawutumo ani gar'r ti as askwasleemuu'ti nee mu'k Yahudi a gawaa' harxu'utiri. 8 Kuungo' mu'k Yahudi as mila ga'r tas haratlintantia'aaka gidaaba' Mungu' muu was/oo/isaro ngu aleesla'y? 9 Qooma'r wake ani ana haraxuu' gidaaba ani moroo' slee'meero un tlee'hh kwada Yesu Kristo oo Nasareti ngu baaqmukaa haratlintii nee muu. 10 Idoori ana /imiis wa baraa' Yeusalemu ya/aama in sla'w wa dir geeraharuuse'r ure'n ar saalingw mu'k Yahudi, mu'k hhohho' oo Mungu' ngure tsegiit nee qooma'r kwasleema kawa tsaa't kiwa tsa/i ani sleeme ana ya/aa'm. 11 Ki/ima yaariire mu'k Mungu una da'aye tsataa't nar difta wa baraa' maree' saling as daqade Yesu nguwa gootlitiya', inooin ina gnaisiim tam ay baraa' gixsadau' ayeemaa harla idoori ana tlehhiit nar buhhaaee'. 12 Ani kaangwi ngu wa tlehhiit ana Dameskir ka'w sleeme, ya/aama nee hara'eya ina sla'w wa dir geeraharususe'r ure'n ar saalingw mu'k Yahudi. 13 Waawutumo ani niwa uruuwa'r dirii' qooma'r tlaatla/aango gwa/ateemaa' ur oo tseelimaa' ba/a ina a'r i gawaa' dawri dahhiya gwa/ateemaaka' ani ina i gwa/aatii bahhe slee'meero dinkwa nee mukda nee ani ti koomaa'n. 14 Ate'n slee'meero tare al slapitaa'n yaamuu ani afoo ngire axaa's ar amo'r 'ee' i axwees iihi wa'y ani mihar slahhe'ee'mis? A ga'r gawit diroge tawa sla'qw nee ani'. 15 Ani nire oo' kuu'ng a ma'a Aako? Aako ire oo' ani a Yesu kwada kuung' ta slahhe'ee'mis. 16 Ala, alkwi'i tla'w sihhiit nar ya'aawo'k gaari an ga'r ani kuu'ng aa as harati'iit as uwa qaa's tawa asgadiyusmo nee aleekalaa/usmoo' moroowi taa aan nee morooda' ta aan aluuwo. 17 Ani kuu'ng un ba/amiis dabaa' mu'k Israeliwo nee dabaa' mu'k xoorduu' hatla' asma ani kuu'ng una amor'in i ya/aa'w. 18 Kuu'ng ilaain in gwe't nee inooin in idor qe's baraa' giwitiro tare da'h baraa gwa/ateemaaye, nee kiwa herenge's baraa' /uuru neetlaango, kire hu'p amo'r Mungu' daqade' tlakwee Mungu' tleehhiit baraa' tla/angw kwada' taa hhoohhooee's as ani a haratlinti'ii. 19 Gawaa' idoorihe waawutumo Agripa ani iiguutunda' gawaa' dawri daa'hh uka si'iika. 20 Ani iidigoo' Mungu' una alki/iit mu'k Dameski unagiimis, aluuwo tare mu'k Yerusalemu ana alki/iit dir in nee baraa' yaamu slee'meero ana alki/iit gidaaba' tawa hho'i'in' nee Mungu' kuwa i warqay tlehhemi'ii nee hho'i'iingwi'in ti slawa' kiwa tleehhi. 21 Gaari an ga'r mu'k Yahudi ani asa o'h qooma'r ani niwa baraa' doo' Mungu' i dirii tire gaasa'r wa slaa'. 22 Ani Mungu' ina a/ee/iis ay hinti an ga'r hinti ni as sihhimiit diiri wa ale' mu'k ure'n nee mu'k mina'kw ngu wa i aleekalaa/aa'm ani /aymuu' hatla' oo nu oo' kaahh, aqo har kwada aaruuso nee Musa ta ka'h gidaaba' i tlehharuu't. 23 Gidaaba' Kristo ga'r kuwa hariim a kun slahhe'eemiis tare hee' geera' waas/o/oowo baraa' mu'k aa haa'n wa ale nee iidigoo' gwa/ateema ngure huuw dir mu'k Israeli nee dir muk xoorduu' hatla'. 24 Paulo qooma'r tiwa idoori wa aleekal/an nee awa hhe'ee's Festo ire tsee' nar afo'r ur ire oo' "Paulo kuu'ng aka neetlaamu't soonaro'k tisi yaariir a neetlaamuu'r." 25 Ala Paulo ire oo' "Waawutumoo' xirif ani aka nee tlaamuutiika' ala an axweesana'y to ka'h nee oo ganaa." 26 Asma waawutumo' Agripa moroowi ngu xuu' nee ani un axwee's dir geeraahe'ee's gidaaba' ga'r waawutumo xu'iika i ka'hh baraa' moroowi slee'meero as kaangwi aa tleehharuutiika wa baraa' /u/aara'y. 27 Waawutumo Agripa kuu'ng aamuuse a haratlintia? A xuu' ido'r kar haratlintaati. 28 Agripa ire oo' dir Paulo "Nara /aymi'iiwo'k kwisi niinawe ani inqo krishaanmo tle'hha? 29 Paulo ire oo' "Ta /aymi'ii yaariir laqaa' ta oo niinawe a gaaro'ka, ala ga'r ni fiririim ido'r ani tleehhit, ala muta tsee'g wa i do'r ani sla'mi a kuu'ng kilogeeka, ala tam mukwi slee'meero oo ani iia'r i qaamim diirihe." 30 Waawutumo' nee ga/awusmo nee Baraiko nee mukda' a dida' i iwiit tare sihhit. 31 Tawa ti'iimit, tare kilooin axwee's tare oo' Heewi ga'r gwa'rar wa hariim nga tleehhiika laqaa tam ar tseegimo'. 32 Agrip ire oo' dir Festo' Heewi geera waarahhamuu' amo'r waawutumoo' mu'k Rumi bar ngwa firinika' geera alo'k a gweera.