Tsufa'y Mibeeri Tsa'r Nee Faanqw

1 Qooma'r hara'eya kawa duu'x gidaaba' a hhayuu'taa'n nar baraa' tlawi ay Italia, Paulo kuungure duu'x nee al mu'k hatla' ta tseegiit kire qaa's dabaa' heeko ta bay Yulio ino's a geeraharusmoo' daqata' askaarir mu'k Rumi, daqtada ta ba'y. Daqta' waawutumoo' mu'k Rumi. 2 Ana tsa/ama'n naqimooko' oo' baraa' Adrimitio'r i dirii' naqimooa' amo'r kay a baraa' gixsaduu' a fee' tlawi oo yaamuu' Asia. Tare tlawaa'n Anistarko, hee' gixsa'r Tesalonike ar baraa' yaamuu' Madedonia nee ate'n ti Koomaa'n. 3 Looa'r na tleer, oma hardahaa'n Sidoni Yulio, Paulo ngure hhooa'r i tlee'hh, nguna aleeya/a'n iwa mulqeero's arta'ay as inooin kuwa alee/isi. 4 Didae tawa tlawaa'n tare waarahhaa'n nar baraa' tlawi bahhi /uya'y ar Kipro as furi'a kawa ilagoowaan, asma fur'a ka lo' wa un baraa' tlawito. 5 Tlawi kare waarahhaa'n tawa nakaa/aan dir yaamuu' kilikiaro nee Pamfilia, tlawi kare warahhaa'n ay dir gixsa'r mira ar baraa' yaamuu' Likia. 6 Didae geeraharusmoo' askaari naqimoo ngure sla'y oo Iskanderia'r daa'hh naqimooda' i Italia'r ka'y ate'n tire tsa/aa's gawada' i ale. 7 Hhayuumaro ana tseegimaamiisaa'n, deelo'r yaariir ke hhe'eesaa'n tare hardahaa'n gixsa'r Knido nar qitla, fur'a i komit itwa ila/aan aruuwada koomitaro tare bahhii basko'r oohaa'n oo yaamuu Krete tawa waarahhaa'n nar salmone. 8 Ani koomiitam hhayumaro afee' tlawita'r ale tare hardahaa'n nar slaha'amaaye'r yaarii'r dirka ta ba'yafee tlawi oo hhoohhoa' diiri ka saweeka' dir gixsa'r Lasaaro. 9 Tare tligaa'n hootaawo wa dida' gawaa' idoorihe a tsaxwa' ur hayuumarihe bara' koomitaa'n asma hinti tam deelo'r Gwaawuu Yahudi a waara'hh Paulo axweesanti ngire oo' ar tundu wa gurbu'i gidaaba'. 10 "Orjoog hhawaate, ani ngi ga/a'w hhayuumare'n ti dirii wa tleemu a tsaxwa' wa ba/a/aman xoosla'ar yaariir a qwareesaa'n nee naqimoohe sleeme tam slafing ure'n oo kila'. 11 Alaa geeraharusmoo' askaa'ri Axweesana'y hee' Naqimoo' naadiit nee daqaarmoo' naqimo nguna aka axaamii kwadoo' Paulo ba/a. 12 Asma tawa ga'r in tsaahheeka dida' hootawo qooma'r tsaqwaro idoorihe mu'k yaariir tare oo' gweesa quutlaan diirihe baraa' leeslawaa'n a waarahha'n ay Foinike asma tawa hootaan qooma'r tsaqwaro, Dida'r Foinike an afee' tlawi oo yaamuu' Krete' girii ina gana /uyakoo'alo da/aa'w nee slaimi ina gana Basko' alo da/aawi. 13 Fur'ar basko daahh ire iimu/uu'n fukukueehingo ar tseegimiis kare haraxuu' gidaaba harda hamu u aleeslawaari alknii as fur'ari naqimo kure gweer tare tla'y tare komiit nar afee' yaamuu' Krete nar idooda' taa aleesla'y. 14 Deelo'r ninaw awa waara'hh fur'ar baambeo ire /uuruu'r fukukueeliin nire ti'it nar /uuru amo'r yaamuu' kaahaa'r wa ale Baambeooda' a tada ta ba'y Baambeo'r /uyak ala da/aa'w'. 15 Baambeoda naqimo nguna hatsis kare tsaahhaa'n gidaaba naqimo nee fur'a tlaamba amisawo ti aleeslayaaa naqimo as ditsoo karo una mawaa'n as kuwa harahuwaahawi ne fur'a. 16 Ana gowaa'n na bartada fur'a kawa ilaa'/ tare hardahaa'n yaamuukii niina'w baraa tla/angw, alawi ta ba'y kauda tare bahhi basko'r oohaa'n, waqimo niina'w ta lohisi nee kwada ur kure aleeslawaa'n kuwa tsa/aa saan gawaa' naqinwoda' u'r nar ma/iis. 17 Naqimood inmaw kwa wa hhe'ee's tsa/aasaro hin'e kare waarahha's nar baraa' guroo' naqimooda' u'r kure atlee's tseegaro. Tare da'ayuut fur'a ngiwa hwaahup ay afee' yaamuu Libya ay dirka maay kiwa niinaw ta bay sirti waaqamaa ure'n oo fur'a baqamiingw kire /aree's as Nagimo kuwa tseegisi nee fur'a. 18 Fur'a tunduna lo' wa ditsookiis, gawaa' idoorihe looa'r na tleer hwa kire kwakwahhaa'r baraa' tlawi askiwa /aareesaan. 19 Boloo' tam xooda'ar naqimo ngire hwakwaa'hhia baraa tlawi nar dabaa'n oo kila'. 20 Deelo'r yaariir ire waara'hh tsee/imaa nee tsatse/ uka araanika fur'a ire lo' wa komit nar /uuru tam alhe'eesaye haraxu'utir tawa ba/amain ire fa'k. 21 Deelo'r yaarire tawa iwiiwiit nar qwari Paulo ire sihhiit tla/a ngw'in i ale ire oo "Hhawaate, qooma'r ani nawa oo' a tlawaanaaka yaamuu' Kretero alo' ani iia'r i qase Alo geera moroowi yaariir a hhitiruutika nee aa qwaariika. 22 Ala hinti tundun baw ma da'a yu miitara asma tam hee' wa'k i qwaariika dirhunge ala aqo har haqimo kilo's. 23 Asma amsi bilhe malaykimoo' Munguda' ani naa haratlintaatii nee sla'mi ni ilaiwawaa/ ina sihhiit bahhii'ee' i ale. 24 Ire ba'y Paulo ma da'ayumitaar, kuu'ng ga'r ta hariim an sihhit geera' waawutumoo' mu'k Rumi. Nee qaytsiit Mungu' mukwi slee'meero hhayumiit inkwa nee kuung' ngwa hariis diiro'k i ale. 25 idoorihe hhawaata ma da'ayumitaara' asma ani Mungu' uka haratlintiii Gidaaba' idooda' tinda dir'ee' i oo i tleehhharu't. 26 Ala ate'n aqoo' an slahhaa'n as Naqimoore'n kuwa huuwi nee fur'a ay dir haamuukii kaahaa oo baraa' tla/angw tlawi ire gawaadi'i sii'. 27 Ana komiitan weemooro badu slee'meero baraa' tlawita Adriatiki wa lae amsii bo/oo deelo'r mi baa nee tsiya'hh awa bu'uutii qooma'r amsii direne mu'k baraa' naqimo wa gadiyuu's kawa xui taa tseewu'y yaamuu' kaahaa'r i ale. 28 Tlaa/ano kure tsee'g kawa sago' hhutlmo kure /eetiis baraa' tlawi as saweemaa' tlawi kiwa tsaahhi kare tsaa'hh a har afii' qooma'r digir mibeeri ta'm nee lahhoo'siiwa'r niinaw awa waara'hh tlaa/amo kure male/eetiis saweema dire slaa'hh a digir mibeeri tsa'r nee faanqw. 29 Tare da'ayuu't gidaaba naqimo i iisii' gawaaa' tlaa/a'r baraa' tlawti ale, tlaa/ee' tsiya'hh oo naqimo ilaa/aro ngu aleeslawaa' kire /eetiis baraa' tlawi oo taa tsee'g aluu naqimoo i ale, tleemuu' looa kure fitlitlin. 30 Mu'kda's baraa' naqir wa gadiyuu's ire gowe slaa' as baraa' naqina kiwa geexay naqayda ninakw kure aweeriis baraa tlawiti'i ale ido'r mu'k tlaa/ee /eetisa'r slaa' kwada naqumo ilaa/a ama' amo'r Sago' naqimo wa ale. 31 Paulo geeraharusmoo' askaa'rir Rumi ngure ba'y "'Mukwi bir baraa' naqimoo' wa iwiiwitiika kuunga' a ba/aanda'aaka." 32 Askaari him eeda ta naqimooda ninaw ar tseeb ngire tsa't naqi ire hu'. 33 Matlaatlee'boo/e iimi iwa Pa/aapa'/ Paulo muu slee'meero ngure harhheehhe'ee's iwa /ayin ire oo' "Bilia deelo'r mibaa nee tsiya'ha tawa daamaraande' nee tawa gwawiinde' nee tam aka gaa kihhii'iika'. 34 Ani kuunga tundun harhheehhe'ee's moroo' /ayma /aya ak asma an ga'r tar slafa'n asma tam se'eemir wa'k ar sago hee' i qwadaka' baraa' tla/a'nghunge. 35 Idoori ooaro ngawa hhe'ee's mukate ngure taataa'hh Mungu' ngure s/uufiis wa dir geera' muu slee'meero wa ale. Mukate ngure parhhamiis /aymaaro ngure iimu/u'n. 36 Slee'meero tare gurti kwaa'/ inooin sleeme tare /ayin. 37 Ate'n kwada baraa' naqimoo' i dirii'a' a har tsiire'r tsa'r nee mibeer faanqw nee lahhoo, 276. 38 Tawa aa'x angano kure kwaa'hh baraa' tlawi as iiloeema kiwa /aareesi baraa' naqimohe. 39 Looa awa tlee'r mukda naqino madiit yaamuuda ta i harda'h kaa tsaahhika' ala ga'r taa a'r qul/irka ar ma'aay taa doogii nee yaamuu' kaahhaar oo na tlafiitii' tare al'axwees ar naqimo kuwa hardahaasi amooda' i ale. 40 Idoorihe him'eeda tlaa/ee' koom kare tsaa't kare ma'y baraa' tlawi, nee himeeda naqimo tir madili kare slakwekwe'ee's waaqamooda' fur'ar ila/aa'm kare tlee's amo'r sago naqimo wa ale' as fur'a naqimo aguwa geera' i surku's tare tseewauyafee' tlawi. 41 Tawi harda'h dirka ma'a'y tlawi tiwa dogiitiya naqimo inaiisii gawaa hhasaangwda oo baraa' tlawi sago' naqino ire iisii, ire lo' wa nagaa't barta alu kare tuu'uut nee /uuruu' gwanduu' ma'aay ire fee/it. 42 Askariai ga'r a sla a gidaaba mukda slee'meero taa tseegiit kuwa tsu/i aa tam oo wa'k dir' ine ma waara'hh nar baraa' ma'aay nar gwangwaahhuusa ire goow. 43 Ala geeraharusmoo' askaartir Rumi Paulo nguna ba/amisa'r wa slaa' askaaridi ngire ilaa'/ ido'r in tada taa slaa makawa tlee'hh, ala ire hara'eyi gidaaba' mukda gwangwaa'hh ngu aleesla'w ta geera/akuu'ti baraa' tlawitii ale nee ta hardahi yaamuu' kaa haar i ale. 44 Nee mukda a meet bahha'ale i As/a'n gawaa' peehha'y nee bahha'ale gawaa' parahhemoo' hatla' oo naqimo. Gawaa' idoorihe slee'meero tare hardahaa'n yaamuu' kaahaa'r i ale as tundu wa saxamaa'r.