1 Tawa hardahaa'n tundu wa saxamaa'r kare tsaahhaa'n gidaaba' yaamuuda' kaahaa'r ki ba'y melita. 2 Mu'k yaamuuda tunduna gurhhooa'r i tlee'hh, as/a kana oohiis ate'n slee'meeero tunduna kwahha's asma tluwaay nee tsaqwa iwa tundaa laaleeer. 3 Paulo bohha'r migir ngire buruumbuu'r ngire qamin baraa' asla, amaatoo/i ire baraada' wa ti iit asma asla dako' Paulo ngure kiihh ire hembeleleiit gawaa' dako'i alo. 4 Mu'k yaamuuda amaataoo/i kawa a'r iwa hembe/eele imit tire baye' "Heewi ange/a'w a hee' tsu/umaamiit ala tim a ba/ani baraa' tlawilo Mungu'doo' gan'aamu ino's ngu mayka i wa hooti." 5 Ala ino' amaatoo/ida ngina kwikuu' baraa' ala ino's ga'r ngwa eer i ka'hh. 6 Inooin geeraawo kawa xui gidaaba' i xir'iit laqii yaamuu' i huu' ire gwaa' nar qaanslaay kare daamara'n wa lo' kure ar ga'r ngwa eer i ka'hh hhaslorin baraa' muner' inee ire warqeer tare oo' gidaaba' ino's a Mungu'. 7 Dida tseewe qamuuku i daya' oo hee' u'r oo yaamuuda umoowo's a Publio Heewiate'n tina kwahha's nar muunoo' mulqi'iima tare dahaayeero's deeluu' tame. 8 Qoomaradae' baaboo' Publio ina tiiq ga/atintoo' nee tseerdu'ngin gusin , Paulo ire amooro's i daqa'y ire firin, ngure dabaawo's i qaa's iae hhoo'a'y. 9 Moroowi slee'meero awa tleehharuu't ukda' oo hatla' tiqa oo baraa yaamuuda nire dida i harda'h kire hhoo'ee'miis. 10 Tunduna ilaiwa/amir yaariir i Alee'hh nee inooin qooma'r i harmiis oo taqo sla' aana. 11 Sle'hheeri ta'm nwa waarahhii' tare tlawaa'r nar naqimo amo'r Iskanderiar daa'hh qooma'r tsaaqwaro naqimo ina hoo't wa dir yaamuuda umuu'se'r naqimoowi ka ba'y "'Hhaee' tsa'r Dange'." 12 Tawa hardahha'n dir gidxa'r ta ba'y sira kuwa tara dida wa hootaa'n deelo ta'm. 13 Tawa dida' wa tlawaa'n tare hardahha'n dir gixsa'r ta ba'y Region. Looa'r a tleer fur'ar basko daahh ire fukukuee liin nee boloo' tsa'r tare hardahaa'n dir gixsa'r ta bay' puteoli. 14 Hhae kire amooda' i awaa'n ate'n tire lo' wa kwahhaasii' tare iwiwiitaa'n nee inooin deelo faanqw, aluudae ate'n tare hardahaa'n baraa' yaamuu' Rumi. 15 Amoodae hhae iidigoore'n ngwa wa axaasii' ate'n tire al'aye' amo'r dirka moroo' kuwa weerimaamisi ta ba'y Apio nee dirka ta ba'y Maree' ta oo /ayma. 16 Tawa dahaa'n baraa' yaamuu' Rumi Paulo kuna alee ya/a'n iwa hoo't dir doo' ino's tawa kolo's nee askaa'rmooda' ngu xuu'm. 17 Ala deelo ta'm iwa waara'hh Paulo geeraharuuse'r mu'k Yahudi ngire /akaa' tiwa doogiya' tawa buruumburiit ngire ba'y, hhae e'ee' ani ga'r na tlee'hh i ka'hh ar harimaaka 'dir mukrene nee ta'm uuneemaa' baabi'iire'n ika sii'iika, Ala tam ala idoorihe tina tsee'giimir Yerusalemu'r wa ale, tire qaa's dabaa' mu'k Rumi. 18 Inooin ani tawa hhe'ee's yaahamisoowo tina slaa' tiwa gweeri asma ga'r na tlee'hh i ka'hh ar ti as gaasi. 19 Ala mu'k Yahudi idooda ngawa sii' ani ido'r hatla' ni /iis wa qwa't aqo har kwasleema'r'ee' ngiwa waarahhaa's amo'r waawutumo mu'k Rumi ala ani ga'r mukxooror'ee' ngu ao askwasleemuu't i ka'hh. 20 Ala gawaa' idoori ani kuunga tunduna /akoa iwa ana eera' nee tawa al'axweesaan asma ani taa tsee'g nar Pirguuwi as haraxu'utir mu'k Israeli. 21 Ino's ngure baye' "Ate'n barwa'r iidigoowo'k koo'm aka slawaaniika' ar amo'r yaamuu' Yudee'r daahh' Tam hhiyaa' wa'k oo na amoori'i harda'h i kaahh oo iidigoowo'k ngwa oo' Laqaa' oo /aymu tlaa'kw ngwa oo' gawaawoge. 22 Ala hinti aa axaasa'r wa sla'aa'n amooro'k wa ale ido'r kuu'ng a ge/eer. Asma ate'n ga'r taa axaasaa'n a gidaaba' diinisi kuung ta digir de/ ka ka'ngw tla'kw i kah umoo'qo diiro." 23 Deelo kare a'axwee's ar kuwa iia'r i qasa'r ay kure haradaqa'y nee mu'k yaariir dir do' da' ino' hoo'ti iimir matlatle ay xweeraxwi'ii Paulo iidigoo' waawuti'iima'r Mungu' ngure dir in i alki/iit nar axweesana'y aleesleemuu' koo'm ngire laqaaqa'n ido'r gooir Musa neeaaruuse ar gidaaba' Yesu Kristo. 24 Dir'ine bahh'ale axwesantada ngire haratlinti'ii ala bahhiale nga haratlinti'ii'iika'. 25 Ala inooin koloo'in tawa af-aleesi'ii' tare ti'iimiit, ala Paulo /aymi'iika ngiwa ka'h gidaaba' " Qeeruu' hhoohhoo' looeema nga ka'h qooma'r awa axwees dir baabi'iihung nar afkoo' Isaya. 26 Asma Ga'r aa oo' a ti "Tla'w amo'r mukwi ku be't kuunga' a mak axamisa' ala a tsahha'aaka' a mak xumisa ala a aanda'aaka'. 27 Asma fuqura'ngw mukwi a daktu'uu't nee iiaain ki ilo' gaa xaasaro. Sla'mi ilain ka maguguu' gaa makawa ara ilaaire nee makawa axaa's iiaaine nee makawa tsaa'hh fuqurangw'ine nee muner' ine makawa warqee's ani ngire hhooee's. 28 Gawaa' idoorihe "kuu'nga' xuaak gidaaba' ya/abto'r Mungu' ar gawaa' ba/ama kaa huu'w amo'r xoordu' hatla' nee inooin ka iia'r i qaa's. 29 (Alhoorese hhaywi i kaa'hh baraa' gooir quunts ar aa'ng). Idooda' ooaro ngawa hhe'ee's mu'k Yahudi ire kii/amor'in tire kiloo'in yaahamisii' moroo' yaariire ma tlaampa'amis. 30 Paulo ina hoo't dir doda ino's oo kila bu'u'n kureeri Asa'r, muu slee'meero ngure kwahhamiis kwad amooro's i daqaaqa'w. 31 /idigoo' waawuti'iima'r Mungu' ngure alki/iit nee iidigoo' Aako Yesu Kristo ngure intsaahhaatimiis nar pihha'y nee ino's hee' ngwo ilaa/i kaahh.