Tsufa'y Kooa'n

1 Ala heko wak umuuwos ta babay Anania, nee hareeros Safira muruuin kuda sleemeero ta kon kure weeriis. 2 Anania harimada aa slay gari huu/ bahha ale, nee hareeros adooda ga xuu, nee hariimada aa met gari huuw dir geera ya/abuuse. 3 Petro iri oo " Anania ahaa, heetlaang muuruuwok musungwa hatsiis, tam qeeruu hoohhoo kuri lamtabeera, nee hariimada taa steer yaamu kiwa weeris kari bahh ila/. 4 Ihii, qoomar iwa baraa dabaawok i dirii a togekahe nee qoomar weerisaro kawa hhe'es haraa aleesleemuuwogekahe ihii idor /aymuuwi pa/aangw ng'iwa slay baraa muunawoge al doola? Hee kuung ta ala/aka a hee wooka ala a Mungu." 5 Anania a/ymi ii ka ngiwa axaasi ire huu yaamuu i ale iri gwaa" muu sleemeero oo adooda gaa axaamiis daer yaarir gure'eer. 6 Daaqaay ire tlay Anania kure qaas bara inqwaari la waale kure tsee/ay gagaar, kure foolaray. 7 Looar tam iwa waarrahh, harer Anania nire hardat ino's kaangwi aa tleehharuut daandoo hhawaatuuwose gu kondaaka. 8 Petro gari yahaas, gire bay, "Hariimada' taa sleere a tihe dir yaamuda' taa weerisii" ino's ireo Eeit." 9 Petro ire oo "kiing nee hhawaatuuwok qeeruu Aako ador al/aymaaro kura qitle a idoola? Qaytsiit digireera muk aakoo wak' gwa foolor ay ia fkuudo dirii iya, nee hindi kiing sleeme ti tsee/ay huuw" 10 Qoomadar kila iri hu dir ya'aa Petro i ale, iri gwaa. Daaqayda' niwadah kari ar naxeea gwa, dari ga gaar tsee/ay ale kare fool dikwa nee haawaatuuwos. 11 Haratlintaauuse deer yaariir gari ees, nee muk hatla sleemeero oo axweesanaywi gwa axamiis. 12 Laya nee muruu yaariir oo waa/oo/amor kom iri tleehharuut ar dabaa ya/abuuse tla/angw muk wa ale. Nee mukda hharatlimtaauuse, sleemeero tar dinku'umiis ar sla aari baraa matla/angw, Sulemani. 13 Nee baraa mukda hotla sleemeerowo oo aa qiitli kaahhoo nee ya/abuuse ta iwiwit, ala a muu ya/abuuse gana xirfayeemiis. 14 Muk Aako gwa hartlintii ire lo wa tlaahhi hhawaata yaariin nee /ameenaro. 15 Tam ti qtuuse sleeme kure huwa huuu ar folo ne nar hhafeeto afaa loohir i ale as geehhantuneso Petro dooqa i waraahh tam gawa hee wak ar ale. 16 Muu sleemeero kuda ha/ymaa bihhaa Yerusalemu itsewen, tare burumburit, tiqtuuser ir kingiri huwahuw nee muk nee tlaame aa eer tiqtuuseeda sleemeero kari hung/utinis. 17 Geeraharusmoo ur oo saalingw muk Yahudi nee mukda nee ino's tialkooma, kuda baata mukduu Sadukayo tare sihhit guree gir ohiin. 18 Ya/abuuse kari ohin kari dahaas baraa doo tseegimoo. 19 Ala malykamoo' Aako Mungu xweeraawo afer doo tseegimo gir gweer gii tsee/ay i duux giri bay. 20 Tlawsee sihhiile e baraa doo Mungu wa ale geeraharusmoo uroo sealingw muk Yahudi nire hardah dinkwa nee mukos, muk do'o kwasleema nee muk Israeliwo kure burumburut. 21 Inooin a xweesanaay axaasaro kuwa hhee ees tari tlay matlatler boo/e tari intsaahhatimis baraa aro Mungu wa ale. Geeraharusmoour oo saalngw muk Yahudi nin hardah dinkwa nee mukos muk doo kwatlaema nee barii see tleemeero nee muk Israeliwo kuri burumbuur muu kuri ya/aaw baraa doo tseegamo as mukda kuunguwa huwii. 22 Sagadiyuuseeda' taa ya/aaw tawa hardah baraa doo tseegamori ale naxes mukda taa tsegiit, kwa ariika, iidikkuti oo'ar ay. 23 Tari oo' " Tawa hardahaan, doo tseegamo i tseegamor i diirii nee askaari afkuu do wa sihhimit ala afkuu do kuwa gweeraan hee taa baraada awaari i kaahh." 24 Xuumusmoo ur oo doo Mungu nee geeraharuuser uren ar saaalingw muk Yahudi adoori kawa axaas, xurgiri eer as ya/abuuseeri aa baraa dooo tseegamor wa ti it tari oo " Adooori a adooka daqani?" 25 Heeko wak nay hardah Qoomaada kila ire oo mukdaada /isa taa baraa do tseegmor i dahasee' ko qaaa baraa doo Mungu ta muk intsaahhantimis. 26 Xuumusmooda ur ire tlay nee muk gadiyeet ya/ambuuseda kingire huuw, ala nar/uuruu wooka asma inooin ta mu'k da a yumiit as miki wa tlaquuf ar tlaa/e. 27 Kingay huu kire qaa tla/angw mu'k kwasleema gera hharusmoo ur oo saalingw muk Yahudi gire yaa haas ire oo. 28 Ate'n kuu'nga naa hara ayumaarnike ar /uuru gidaabaa kuu'nga ma intsahhatimisara nar umoowi, ala hindi Qaytsite intsaahhatisarhung yaa muu' " Yerusalemu gaa dala/ nee kuunga tseerer heehung kwada gi gawaaren i huwta wa slaa." 29 Petro nee ya/abuuse tare oo' gari ate'n tiwa hariim a Mungu un ilaiwawa/aan ta muko. 30 Mungu baabi iiren Yesu guna waaslee/atis, kuda kuunga taa gase ar hoohir kikiar gawa msalaaba. 31 Mungu heewi gure xirfayees ar dako's oo' doo /uyay asma tawa hee ur nee ba/amusmo, asma mu'k Israeli guwa sla yaa. 32 Nee ate'n a a lambauuseer muruuwi dinkwa nee qeru hhoohhoo kuda Mungu aa haniis dir mukda sleemeero oo ino's gu ila iwawa/. 33 Inooin adoori kawa axaas mune ge fakiin tare ala axwees as kiwa tsu/i. 34 Ala heeko wak ino's a hee Farisayo, umuuwo's Gamalieli slamti ino's a intsaahhatismoo hara ayar Musa slamti a hee uru hee ta ila iwaawa/ nee muu sleemeero, ino's ina sihhiit dir tla/angw muk kwasleema hara aya gire haniis as ya/abuuse kawa tsee/ay duux qoomar Ninawi. 35 Heewi ire oo' Aa muk Israeli gari ta mukukwi tleehhamor wa tlaa ala alqaytsitaak. 36 Asma deelo'r hhaawaaka ar aa waarahhi heeko i na sihhiit umuuwo's a teuda ino's ngiwa xuu' ino's a hee loo wa ur nee muk tsiirer tsiyahh gure digirdeel. Looaytleer ino's kure gaas nee mukda tleemeero ino's gawa digir deel ire diyaya/aat tare gaarooka. 37 Alaa heewihe heeko hatla ta babay Yuda hee Galilaya, nina hardah deelooda a toda umer muu kawa gooiin. Heewi muk yaariir gure amooros i uuruux, ino's iwa gwa mukda sleemeero ino's gwa dirdeel i diyaya/aat sleeme. 38 Ala gawa adoorihe aning kuunga nunbawa ma hee i hhiturut. 39 Ala barnaxes amor i dahh amor Mungu hhitin maro asleesleeraaka. Asma makawa tsaahh gidaaba kuunga tawa slaqwa nee Mungu. 40 Axweesanaywos kure ya/an ya/abuuse kare ateet, kare diif kare hara ayin gidaaba' matakwa axwees nar umoo Yesu kare geemay tare tlay. 41 Ya/abuuseeda inre tiit baraa do doo dro kwasleemaro tana Qwalalaa/ asma kiwa harafaar tawa muk hariim mureekeemisuwo asma dandoo Yesu. 42 Nee umooqo qoomaro baraa doo Mungu he hee dir maray ine axweesanta, Mungu kaa mayba intaahhatimisuwo, nee dahaaremisuu, ya/abtorhho ar Yesu gidaaba ino's a Kristo.