Tsufa'y Lahhoo

1 Nee deeloodae faaro'r eeharu'use ire doogigiin muk Yahudi oo tsifri Yunanir axwees iri qununu daanduu muk Ebrania asma kwaeeli in ka gunqaa ree's iilee/isaywo umuu deelooro. 2 Ya/abuuseeda miba nee tsar eeharuuser hatla sleemeero kare aleet, kare ay, "hariindaaka ate'n axweesanta Mungu kawa mawwan alki/ituuwo nee tari dir qasmisuu' wa iwiwiita'an. 3 Hhaeeren gimse muk faangw tsawaaraak tla'angwhunge oo ta hhoar i xua nee oo taa hatsiis nee qeeruu' hhoohhoo' nee sagaloaa as kiwa qaasaan gawa gadiyeeri ale. 4 Nee ate'n a kumiita'an baraa fiiooro nee baraa alki/ituu' axweesanta Munguhe." 5 /Aymuuwi iri sla atiit dir boo/ayda' sleemeero, Stefano kuri tsawaar hee haratlintaaor wa haats nee qeeruu hhoohhoo nee Filipo, nee prokoro nee Nikanori nee Timoni nee Parmena, nee Nikolao kuda aa ba/an oo yaamuu Antiokia. 6 Kire sihhitis geera ya/abuuser i ale nee kiwa hhe ees alee firooro, dabaain kire qaas gawaain i ale. 7 Axweesanta Mungu ire diyaya qaati na faaror eeharuuse ire lo wa doqgigiin baraa Yerusalemuwo, muk yaariir oo geeraharuuser saalingw muku Yahudi ire hara tlintii. 8 Nee Stefano ino's i haats /uuru Munguhe nee aleesleemuuwo, moroo waa/oo/amor koom guna tlihhiti nee layduu uren baraa tla/angw mu'k wa ale. 9 Doo ko doo salingw i deer oo ta babaay do slaingw muk tinda gwee baraa lawaliimoro nee oo muk kirene nee muk Iskanderio nee oo mukda oo kilikia nee Asia mukuu doo slaingw bahhiale ire daqay Stegano asma tiwa tlaampaa a misiya nee ino's. 10 Ala kwa aleeslayka harba/ago asma sagalooore, nee Qeeruuwi baraawo's wa axwees. 11 Mukko kuri sluuk asma tawa oo i "Heewi ygwa axaasann i Mungu gootliit nee axweesanay Musa." 12 Muu gure lexutis nee bariiseero nee intsaahhtuuser hara ayar Musawo, Stefano kure daqay kure huu baraa doo kwasleema. 13 Lamabu'uuser lama kari sihhitis ar aa o' " Heewi axweesanay gootlitlitoo diiri hhoohhoo, nee daandoo hara ayar Musawo ga mayka. 14 Asma aga axaasaa'n i kaahi Yesu Nasareti diiri ga hhitin nee umuuda Musa naa aten i hara ayin gi waar Qees." 15 Mukda sleemeero aa i wiit dir kwasleema, Stefano kure ilaa i duxun gitsee/awo kiwa ar a ador gitsee/aa malaykamo.