1 Petro nee Yohani Qoomar tawa axweesi nee muu geeraharuuser saalingu muk Yahudi, nee geeraharusmoo xuumuuser doo Mungu nee muku Sadukayo tare hardah dida i ale. 2 Tare lowa buu'hh asma muu kuwa intsaahhatimis nee iidiguu waasle/uu Yesu kuwa a/ki/iit. 3 Petro nee kire ohin kire dahas baraa doo tseegamo, ay matlatle, asma siiwada'a tasiido. 4 Ala baraa mukda axwees antada gaa axaasi awa yaarir ngay harathriti iye nee hhawaate a harf qoomar kumer kooan. 5 Matlatlero looa nwa tleer muk uren do Yahudi nee kanisee nee intsaahhatuuser kwa ayar Musa nee gausee tare burumburit dikwa baraa Yerusalemu. 6 Anasi geeraharusmoo ur oo muk Yahudi nee Kayafa nee Yohana nee Iskanda nee muu sleemeero kuda mareefo muruusmoda uru. 7 Petro nee Yohani kiri tla/angwin i sihhitis, kiri Yahamis, kire bay kuunga muruuwi /uuruu' kur tlehhita a/uuruu ama'a nee umo ma'aa? 8 Petro i haats qeeruy hhoohhooe ir i oo' kuunga kwiisiya uren dir muko, nee kuunga bariiser muk Israeli. 9 Bili ate'n ti yaahamis daandoo tlehhemuu hhoo kwada ta tleehh dir heda taa hhooees gidaaba /uuruu ira hoo ay a urumaa. 10 Ala muunga sleemeero nee kuunga muk tlahhoo Israeli xuak ar gidaaba, tleewi ina hhooay ar u/uumu Yesu Kristo oo Nazareti, kwada kuunga taa kikie nee Mungu guri waasle/atis baraa muk a qaatl wa ale. 11 Ino's an tlaa/ada ta kuunga tlehimita ta wa qaa ee ala taati an tlaa /ada ur ar do qauduy. 12 Asma ba/ama kah dir hee' hatlae slam umuu hatla i kaahh baraaka' yaamuuwo oo taa muk i hariis ro ate'n ba/aman. 13 Mukdaada ure'n ro doo kwasleema pihhu'uumar Petro nee Yohani kawa ar, nee kwa tsaahh tawa muk aa soo muusika, tare waa/aaa kare tsaahh gidaaba mukwi nee Yesu a dinkwa. 14 Heeda "ada" taa hoo es kuwa ar iwa sihhimiiit nee inooin gar ta oo i ire qwat. 15 Hara aya kare haniis asma tawa ti iiti baraa do doo kwasleemaro, inooin kilooin tar kwasleemuut. 16 Tari ro "Ador mukwi ku /isaan a doola? Asma muu sleemeero oo haraka" Yerusalemu hoot muuruwi xuawasler ngwa xuu' oo taa tleehh nee inooin koloin tare kwasleeemut. 17 Ala /aymi iika mindiwa xu'utitiye dir muk i ale, nee inooin ii gahhhaataan asma mindiwa male xweesiye' dir umooqo heewo a umuuwi." 18 Petro nee Yohani kire ateet kire hara'ayin gidaaba maatawa ilawaats, baloo ale nee matawa intsaahhatimis ar umuu Yesu. 19 Petro nee Yohani tare oo " A hariimaro dir geera Munguhe, kuunga tundura ii ar i qaasan ta Munguhe kuunga kiloohung kwasleemute. 20 Asma ate'n muruuda taa araan nee kwada ta axaasaan axweesanto maarto u aleeslawaanaka." 21 Igahhaataro kiwa hhe ees male ale kire gweer asma pa/aangw kwa ariika oo kiwa sakwasleemuuti asma muu. Asma muu sleemeero Mungu guna xirfayeemiis as tada sleemeero a tleeharut. 22 Asma heeda taa muruu xuawasler i tleehh kwada ta hhoo es kureeriiwos mibeeraa tsiyahha nee watahhiye. 23 Petro nee Yohani Qoomar gweeraro kiwa hhe' ees, tare tlay amor muk iri iidiguu moroda sleemeero oo geeraharuuser uren ar saaling muk Yahudi nee bariiseena oo kure alki/iit. 24 Adoori kawa axaas Mungu kure firin nar Muunuu wak, tare oo "Aako, kuung a Mungu kuung an kuda doori nee yaamu ika tleh, nee umuuuqo gaaro ar baraka yaamu i diriio. 25 Kuung an axwes ar qeeruuhhoohhoo ar afku baabuuren, sagadiyismoowok Daudi gidaaba, "Ahaa, asma ila xoordu mis tsimahhuusiya? Nee slam muu mis muruu tlakw aldakuu. 26 Nee waawituu baraka yaamu taa amohhe'ees nee silam muk ure'n aa burumburiit as daduu Aako, nee kwad taa qaas nee Mungu waarutmoo wa ala. 27 Asma ti alo, Herode nee pontio Pilato, nee muk xoordu nee muk Israeli tana burumburut baraa aya asma sagadiyusmook kuda hhohho Yesu kuda kuung taa qas waawutmoo' wa ale. 28 Nee tiindi inooin taa al axwees asma kawa tleehhi tada kuung taa slaa tleehhemko nar /uumuwok nee asma tada kuung taa ististsatiimir qaror wa ale, iwa bo/. 29 Ala Aako, de'e tlaquuin ga/aawak, nee sagadiyuuseerok aleesleemu ti hanis as axweesantok kawa axwees ar pihhu'uuma sleemeero. 30 Aleesleemuuwok ar gadiyuseek iwa hung/utimisi lay nee muruu xuawaslen i tleehharuuti ar/uuruu sagadiyusmoowo'k kuda hhoohhoo Yesu. 31 Mungu firooro kuwa hhee'ees, dida tare buruumburiits iri daaraxat sleemeero tari haats qeeuu hhoohhhooe, axweesanta Mungu kare alki/iit ar pihhu'uuma. 32 Nee mukda aa haratlintii, muner' in nee inslaway in tari wak leeli. Tam i kahh hee aro gidaaba "Gaari te ee" ar aning kilooee" asma muruu'n sleemeero a alaqaati. 33 Ya/abuuse iidiguu waasle/uu Yesu guri alkii/iti ye nar /uuru nee Mungu tsuuqa'a yaariir gir dir in i haniis. 34 Ala mukda sleemeero oo yaamaa kooma la qa maray, muruu in kuda kuna weerimiis, harii mada tida slay baraa' weerimisuwo kingin huuw. 35 Kari qaa's dir geera ya/abuuse, peesada kar qasimiis ar hariimada hee aa slaa. 36 Nee Yosefu kuda ya'abuuse aa beer barnaba (gidaaba ros a hee gurkwa/asa ga xuu') ino's a hee' tlahhoo" lawi nee yaamaa i dahhi a yaamaa kipro. 37 Ino's qaymo ga kon, gari weeriis, pesada gari huuw gari gaa qaa's dir dahaa ya/abuuse.