TLEHHEMA 'AA' YA I ABUUSE MATENDO

1 Looarka wake Petro nee Yohani tana tsa/an as tawa saalingw ay bara Doo Mungu i ale siiwadar saalingo. Qoomaada/looar gwaleel. 2 Heeko taqooramo iimir kuwa taqwaali kuri afku'u Do'o Mungu i ay, fku'u do'da/ta babay oo hhoohhoo. Heewi umuuqo deelooro kun gagararin did'a/ darah bara doo Mungu i ale. 3 Heewi Petro nee Yohani ng'iwi ar tawa darahi bara doo Mungu i ale, giri firin ilahhooara. 4 Petro, nee Yohani, kuri ilaa i duxun tario'/, "Amooren i qaytsitang." 5 Giri i qaytsiit, gaa sleemuuwo gari dir in i haraxu'u. 6 Petro iri oo, "aning, peesa a koomaaka, laqa miisli ala tida. aning ni koom an tida ni haniis, ar/uuru'u Yesu Kristo oo Nazareti, sihhiit, tlaw." 7 Dakw doo /iyay guri oh, gur shhitis, hamtidar kilaee tsa/a aa ya aawos niri kwa/i ye nee diqoo ya aawose. 8 Heedaada niri yaamuu wa/akuut ar gaanslaay iri sihhiit iri hi/imiit; tar aldah bara, doo Mungu nee Petro nee Yohani, iri ni/in, Mungu guri diidi/iimiis. 9 Muu sleemeero heedaada guri ar ador ir hi/iimiiit nee Mungu kuri diidi/iimiis. 10 Kuri tsaahh tawa heedaada ilahhaar firaariim kuda ta qamamin dir afku do'da'ta babay oo hhoohhoo; tari kwislimiit dor inos ira hunguu/ kari waa/oo/amin. 11 Heedaada taa hung/uus tari al dinku/uus nee Petro nee Yohani, muu sleemeero giri i burumburiiti didar istangwda da baby islanw Sulemani, muuiri lo wa waa/oo/amin. 12 Petro adoori ngiwa ar, iri oo dir mukdi ale, "aa muk Israel, gar ta waa/oo/amiinda mila? Asma mila aten mista tawo ilaa i duxuunde, bare kwaao a ador aten heewi una hungu uusaan ari/uureenooren laqa ar ilaiwa/ameeren?" 13 Mungu Ibrahim, nee oo Isaka, nee oo Yakobo, Mungu baabi iiren, sagadiyusmoowos Yesu. guna xirfayees ala kuunga sagdiyusmoowi kur saki/e kuri sa tlake geera Pilato, wa ale qoomar Pilato Kwasleema ngiwa tsaat gidaaba ku gweri. 14 Kuunga kuri sa tlake kuda hhoohhoo slam inos gan amuu, kon nee kuda aa tsu/uut kuri slae ilaooharo. 15 Kuda ur oo slaf ngw koom kuri gase, nee inos an kuda Mungu aa waasle/ats bara muk aa qaatl - Wa ale nee aten alamabu uuseeros. 16 Heewi, kuunga ta ga/eera, nee oo ta xwa hee inos gwa /uuruu, ihhaniis a Yesu, asm haratlintaao, heewi kuri hungu/uus ari/uuruu. haratlintaaoori amor Yesu daahh, adoori kuunga/ seemero kur ga/eera. 17 Ala, ham daxta hhaee/ee, aning a xuu, gidaaba tida/ana tlehhe ar xuawaslerhung adaodar mukhung oo uren aa tleehh steeme. 18 Ala adoori an adaoda Mungu aa boo/ees tida/ aa axwee ar afer aaruuseeros sleemeero, gidaaba Kristo ga kuwa hariim a kun, slahhaeemiis. 19 Ala gawa adoorihe, kuunga hhuu/uume nee ki/e amor Mungu as tlakweemaahung kiwa fiitsi, as daqani qooma ihardat ar aako nuwa gurkwa/asi; 20 nee Kristo Yesu nguwa ya/aawi kuda taa iimr aang wa amohhe ees as kuunga. 21 Kristo Yesu inos an kuda aa gawa doorikiil ay dir qoomaada ixer tida mura sleemeero, kuwa hheehhee/eesar i ki/isi adooda Mungu ng'ira qaroo axwees ar afer aaruuseeros arhhohho. 22 Asma Musa ina oo, gidaaba 'aakoo Mungu hung arusmo ngu ya/aaw adoori aning ira yaaaw. Aarusmoowi dir nguwa ya/aawi a bara tla/angw mukhung ala kuunga inos naiiar i qaasak muruuda/sleemeero inos ni dirhung ikaah. 23 Umuk o heewo oo aarusmoowi gu iiar qaasaaka inos ku qwaarees nee kuri paraat di mukose.' 24 Nee, aaruusesleemeero iimir aaruso Samweli nee kuda sleemeero awa aluuwos ng hariye inoin iidiguu taa, alki/iit a ii diguu qoomaari tay diriiaan. 25 Kuunga a na/aa aaruuse nee slam a na/aa alaqadooda Mungu aa oo qaroo alqadin dir baabi, iinun tida aa oo dir Ibrahimu, 'Gidaaba bara xwaylaroge xoordu sleemeero awa bara yaamu ki tsuuq.' 26 Mungu sagadiyusmoowos kwi nguwa hees, waasle /atisaro ngri ya/aaw amor hung geeri, ale as kuunga nuwa tsuuqi as umuuqo heewo tlakwema ngiwa geexay.