Kitabuu Tlehhmii Ya/abuuse Tsufee Tsaar

1 Deloor Pentekoste niwaxer, sleemero ta dikwa neta dir wak i dirii. 2 Kududuhar dawri dahh nina hardat ar ganslaay idar fur' ar ur ar /uruu koom doda inoin ta idirii oo' tawa i wiwiit sleemero ngure hatsis. 3 Tsangw asla ire tiit, aa idor tsangw asla tire waagwidiit ire iwieiit dir umu hee oo duriin dida i dirii. 4 Sleemero kiri hatsii ner Qeeruu Hhoohhoo oo Muungu. Tari axwees ar axweesnta dimbabe adoda Qeeru ugira ale sleemuu hariis axwesanto. 5 Ne muk Yahudi ider kwada hoota wa baraa Yerusalem kwada Mungu ng'wa haratlintiiye, muk amor yaama dimbabe dahhaa awa baraka yaamu. 6 Ne kududuhada kawa axaas, muk yariir tindire hardah ner daer ur walo, asma umu hee mukda guna axamiis tawa axwees ner kaangosu oo kila. 7 Sleemero tare da'ayuut tare waa/oo/amin tare oo', "Lo, ihii mukwi sleemero axwees a muk Galilayaroke? 8 Thii bare iia bara qaaasan, umu hee in axwees ner kaang'w ayaren kwada tundura laqwaal? 9 Aten a muk partia nee oo medi nee oo Elami, nee kwada hotaa bara Mesopotamia, Yahudi, nee Kapadokia nee baraa Ponto nee Asia, 10 Nee bara Frigia, Pamfilia, nee bra Misri nee Yamu Libya ay kirne, nee dahayer Romar dahh, 11 Muk Yahudi nee muk hatla, muk Krete nee ma/arabu, i axamisaan tawa axweesi ner kaang'w ayaren gawa dandoo gadiyer alesleemuu Muungu. 12 Sleemero tare waa/oo/amin, tare amoqoqodin tare kiloin oo, "Gar idor ti a mila?" 13 Bihha'ale tare wanyeeruus ta kaahi, "Buurar /aben gina oonitimis." 14 Aluwo Petro ire sihhit dinkwa nee Ya/abuseeda mibaa nee wak, ire uu ner afor ur, ire oo, "Kunga muk Yudea nee kwada sleemero bara Yerusalemu wa hoota, gaari ng'i xu'utis dirhungi ale, axweesantee ti ni o' iiari qaasak waalo. 15 Mukwi aa oonimiitiika adosing kunga kar axweesa asma siwari aa lal'ar tam ar maatle. 16 Kaangwi a kwada aarusmo Yoeli aa axwees bara kitaabuuose ar iwa o. 17 Muungu i kaahi idari an idoda ni tleehh balodar deelor alhhe'eesehe aning mu sleemero uu Qeeriuee hariis, Na/ahung awa daaqaay ne awa dasu muruu aari ng'ure oina Msoombarhung ire igu'un ne bariiserhung ir tlatitiin. 18 Nee mukda gadiyer'e tlehhit kwada oo hhawa te nee /ameena baloodae aning qeeruwee, u hariis nee inoin muru aari ng'ure oina. 19 Aning muruu waa/oo/oomor koom ngure laqaam wa gawa dawri nee baraa Yaamuwo slaqaasi ng'ire laqaam, tseere nee asla, nee ququ'umo. 20 Nee tse/ima ire boo/ay nee slehheengw ire tseere tleehhit dir baloodar Aako, tada ak ur nee tada ar xiriifo koom nira haradaatika. 21 Nee umuu hee kwada umoo Aak gwa /akaa ku ba/amis'. 22 Kunga muk Israel, axweeseynewi axasaak, Yesu aa hee yaamu Nasreti, hee tinda laqaamtis nee Mungu dirhungi ale ner baraa tlehhmii awa muroo xuawaslen, nee slaqasii nee muruu waa/oo/oomor koom ner dakw Yesu wa baraa tla/ahung wa lae idoda kunga kar xua. 23 Asma heewi kunguna hariis dirhungi ale, idoda Muungu baraa xu'utirose ngira qoomees imir ihhafiiri wa ale kunga kure kikie ner dabaa muk tlakw kure gase. 24 Nee Muungu ngure tlees nee slahhamayedar gwa'ara ngire heengees dirose, ng'ure waaslo/otis asma gwa'ara baraa /uuruuwose ng'wa aleesleeriika ilaa/aro. 25 Nee Daudi ina axwees wa gawa dando'os ar gidaba, aning Aako una ara'ar daqiskem dir geeraaee, asma inos i amor barta dakno'ee oo doo' /uyay, nee aning ti sumukuusika. 26 Gawa idoosiye muunu'ee, ina qwalalaa/ nee tsufra ng'wee kure qwal/aas. Nee slaqute'ee in hot wa baraa dae waasle. 27 Asma kung qeeruu'ee umeraka baraa ga'ii, nee hee wok oo hhoohhoo u meeraaka ire hhituuruut. 28 Kung uruuwada ar slaafing'q ng'a direeni gehhoutis, aning alkwa'ari aa haats qwaluwo dir geeraawoge. 29 Hhae'ee, aning a aleslaw ni wa axwees dirhungi ale gwa dandoo babuuren kwada ur Daudi: inos ina gwaa kure fool nee baa'aros i dir ayaaren i dirii tam ay hinti bili. 30 Nee inos aa aarusmo nee laooda Mungu aa /aay inos ngi xuu tada kah, baraa xwaylaroge hee wak u waawuutumoo wa qaas baraa kitaangw aleesleeme. 31 Inos waslo/oo Kristo ng'una daqii aar nee qeeruuwoos kwa baraa gaaii maykang, nee sleemee slaqwtos aa hhituruutika. 32 Yesuwi kuna waaslo/ootis nee Muungu, aten sleemero aa xuan. 33 Nee gawa idoosiye inos kuna tlees ay amor dakw oo doo /uyay oo Muungu, nee axweesantadar ar qeeruu hhoohhoo oo Muungu ngure dir baaba wa ilaoh, nee ngire amoreni harus nee an ti kunga ta gaa/era nee ta axamisa. 34 Asma Daudi inosuu kila aa tsa/anika dawri ale, ala inosoo kila ina oo, "Aako gana oo dir Aakoee ngure bay, 35 Iwiit amor dakw'ee oo doo /uyay ay dir tlakuuseerok ng'ay gawaa dabaawok i qaas.'" 36 Gawa tiisiye kunga muk Israeli tsahhaak idor Yesuwi kunga taa kikae, Mungu ngura qaas tawa Aako nee tawa Kristo. 37 Nee axweesantising kawa axaamiis, muner in kare kwati walo, Petro nee Ya/abuuser hatla kay bay, "Hhaeeren aten idor ta /isaan?" 38 Petro ire oo', hhuume' tundu baatimiis, ner umoo Yesu Kristo, kahhoo tlakwemaahung ki gurtlay, nee Qeeruu Hhoohhoo oo Mungu u sleera. 39 Asma axweesanti a toohung nee ar na/ahung nee ar Muu sleemeero oo sawen nee kwada sleemeero Aako Muunguren i /aakakai ngure i hardihiya. 40 Petro gire i axwees walo ner /aymeerii hatla awa yariir nee ng'ire gurbu'un ire oo, "Tundu ba/amisi dir qartir muk tlakwe. 41 Nee mukda axweesantada ar Muungu kana ilaoh ikre baatimiis, muk baloda aa doogin aa kume tam. 42 Tare kumiit baraa intsaahatisar ya/abuuser wa ale nee dinku'uma, nee baraa muroo /aymar Aako nee sleeme baraa firoro. 43 Umoo hee ina daeyuut asma muroo waa/oo/oomor koan oo yariir nee slaqsii kire tleehhiit nee ya/abuuse. 44 Kwada sleemeero na harathlintii tana hoot wa dir wak murooin sleemeero aa dinkwa, 45 nee daqaari iimar'iin kare weerimiis nee murooin kwada taakon kure qasmiis dir umoo hee ner hariimada qoom. 46 Umoo deeloo tana kumiit baraa dinku'umar wak wa baraa doo Muungu, nee muroo a/aymar Aako kure /aay wa dir umoo do wa ale, nee muroo a/ayar'in kure a/aay ner qwala/ nee ar munoo a/awaak. 47 Muunga kure sluufmiis nee inoin kire ya/an nee muu sleemeero. Nee umoo delooro Aako faaror mukos kwada ba/aa/ama ngina dogiit.