1 Aakoo' u'r mu i gahhamiitar ala gurbueeek ido'r baaba' wa ale nee masoomba ido'r hhaewo'k wa ale. 2 Amami'i gurbueek wa ido'r amuuwo'k wa ale nee /ameenar ninak ido'r hhaeewo'k oo dabu wa ale nar baraa hhoohhooari slee'meero. 3 /Ameena'r kwe'e'li ilawawa/eek tada'r lo' wa kwe'eeli. 4 Ala kwalo'o ibir na/aa' koo'n laqaa' na/aa' naango's, na/uka ga'r kiwa hariim a hariimar'in ngiwa xu'iya' ar mu'k doo'in ngiwa ga/aya asma, idoori dir geera Mungu'he ka hhoohhoo'. 5 Ala kwalo'o'r lo' a tada taa kolo's geaxa'y. Ino's haraafaarooro's nga haris amo'r Mungu. Sla'mi i hot baraa' firor wa ale nee baraa saaliingo tlaatla/aangw nee amsiiwo. 6 Tam ala idoosihe kwaalo'ooda' ilatleeriro's diger de/iit ino's a gwa' tim ala slafa'ng. 7 Moroowi ana hara'eyimeek sleeme dir'in i ale' asa inooin nika wa ligu't. 8 Ala umoo'qo heewo oo muko's ngu amohhe'eemisaaka' iwa aka deero mu'k do'owo's kila' hee' idoori hartlintaao nga sii ino's a hee' tlaakw wa lo' kangw kilae' kwada aa haratlinti'iika ba/a. 9 Kwaalo'o'r ta gooiin a tada ' kareeri mibeen lahhhoo nga eer' nee sla'mi ala moso ino's hhawaatoo nga duux an wak. 10 Ala moso' ino's ka aleeka/a/a'n tlehhemii hhoemoso na/ii nga umiin nee dahaaye nga kwahhamis, nee sla'mu' alo moso' ya'aa mu'k Mungu nga hamtlit nee mu'k taa slahhe'eemiis ngwa alee/iimis nee slami tlehhimer hhonga tlehhit nar ilakaahamu. 11 Ala /ameena'r kwe'eeli ar ninakw ma ya/aamar gooiro as ilatleerir'in ar slaqwabira tla'hh ta quutl dir Kristowo tare duuxo'r a'y. 12 Nee daqade' inooin kire as kwasleemuut asma al'axweesantain tada'r geera nga si'ii. 13 Sla'mi inooin waaweeda' ngin deliitiya nee gawaa' idorihe munu/uu ngure intsaahiya ala a har mumu/uu kiloseka', tam ninre takaahuuse tlehhitiya nee sleeme tawa darahi baraa moroo muu kwada', iooin wa hariimaaka'. 14 Gawaa' idoorihe ani aa'r ni slaa' a /ameena'r kwe ee;o ar ninakw tsini barka male duxuu't nee na/u ngiwa laqwar nee tawa nara'y ditsookuwi as wakusamo pa/aangw mungaa sla's oo kiwa daadeema axweesi moro' tlakwe. 15 Asma baraa'ine bahha'ale naa qaaro warqaye neetlaangw kure digirdeel. 16 Ala /ameenir aa hartlintii' ibir deer ar kwe'eeli'r koo'm dir do'owose , kwe'eeliri ngi alee/is ino's ar kila as mu'k krishaana'y mukaa diitsookuus, as mu'k krishaana'y /ameenada'r kwe'eeli lo' wa ale kawa alee/iisi. 17 Bariisae gadiye'r'in ar geeraharahata na tleehh nar idooda'r qoon ka ilaiwa/ame'r i hariis lo' wa le ak ale tada' ti daawiitimis muu kuwa axweesanta Mungu' i alki/iiti nee kuwa intsaahhatimisi. 18 Asma gooi i kat " Awuu gadiyuu's mu afa tseegaar" nee sla'mi i kat "Hee gadiyuu's i hariin bu'uutu nguwa slay." 19 Sakwasleema'r daandoo' geeraharusmoo' mu'k krishaana'y na ya/aamaar aqo ay dir ki axas dir atu' muk tsa'r wa ale laqaa' ta'm. 20 Kwada "tlakeema nga tleehhii'iigahhateek dir geera' muk slee'meero wa ale as mu'k hatla" iwa ala aynuti. 21 Ani kuu'ng ur hara'eyiim dir geera' Mungu wa ale nee dir geera' Kristo Yesu nee dir geera' malaykaduuwo's kwada' hhohho' gidaa'ba har'eyaari na digir de/eek baraa umoo'qo gaaro nar barqaanti waslaay dir umoo'qoheewo. 22 Ma gaanlismaar hee da'koo' i qaasaro nee sla'mi tlakweemaa' mu'k hatla mi digirdelaar kuu'ng komiit baraa hhoohhooeemawo. 23 /imir hinti ma'aay kilo'in mi wakaamaar ala difair ni'inaw waahaameek asma guroowo'k as tiqtisi kuu'ng a haawuu'r baraa dehuu' yaarire. 24 Tlakweemaa' muu bahha'ale ki gehho inooin ka geeraha'r na tlakweemaa'in dir kwasleemaro Behha'ale tlakeemaa'in ki ge tlakw ala i aluu' wa gee hhoooaya'. 25 Gawaa' idoorihe tlaehhemi'ii hhoo'' seeme i gehho' ala tam kwada geehhoeka ki bo/oo' aleeslayka lu/ato.