Tsufa'y Lahhoo'

1 Mu'k lawaale slee'meero ka xuu' gidaa'ba daqaare'r'in a mu'k hariim ilaiwa/ameero as umoo' Mungu muka gootliit nee intsaahhasare'n sleeme. 2 Dagaareeda'r haratlintaakuse /awaa/e'riu mingaa waaqaqa' as tawa hhae. Ala lawaaleeda' iwa hariin a ngin sageegadiyu's kangw kila wa ale asma daqaareeda" ta alee/iimis i nee gadiye'r lawaa /eeda' iooin a haratlintaauuse nee sleeme a sla'aruuser'in ti intsaahhatise nee gawdeeseek sleeme. 3 Umoo'qo heewo kwada sagaagooa'r hatla' ngi intsaahhatimis sla'mi axweesana'y Aakoore'n Yesu Kristo kwadoo' lo ngu ya/a/a nka nee intsaa hhasa'r hartlintaaoore'n. 4 Hee' idoori i daara/a'n nee sla'mi hee' idoori ga'r xu'i ika'hh, hee' idoori ga'r slai ka tlakw, asma ino's ga'r slai a tlaampa'amisoo' axweesani ni tlanka. Nee moroowi ga'r huwi a da/i nee xisla, nee gootloo, nee daanda' axweesani nee xuree gawaa'heewo. 5 Nee tlaanpa'amisoo' bo/oo' faakaaka moroowi slee'meero kun tlehhit nee mu'k fuqurangw'in aa hhitiruut, nee mukwi ala looeema tsahharo ngi aleeslayka inooin ka xui diini a ga'r slaasla'wa'r u'r huwahuuw 6 Ala a lo' ila iwa/ame'r Mungu i slaasla'wa'r yaariir huwahu'p dir heewo hee ibir as qo'n dir Munguqo'se, tisi a idoo. 7 Asma ate'n nawa hardahaa'n baraa' yaamuuka ga'r ta koomaan i ka'hh, sla'mi yaamu bir geexa waa'n ga'r tar tlawaan i ka'hh. 8 Gawaa' idoorihe ate'n bar moroo /ayma u koomaa'n nee ingqar, alo mowo ate'n moroowihe an bu'uumitaa'n. 9 Ala mu'k daqaari iima'r leelehhiit inooin tada'h baraa' iiara'at kure ohin nee hhaamu as ilatleerir yaariir ar tlakw nee ar daktu'uuma, ilatleeriri muu ngu /eetis braa' hhitiru'uuma nee qwanaay. 10 Asma sla'aatir pee'sa an iimu/u'ngu umoo'qo go'r tlaak, uu bahhi'ale hartlintaao nga ma'y gurhaamir yaariir kare slay asma ila tleerir pee'sa. 11 Ala ku'ng hee' Mungu kuu'ng ti paraitl dir moroo' ido'r kwihe. Gan'amu ni digir deele nee ilaiwa/ame, nee ha'atlintaao nee sla'aari nee qiqtliingw nee tsatsaa'areema. 12 Slaqwaraada' hho' ar hartlintaao nar slaqweek. Slafingwdoo' alhhe'eesaywa'sl ooheek, kwada ' Mungu' kwa as tee't as kuu'ng oo kila ti aka aleekala/aan qooma'r itlaaamu tsaaxweeli aleekala/a'ngwko, oo hhoo' kwawa o dir geera aleekala/uuse'r yaariir wa ale. 13 Ani kuu'ng un hara'eyum dir geera Mungu wa ale kuwa moroo' sleemeero ngu slafingw i harmiis nee dir geera' Kristo kwada' aleekala/ango's oo hhohho' ngwa ooo dir geera Ponti Pilato' wa ale, ani kuu'ng un idoorir hara'eyiim. 14 Hara eyaari na ooheek nar xuure waslaay nee ner tlakweema wasle ay bo/oo' deelooda Aakoore'n Yesu Kristo nii hardahi. 15 Asma qooma bira bo'/ ino's kuunga gee hhooees nee Mungu', Mungu' ino's a baalusmo kwada" ta xirfeemisi, ino's kilo's an baalusmo waawutmoo' waawita, nee Aakoo' baarisee'. 16 Ino's kolo's in gwaaiika dir hooti a dida " gwa/ateemaa' ta bo/oo' i tseewuyka. Slaimi ino's hee' ngu ar i kaahh nee sla'mi hee' ngu bo/oo wa r i kaahh. xirfu' an ko's nee aleesleemu ay dir alhhe'eesay wasle. Amina. 17 Daqaare'r baraa' yaamuuka' idabaweeka gidaa'ba batawa daara/a'n. Daqaari'iimar'in ti makawa harafaadiit asma i fa'k. Alo moso' inooin Mungu ngun harfaditya' kwada' moro slee'meero oo ta sla'aan ngu harmii's nar yaareema. 18 Inooin alo moso hhooeema kina tlehhiit nee moso' an muk gur iihho' oo mu'k qaqa'w morooine. 19 Gawaa idoorihe inooin ti daqaari'iimar i slaya' daqaari'iimar'i lo' wa hhoo' ar qoomaada xaw, as slafingw lo' kuwa slay. 20 Kuu'ng Timoteo, tada 'slee'meero tinda diro'k i saagin harmagaahheek nee paratl dir axweesanaydoo' digaa'ba'r qoomaaka kwadoo' mu'k Mungu' hartlintatiaaka', sla'mi ti Paratl nee tlaampa'amis oodoo' mu'k ti sagaalooa'r i harfediit. Ala sagaalooa'r in a sagaalooa'r loeka'. 21 Asma muu i deer oo hara tlintaaor'in nga geexay as sagaalooari kawa digir deeli. Mungu' kuu'nga' sleemeero tudnu tsuuqi.