Tsufa'y Tsiya'hh

1 Qeeruu' hhoohhoo' idoori nga lo' wa xu'utis gidaaba qoomar alhhe'eesa'y birna xee'r bo/ooda' muu i deer oo hartlintaao ngi ma'w inooin intsaahhatimisoo dimbaaba'y oo al/ayima kure digir deel nee instsaa hhasa'r neetlaame. 2 Intsaahhasari amo'r da'hh a amo'r mukdoo' lamuuse. Afooda'hho ar baraa muner'in aa hhitiru't ido'r ga'r taa daa'/ nar muqslir da/a/aam. 3 Muhwi in intsaahhatimii's gidaa'ba duuxo ka tlaakw sleeme ta Kaahi moroo' /aymarka ku /ayima slee'emeero ngwa tlee'hh kuwa /ayi nar sluufaay nee mukda' aa haratlintii kwada looeema nga tsaahh. 4 Umoo'qo gaaro ar Mungu' a tlee'hh ka hhoo ar si'ima wa hariim i ka'hh. Ala kan ilaoh mar suufaay. 5 Asma moroowi slee'meero kwa hhoohhoo ees dir geera' Mungu'he nar axweesanta' Mungu nee firo. 6 Intsaahhatisari slee'meero alki/iiteek dir hhae daqade kuu'ng a sagadiyusmoo hhoo tleehhit oo Kristo Yesu asma kuu'ng qeeruuwo'k un /aymis axweesanta haratlintaaooro nee intsaahhatisada'r lo' tada kuu'ng ta digi'rde'l. 7 Ala kuu'ng ti harmagahh nee sinkada' slasla/are'n sinkwada'r amami' i tada' harii maaka alki/itoowo kuu'ng instaahhaa'm Mungu' kuwa ila iwawa/' baraa slafiingoke. 8 Asma slaqwa iwa intsaahhaan /atsooro as /uuru nguwa sleer a ga'r gidaa'ba'r koo'm ala qeeru iwa intsahhau ilaiwa/ami'r Mungu'he an ak ga'r gidaaba'r koo'm wa lo'. Asma idoori baraa tle'hh al'axweesanta slafiingwi i deer nee ar slafingwda' aluu wa kandah sleeme. 9 Kaangwi aa oo lo' i harin haratlintaaooro sla'mu i lo' wa harin ya/aawoawo. 10 Gaari an ga'r ate'n ta as ditsookusaan nee tar lo' wa gadiyuusaan as haraxu'utire'n aka qaasaa'n gawa munguda' slaa'f mos Ba/amusmoo muu slee'meero ak ale oo mukda ngwa haratlintii. 11 Moroowi har'eyiimeek nee intsaahhatimiseek. 12 Hee masoombi'iimaro'k minga waaqaa'. Ala kuu'ng nee slaqsaay tleehhiit dir mukda aa haratlinti'ii nar baraa' axweesanaywo'k nee baraa tlehhemi'iiwo'k nee nar baraa sla'aari nee haratlintaao nee hhoohhooari. 13 Qoomaari ani niwa kahhatiiti hardahamuuwo ilakaaharu tleehheeka oo muu kuwa axwees santa' Mungu' i soomus nee kuwai nanaq na kuwa intsaahhatimis. 14 Kuu'ng sleesleemu Qeeru u koo'n baraawoge kuwad' taa slee'r qooma'r aaruuse awa a aririin bariisee awa dabaa i qa's aleesleemuusi mu mawaar kuwar gadiyus. 15 Moroowi aldakuuteek, nee kuwa tlehhit nar ilakaaharu as kawa tsaahhi nee muu ido'r kuu'ng tar geera i komit. 16 Ido'r kuu'ng tar hot ga/aaweek tiwa hariya nee morooda' ta intsaahhatinis. Sleeme komiit idoori braa tle'hh daqade' kuu'ng kilo'k ti ba/amis nee mukda' slee'meero kuu'ng iia'ri qamiim sleeme.