1 Axweesanti i loo'eemaa' koo'n ti kah gidaa'ba, Hee bar gadiye'r muu nguwa geeraharahari ngi leelehhiit a gadiye'r lo' wa hhoo' ngin slaa'. 2 Geeraharusmo ga'r kuwa hariim alo moso a hee' ta moroo tlakw i kaahiika' ino's alo moso' hareero's a wak, alo moso'a hee' qoom nee hee sagaa loo' hee' Daaloo' hee' amaakwahhamiis nee hee' intsaahhatisa ngi baa'/. 3 Ino's alo moso' an hee' ooniimiitaaka' hee mu'k difaa'ka' alo moso an hee' tsa alo moso' an hee' kaanganusmowoo'ka sla'mi alo moso an hee' pee'sa'r ila tleerusaaka'. 4 Ino's moso a hee' do' owo's ngu lo wa sageesihhimiit, oo na/iiwo's ngi hara'eyiyiim nar ido'r hariim. 5 Asma hee' do' owo's geeraharto ngu aleslawaka' ido'r mu'k Mungu' geera harto ngur aleeslay a i doola? 6 Sla'mi alo moso 'ino's an hee' ba/ama /abeneeka' asma daraa/a'ngw ar ti'iit, ire huu' kure askwasleemuu't ido'r neetlaingw wa ale. 7 Sla'mi ino's ga'r wa harin alo moso' kun aleekala/a'n nar ido'r hho' nee mu'k hatla as mukaa daanda axwee's moroo tlakw i ale' nee kure oh nee tsaaxweelir neetlaangw. 8 Alee/isuuse'r mu'k Krishaana'y inooin alo moso sleeme an muk ilaiwa/amer koo'm inooin moso an mu'k axweesanay in warqaqawaaka' nee sleeme alo moso an mu'k xuufiitaaka' nee sleeme inooin moso pee'sar uruuwa'r ganaa'aaka' ka slaika. 9 Inooin alo moso'intsaahhasada'r lo' ar haratliintaaoore'n tada' ta geehhooee's ngin atleesiya nar munao hho. 10 Alee/isunseeri sleeme ka ala iiari ala ga'r taa ar daandoo ine gir kahh gadiyee't ngi tleehhiye'. 11 Tiyaay alo moso an /ameenar ila iwa/ame'r koo'm moso' an takaahuuseerooka. Inooin moso' a mu'k qoo'm oo insereehhimoo, koomaaka baraa moroo slee'meero. 12 Alee/isuuse'r muk Krishaana'y inooin an mu'k tiyaa'y wake't muka na/ii in ngi hara eyiyiim nar gana'amu nee mu'k narayi'in ngi aleesla'w geeraharaharowo. 13 Asma mu'k gadige'r hho tlehhiit dir mu'k Krishaanaye ila iwa/ame ngi sla'y nee gawaa' ido'orihe ku iia'r i gamini nee muu qoomar hartlintaaoore'n ar baraa' Kristo Yesu bar ka alki/iit. 14 Ani hinti barwaari ngawa amooro'k i gooiim a slaa' niwa amoro'k i hardah deeloori tseewae. 15 Tam ala idoorihe barwaari ani ni gooiim birna ida'/ harda hamuwo, kuu'ng kawa xu ido'r umooqo heewo iwa harin hootaa' baraa' dinkwa'r mu'k munguhe, dinkwaari an mu'k Krishaana'y oo Mungu'da' slaa'f mu'kda looeemaa' Mungu' ngi xuu'm nee ngi harmagagaahh. 16 A lo' lu/aara'u hartlintaaoore'n ku lo' wa u'r: Mungu kuna geehhooatiis nar slaqsa'y hee Gan'amuuwo's kuna laqo'n nee Qeeru ino's kure a'r nee malayikadu iidigoowo's kure alki/iit dir xoorduuwo ino's kure haratlintii baraa yaamuuwo kurer tla'y gawa dawri.