Tsufa'y Tsa'r

1 Gawaa' idoorihe ga'r ni gawdeemiis baraa moro slee'meero a firo, nee saaliingw nee aleefiro nee sluugaay maroowi slee'mee'ro i tleehharuuti as muu slee'mee'ro. 2 Waawita aleeditiiriimaak nee kwada aleesleemuu' kooma' slee'meero as ate'n tawa hootaan nar slafingw amohhooa nee saxamaa'r Mungu kuwa hara tlintiiaan nee tawa hootaan nar idooda hariim. 3 Idoori ka hhoo' nee i ya/aamu't geera' Mungu'he nee Ba/amusmoorene. 4 Ino's ngi slaa' muu slee'meero iwa ba/an nee loo'eema ngiwa xuiya. 5 As Mungu' tawa wak har ohusmo a wak sleeme kwada harahiim tla/angw Mungu' wa ale nee muk ino's a hee Kristo Yesu. 6 Ino's kilo's tina hariis tawa bu'utuu gweermor muu slee'meero, ino's an aleekala/ usmoo moroowi oo tindaa ya/aa'w nee Mungu' qoomaada' Mungu aa qaaoo'qaa's awa bo'/. 7 Gawaa' idoorihe ani tina qaa's tawa alki/itasmoo' ii digoowi nee tawa ya/abusmo. Ti ni kah a lo' lamta ni kah i ka'hh. Tina qaa's mu'k xoordu hatla' ngiwa intsaahhatimiis, gawa dandoo' haratliintaao nee loo'eemaawo. 8 Ani ga'r ni slaa hhawaate alomoso' an mu'k daba hhohho' nee oo buhhabuhhaaka nee mu'k tlaampa'aamisaaka, umoo'qo diiro hhawaa tee' idoori alo moso dabaa in ngin gawti tleemisiya baraa firooro. 9 Idoorihe /ameena sleeme an hara'eyiyiim gidaaba alo moso' inooin an mu'k qoo'm nee mu'k tsatsaa'are'n as tsitay'in. Tsitay'in alomoso' an tsita'y qoo'm sla'mu' mitaa suluguusii as se'eengw kuwa hhutliiti laqa'a bo/;oooduu' slaxagaudaen nee tlabaa' talaxo. 10 Ala suhugooin alo moso an tlehhemi'ii hho asma idoori an ido'r hariim dir /ameena'r kaaha ate'n a Mungu' ila iwa wa/aa'n. 11 Baraa intsaahhasaro /ameena i intsaahaahaan nar tsatsaa'areema nee ilaiwa/ame. 12 Ani /ameeni a ya/aa'ma'r i hariisaaka' iwa intassaahaatimis laqaa ar hhawaata nguwa bal ala ga'r iwa hariin a in xaslit. 13 Asma Adamu an hee' taa geeara tleehh nee Efa kare aluuda' wa tlee'hh. 14 Sla'mi Adamu kwa al/ayiika ala a /ameeni kana al/aa'y tlakweema ngire tle'hh. 15 /Ameea inooin ki ba/amis as xwaylar' in aba'r ta komiit baraa' slafingw haratlintaaooro nee sla'aari nee hhoohhooeema dinkwa nee munoo' qoo'm.