Tsufa'y Tsiya'hh

1 Alhhesaayo, hha'e tunu munowi dogitaa'n nee tunu harhhe'eenisan ar baraa' Yesu idoda hara'aayada amoreen dahh kar' ole idorhariimu dirhunge Mungu' uwa sla'aatisa na uruwasiye sleeme kumiite nee gadiye kawa ako tlehha. 2 Asuma a xuaaa' hara' aayar gala na hariisan ner baraa' Aako Yesu. 3 Asuma ti an sla'aanii Mungu': Hhohhoeesarhung tlotarir slasla/areen slee'meero kawa mera. 4 Umoo' hee' barahange ngi xuu' idor harero's ar kila' ngir hotisi ner hotariri hhohho' nee ila iwaa/ame. 5 Hare ma komaa'n as ilatlerir slaqwa (idor xorduda Mungu' xua'aaka'). 6 Miwa hee demuut oo qaama ngi wara'h nee hhityawo's ngwesadakuus baraa' kangwihe asuma Aako muha'y ngu buu baraa' kangwsing slee'meero idoda ngar geera' alki/iitan tunuwa kurbu'uuma'n. 7 Aako tuna /akaaiika' as slasla/areema ala as hotar hhohho'. 8 Gawaa' idosiye kwada ti ngi siasii muu' ngu siasiiiika' ala a Mungu' ngun sia sii kwada qeeruwo's oo hhohho' ngu harimiis. 9 Dando sla'aniir hha'ewo ii ka'hh gar hee ni amorhungi gooin asuma kuunga tuna intsahhatiis nee Mungu' tiwa sla'a' kuunga kilohung alero. 10 Loemawoo' idori`' slee'mero anatlehhe dir hhaee baraa' Makedonia slee'mero ii diria' ala tunufiririma'n a'k tlehhak tisi ba/a`'. 11 Loeemawo agatlehhe' ti slee'meero dir hha'e oo baraa' Makedonia slee'meero ala tunutiri nimaan idosi ax tlehha'k tam tising ba/a. 12 Idori tlehhiiten as tawakumti ner idor qoom nee ar ilaii/a mee dir kwada na haratlinti'iika as muwaga/arur baraa' tala ta sla'aa'. 13 Asla'aanaaka kuunga kawa tsahhatlakwesa' kuungi hha'e idor kwada qatiyee' as tawa gurhamuuta'aaka idor mukuda' oo hatla' aluwaa' hi'iit. 14 Asuma ate'n bar agaharatlintian gidaaba' Yesu inagwa' ire waslo' male alero ner idosi kila Mungu' ngi huuw dinkwa nee Yesu kwisiiya' na qaatiiye'bana gwa'aara' nar baraa' ino's. 15 Asuma tisiye ngin dirhuung ooiima'n ner /aymu Aako gidaaba' ate'n kooka' slafa' kwada dawaa' qooma'r ki/iima Aako loeemawo' agirima naka' dir kwada na qaaliiye' baraa' gwa'aara. 16 Asuma Aako ino's oo kila' nin/ee't wa baraa' tlafoo, nin harda ar ato'r u'r dinkwa nee afo'r malaikaamaa' ur dinkwa nee parapandar Mungu' kwada na hhane baraa' Kristo kiin geera wasloo/atis. 17 Aluwo ate'n kwada slafa' ta meeta'n an haragwa'aan baraa' tlafoo dinkwa nee inooin Aako nguwa ilaaoohar awa'n gawtii' ale, idoorihe a lkiku'uusa'n nee Aako delo sleeme. 18 Idosiye ti gurkwa/amiise ar axwenti kuunga kilahuu'ng alero.