1 Alkwa'aari baraa' kaangw siwaa' nee qomi'ii' hha'e gidaabar garka' kingiis amorhuung gooin ii ka'hh. 2 Asuma kuunga' oo kila an xu'u'uutihhe'eesa, idor gidaaba' balo'r xeemu Aako nin harda't idor fisusumo nir hardihi amsiyo. 3 Dida tawa kaahi "Wayda ii de'n nee Amohhooa' hhituru'uuma nir gaslar harda't idor hartsiha'y kar ihardahi nee aslta xwayla uruwa'n tar kwarhhiti ii kahh. 4 Ala kuunga' hha'e a baraa' /o naro'ka tam balosi tunuwaiiharda't idor fiisusmo. 5 Asuma kuunga' sleemeero a mu'k gwa/atema' nee muk tlatla/aangw. Ate'n a mu'k amsiyoka laqa awa /onna'. 6 Asuma idosiye maga guua'n idor mukqa oo hatla ir guaiina, maso'k an xuumiisan nee tiwaharmagahha'n. 7 Asuma oo guaa' ta guia Amsi nee kwada onimiita taonimiit a amsi. 8 Asuma ate'n tawa mu'k tlatala/aa'ngw ma'sk ti harmagahhan. 9 Gabodar haratlintao ngi dahasaan nee slaani nee kofiyar muqsli an haraxu'uutir ba/aman qomada aluwahi'iit. 10 Asuma Mungu' ate'n ta wagwerika as buhhtawo's, ala as ba/ama kawa slawan urwar Yesu Kristo. Ino's ate'n tinas gwa' as ate'n bar xumisaan laqa agagu'aan ahootan dinkwa nee ino's. 11 Baraa' idosiye ti gurkwa/amiise kilohuung alero, nee ti ale/iimise kilohung ale, idosi ta qaro tlehhiita. 12 Hha'e tunufiririma'n tsatsahhama'k kwada gaiyusa baraa' tla/angwhung wa ale, nee kwada dirhunge gawti diria ner baraa' Aako nee kwada tunuhara'ayma. 13 Tununfiriirima'n sleeme tsatsamaak mu'k idor kwisi nee kiwa ilaiwa/amer ii harimisa ner baraa' sla'aari asuma gadiyerin. Wayda komaak barahu'nge kungo' kila. 14 Tunuharhhehhe'eesan hha'e ilara/aa'k kwoda amowasle'n gurkwa/asa'k kwada na diqaytsatiti mukda haratlintao nina ale/iisak, nee qitla loomaa'k dir muu' slee'meero. 15 Ga/awaa'k miwa hee' deruut oo tlakwema ngi tlakwema koqar bu'uum dir umoo'qo heewo. Ala kitaang tisiiye hho'eema na tlehhiitaak dir umoo hee baraa' tla/anghunge nee dir muu slee'meero. 16 Qwalaalae' dela slee'meero. 17 Firoro ma hungu/uusaana. 18 Mungu' slufumiisak baraa' umoo'qo gaaro asuma tisi an sla'aariri Mungu' dirhunge ner haraa' Yesu Kristo. 19 Qeero mu alesiasi aana. 20 Aru'uuma ma waqawaqaaana. 21 Moroo' slee'meero ianaak, ar hho'ohaak. 22 Ti dibe'ee dir tlakwemaa umo idoro. 23 Mungu' wayda kuunga tunu hhohhe'eesa hhe'eesi' Qeremahung munerhung slaqoohung, kiwa amohhe'eesi iwa slasla/areema koon' aaka baraa' xemuu' Aakore'n Yesu Kristo. 24 Kwada kuunga na /akaa' ii Isereehheemo koonka nee ino's an kwada ngi tle'hh. 25 Hha'e ate'n sleeme ti ale firi riindo. 26 Hha'e slee'meero lawe'eemiisak ner ma'aamisu hhohho'. 27 Nufiiriim ar baraa' Aako gidaaba' barwi to'oori kasomuusi dir hhae slee'meero. 28 Tsuqar Aakore'n Yesu Kristo maso'k i dinkwa nee kuunga'.