1 Asuma qitla nguwa harslaqaata'n ak alero', ana altakwan gidaaba' ii qoo'n twameta'n amo'r Alhene ate'n kilte'n. 2 Unaya/aawa'n Timoteo hhiyaaren nee sagadisumoo' Mungu' baraa' yaabto'r hho ar Kristo, tunuwagawde nee tanuwagur kwa/asi baraa' haratlintaorhunge. 3 Idori anatlehha'n as mahee deruut oo alurkikii/ as slahh'emisoowi asuma kuunga aa xu'a' tuna qaaro wagwer asma kangwi. 4 Loeemawi qoomada' tawa dinkwa nee kuunga nga qaro ooa'n slahha'aamaye ido'r kara alo slawaa'n nee idosing as ido'r na ti'iit idoda kar xu'a'. 5 Asuma idoorihe qitla nguwa male harslaqaa't ana male ya/abiim as xu'uuti ngiwa sla'w dando haratlintaorhu'ng doqari tlakusumo' wanekaro' tunaia'r nee gadiyere'n ire to tlehhiit. 6 Ala Timoteo na xa'y amore'n niwa amo'r hu'ng wa tla'y, nee ya/owo'r hho' ngina huu'w dando haratlintorhu'ng nee sla'aarirhu'ng tununaba'y gidaaba' inslaslangw qoom dando ate'ne ukonda nee gidaaba' ate'n tunarta' wa sla'a' ido'r ate'n kuu'ng tunur arta' sla'an. 7 Asuma idoorihe hha'e tuna lo'wa gurka/aas nee kuunga asuma haratlintaorhu'ng baraa' slahha'aamunene nee slehhe'eemiisuure'n slee'meero. 8 Alkwa'aani a hoota'n baraa' sihhitino hhe'eese baraa' Aako. 9 Alufa'y ta dir Mungu' ii hariisa'n aa mila as kuunga' as qwal/oowi sleeme ta koma'n geera Munguhe dandohu'nge? 10 Amsi nee tlatla/ango an finirinima'n as getse/ahuung kiwa aran nee toda a /aruur baraa' haratlintaaorhunge. 11 Mungure'n Baboo' kila' nee Aakore'n Yesu Kristo uruware'n ngi geraha'r ni hadaha'n amorhuung i alero. 12 Nee Aako nu ale/iisi tawa ak doginda baraa' sla'aariro, tiwa sla'a' nee muu' slee'meero kuwa sla'a idori ni diir kuunga itlehhita'n. 13 Nee idor ngi tlehhi as munemahung ngiwa /urii dogi iwa afufuu'ng kondaka ner baraa' hhohho'aar sleeme geera Mungurene nee Baborene baraa' harda hamu Aakore'n Yesu ndinkwa muuko's kwada hhohho'. slee'meero.