1 Asuma kuunga kila' axu'a hhae' gidaaba' hhemure'n amo'r kuungae' oo' torooka'. 2 Axuua' gidaaba' ha'rgeraahe' tunaslahh'eemiis, tutuna alsiimuu' ii' tlehhiye amo'r qar Filiyirwa ale idoda kar' xu'a' ate'n /uuruu' u koma'n baraa' Munguhe' ya/abtor hho' ar Mungu' kawa axwesan ta'm ner baraa' sla'hha'aaye'r yariir. 3 Asuma alkitore'n amo'r i dahhi a baraa' kangw tlakwaka laqa baraa' kangw slasla/areneeka' sleeme a baraa' al/aymaraka'. 4 Ala as idoda Mungu' ate'n tunaa'r ya/aan ya/abto'r hho' alki/ituwo an idor kar alki/iita'n an alki/itan as gidabaheeka muu' kuwa qwala/a miisa'n ala a Mungu' un qwala/amiisa'n ino's kilo's an hee' munere'n ngi xuxu'uu'm. 5 Asuma axwenita tiwa hhohhoeemisa'n aga'r axwesanika qooma slee'meero idoda ka'r xua' sleeme aga axweesaniika' ar qisaa'y as ilatleri Munugu' ate'n ti xuu'. 6 Ate'n xirfu ugalelehhanika' wa dir muu' laqa' wa dir kuunga' tam wa dir mu'k hatla' gerho' ii qoond ar yariir xingiwa' akhanisi asma ate'n ya/abuuser Kristo. 7 Kitaangw tisiiye, ate'n anahota'n ar tsatsa'aarema baraa' tla/angwhunge idor ayo'r na/aawo's ngir ooloo'ooliin (umiind) kilo's. 8 Ner uruwariye' ate'n slaati a ka'ma'n dirhunge' anaya/aama'n tunuwadiku'uutisan ya/abto'r hho' ar Mungu' kiloseka' sleeme nee hotare'n oo kila' asuma aga sla'aaru seere'n tlehhiite'. 9 Asuma kuunga hhi'ii gadiyere'n a islera nee slahha'aamre'n amsi nee tlatla/angw gadiye ana tlehha'n as hee' tamo wa'k muwa iloouuuwa'n awa'n qomasiye ya/abto'r yabto'r hho ar Mungu' ngina dirhungi ali/iita'n. 10 Kuunga a xu'a nee Mungu' sleeme ngi xuu' idor hotarir hho'hho' ngar hata'n baraa' tla/anghunge nee gana amaye, ana hota'n ner hotarir afuufung komaka' dir geera' kungasi ya ha haratlinti'iiye'. 11 Tam idosiye kuunga a xu'aa' idor umoo'qo heewo baraa' kuungae' ngura i axwesan nee gure harakemisan nee ngure munoo' idogiita'n idor babaa' idiriii dir na/aawo'se. 12 Gidaaba' ii hariind tawahota idor /akasaamorhung ii diri dir Munguhe' kwada tuna /akaa' baraa' wawitiimo'r xirfoowo's. 13 Asuma idosiye' Mungu' usufiimiisa'n sleeme umo siwaro'. Asuma siwa'r kawa ilaote wa dirten ya/abto'r Mungu' toda ta axaase ana ilaota' a idor axwenita muukoka' ana ilao te' ido'r looeema Mungu' idiri'iiya'. An /aymusi gadiyuusi wa baraa' tala/angwhung kuunga kwisi ta haratlintie'. 14 Baraa' idosiye kuunga hha'e idoda nar hotaak idoda Mungu' kanisudu Mungu' oo baraa' Uyahudi oo baraa' Yesu Kristo. Asuma kuunga sleeme tuna slehhe'eemiis ner idodar kila baraa' ka slee'meero nee mukhung oo kila. 15 Mu'k Wayahudi an mu'k Yesu ngwa gaa's dinkwa nee aruse nee a mu'k Wayahudi mu'k ate'n ta gusisin tara ti'iitan aleeni Mungu' ngu qwala/amisiiaki nee a tlakuuse'r muu slee'meero. 16 Ate'n tunailaa/ii ya/abto'r hho' kawa alki/iitanaka amo'r xoordu as ba/ama ngi slay/a' nee tisi gar na huup a tan kumiit iriinger'iin tlehhiitowoo'. Alhhe'eesa'y sakwasleema ireharda't gawaiini aleero'. 17 Hha'e ate'n nee kuunga ta ala qaasiisa'n qooma'r ninawe, ala ner baraa' slaasqo' kilo's ner baraa' qeeruka' ner baraa' aleslemurene ana lo'r sla'an getse/aahung ngiwa araan. 18 Ana sla'an niwa amorhung kawaa'n aning Paulo har gerahe' nee qooma'r hatla male'aalero', alo Netlaangw tununaiilaa/. 19 Asuma harafarore'n a mila aluwo? Laqa gwal/oore'n laqa Warahasaar xirtoore'n, geera Aakore'n Yesu qooma'r harduhamuwo'se? Xa'y a ak kunga'eeka' slee'meero idor kooqa oo hatla idrii ya'? 20 Asuma kuunga a xirfoore'n nee qwal/oore'n.