¹ Gawa idosihe abar Kristo ina slahhahha baraa slaqwaro gimse kuunga monosi oo kila na dahaasa ido'r xoslumowa ale kwada ta slahhaemiis baraa slaqawaro nee tlakwama ta parata. ² Hewi i kumitikan iwa hoti baraa ilatlerir slaqwato aqoin hoo/t ne'r sla'arir Mungu baraa hotawo's oo a mitii. ³ Asma qomar' a warahh abu'ut moro tlakw kwa 'aqanay sla' ya tleahito moroslasla/aren hhaslo'r tlakw xufo hhehha burdu tlehht asma as mule a hhan gai. ⁴ Dir ine a gar alsi'in mee abar morosi ngwa may tlehhitowo inooin moroo slasla'aren ngure axweesiya gawa. da ndowose. ⁵ Bolo askwasleemar kwada ta amo hhe'rees moro sleemeero ngu alki/iiti ya asma ano's mu'k hhan nee kuwad slat sleemeero ngirn as kwaslemut. ⁶ Gawa garihe ya/abitor hho' kana alki/iit dir kwada a qaro hhane daqane dta ⁷ Alhhe'ese umogaro i hi'iit gawa idosihe fuqurangw koo'mak hoo'te ner bara firo ar tiwa amohhe'emisa. ⁸ Baraa moroo sleemeero ilakahru momak ner baraa sla'ari nee umo hee asma sla'ari tlakwema muku hatla ngi ngi /e/ehhitakaa'ng. ⁹ Gurhhoa tlehhitaak dir umoqohewo sleeme ma qununu/ara. ¹⁰ Idoda ar kila ar umo hee aleeslemu ngura slay aleslemusi r gadiysak tiwa ale/imisa idor sagesihhituser hho tsuqa yarir oo tina towo haniis nee Mungu. ¹¹ Abar hee i axwees akwesani ngi akwesi idor hara/ayar Mungu nee hee ibir gadiyer tlehhit ngi tlehhiiti asma aleslemuda ta haniis nee Mungu as kahho baraa umowo garo ku xirfesi ner ur Yesu Kristo asma xirf nee aleslemu a ko's tam ay alhhe'esay wasle. Amina. ¹² Sla'aruse kuunga gar tuna i ad idor gar /aben baraa ayahunge mafaditara tama gar /aben naa ala tlehhamut ayahunge. ¹³ Idosi i tsahhama iwa dogigina oo slahha'mayer Kristo qwalala/e kahho tawa qwalala/a sleeme baraa gehhoesar xirfoo Krisowo. ¹⁴ Abar takahi tuna /oslislin asma umo Kristo, tununa tsqa ki/is asma qeeru xirt nee qeru Mungu ibarahung hoo't. ¹⁵ Ala hee miwa deruut oo ta slahhe'eemis as ino's tlehhim tlakw ngina tlehhit idor tsu/uta fiso tlehhimii tlakw. ¹⁶ Ala hee aba'r kun slahhaemiis assma ino's tawa krishanimo mure mingiwa aaa'r ala Mungu ngu xirfemiis ner baraa umosi oo kila. ¹⁷ Asma qomar na xer ar askwaslema niwa ginu baraa doo Munguhe, xay ibir ina girin ner ate'n a idola dir kwada ya/abito'r ar Mungu nga ilaohiikan. ¹⁸ Xay abar hee gana'amu koo'm in ba/an mer ido'r gawit a idola dir heda ganalamu komaka nee a tlakusumo? ¹⁹ Gawa idosihe kwada ti slahhaemisi asma sla'arir Mungu' munemain ngi hanisiye dir tlehharusumoda hho oo loema ngi tlehh.