¹ Anihi barise'r baraa tla/angw hung idirii an firirim, ani sleeme Aako idor inooin lamabu'usumo slahhaemiso Kristo, nee sleeme a dee'r baraa dinku'umar tada ta gehhoesi ne'r baraa xirif. ² Dinku'mar Mungu ar ayahung idirii de'emaak nee kwa sagesihhimita ne'r 'uresaroka'n a asma ya/ama baraahung daha ar idoda Mungu slai, slimi a asma pesarokan ala a muna slaari kilo's. ³ Baali na tlehhitaara gawa mu'k oo baraa de'engw idiria, kuunga slaqase hho' tlehhite dir gera dinku'umaro. ⁴ Qoma'r de'eemusumoda ur burkwa gehhoees /ara/antir xirfoo koo'm a ilaota toda hhohhoaritos hhitunu taka'n. ⁵ Idosr lala kuunga oo masomba'r ninakw ti ninawese dir gera muku ure'n kuunga slee'meero ti inawese nee tiwa ale/imisa umohewo nee koqa, asma Mungu lwada dara/ama'r nga sii ala kwada ti ninemisa, ngi qemu i hanimis. ⁶ Gawa idoorihe ti ninawese baraa dako Mungu' kwada amohho' daqane tunuwa tleesi abar qomaro's na xee'r. ⁷ Da'er hung gawawo's ti qase asma tunu xuu. ⁸ Kuunga sagakoa komak ti harma gahhe wakusumohung netla/ang in ahhamin ido'r dirangw itsegimiis ar hee ngwa fehhimisi. ⁹ Alesiak, /uru slawak baraa haratintaor hunge xuak hhaehung oo baraa yaamu slahha'amaye'r idor tisi ngina slaslaye'r. ¹⁰ Qoma'r slahha'amayeri bira warahh Mungu gurhaar wa hats kwada tuna ateet bara xirfoo alhhe'ese koo'makan baraa Kristo tunun /um i haniis tunuu gawdees tunun sihhtiis. ¹¹ Aleslemu a ko's ay qomii slee'meero. Amina. ¹² Silwano una idor hhiyaee oo inalahhimu komaka'ng barwar ngina amorhung i goin ne'r urwar silwano, ar ani kuunga nuwa gar bu'uum nee an lamabu'uum ar didaaba gar na goi a qeemu Mungu oo loema kuunga sihhite barawo's i ale. ¹³ Krishay oo aya Babeli kwad ta tsawar dinkwa nee kuu'nga tunu i tsihhimisiya nee marko garmaee tunu lawa emiis. ¹⁴ Ti laweemise umo heewo ner ma'amisoda hhohho nee wayda Mungu a dinkwa nee kuunga slee'meero oo bara Kristo idiria.