¹ Baraa urwarihe kuu'nga kwasiya oo /ameena gar tunwa harim an ai loesa dir hharateunge daqane abar hhawate bahhale /a/mu ngwa ilaohiikan abar tlehhimi'i hho oo /amenar in nga aria i ya/an kiwa umuxi /a/umu ngure ya/ana. ² Asma inooin oo kila gar a arii a tlehhimiihung oo hhohho nee ilaiwa/amer hung. ³ Ti tlehhitaak hhohhoari miwa met gawa slaqwa kilos ar seengwa kuwa hhutlita bo/du oo sahabu nee tlaba ta hiriit ner ido'r dimba dimbay kiwa dahamisa. ⁴ Ala tisi tlihhitaak as hhoarta baraa munemo dahh nee tawa doginda baraa hhohhoari ar tiwa ninemisa nee muno amohoa kuwa konda gasi gar qoom /o wa ale dir geara munge. ⁵ Asma /ameenada Mungu nira dagidal ar ang tin kioin sulgusiye ne'r urwari Hara tlintao ngin kona gawa Munguhe nee hhawatin ngina ilaiwawa/ii. ⁶ Gawa urwarihe sara Aakowo's Ibrahimu nguna ilaiwa/ ngiwa atetin ngun bebet Aako hhohho u tlehhit nee an hotaner dai wasle. ⁷ Ner urwasir kilae kuunga singa oo hhawate gar' tunuwaharim tawa hota nee /ameenarhung ar kawa tsatsaliandi inooin tawa ale/suserhung nee a idor xosluwa nana', kiwa tsahha ido'r hhaehung oo sawadir slafing ahima dinawa nee kuunga idor tlehhi taak asma firorhung makawa ilaa/. ⁸ Aluwo kuunga sleemeero hhasto'r wale naa komaak muk gurtlemu koo'm mu'k sla'ar koo'm dir hhaewo mu'k ti ninemiis nee muwa tsa'en. ⁹ Tlaakw ma toqa ar bu'ara laqa /asli nee toqa kuunga kumitee ner tsuqa an qar tuna as ateet as kahho tsuqa Mungu kiwa ala. ¹⁰ Hee hota ngi slaa ngiwa ari nee bo/ohho ngi ar gar kuwa hariim ar tsirano's nguea la/i bara morooteakwe nee afkos ngwa ila/i moro /ama Mungwa kah. ¹¹ Nee warqay moroo tlakw tlehhitowo ngu may nee moro hho ngu tlehhiti nee wayda ngu lelehhiti. ¹² Ila Aako hee gana'amu koo'm ngu ariya na iawo's firoro's ngi axasiya ala gitse/a Aako dinkwaroka nee kwada tlehhimii tlakw tlihhita. ¹³ A ma'a oo kuunga nu slahhaamiis abar kuunga a gar hhohho ana slaa? ¹⁴ Ala abar tuna slahhaemiis asma loema tunatsuq moroo'oda inooin daimitya kuunga mu daimitara kuunga ma hhaslitara. ¹⁵ Siwarose kuu'nga Kristo Aako qasaak baraa mune mahung umoqo siwaro kuunga alok tunu amohho ar umo hee kuunga nu yahamiris gada kawaki/imisa kawa oa gada Mungu kus harafadita idor tlehhitale ner tsaema ner ilawa/ame. ¹⁶ Kuu'nga hhoslor hho komaak daqane muu abar hotahung oo hhohho oo bara Kristo biriki /oslislin iwa mururiya. ¹⁷ A gar lo wa qooma abar Mungu nga sla ar gidaaba slahha'aye ranaslere asma kangw hhohho oo ta tlehhite ta moro tlakwe. ¹⁸ Kristo kuna slahheemis asma talakwrma muu ino's kwad ganiamu koo'm kuna slahhaemis asma ateen kwada gana'mu komaaka'n asma tunuwa huwi amo'r Mungu slaqwatos ina gwa ala kuna slafis baraa munahe. ¹⁹ Slimi ina tlay ne'r nara qeeru ay dir munesa bara tseqamor idirii ngire /ayumu i huw. ²⁰ Mu'k hara'ya anga ohiikan qomar terawo qitlo Mungu ngina damaran, qomar muhuwo, qomar' safina kawa tlehhiti Mungu mu'k ninaw ngina ba/amiis mukudakaat ngina ba/amiis baraa mae wa ale. ²¹ Gar a da/atada batos,pda liimga tina ba/amiis ar tlakwema hamtli torokan wa braa slaqwa ala a kwada Mungu firirm as Muno hho ngwa slay ar /uru wasloo Yesu Kristo. ²² Ino's i dako doo /uyay oo Mungu ina gawa dawri kay malayka mu'k ale sleeme koo'm nee /uru ina har na nguwa ila iwawa/iya, asma i dir gerawo's i diriya.