¹ Baraa idosihe slasla/aru sleemeero bihhi ti qase a/ayima hhahhafingw tlou nee /aymer haratliqa. ² Ido'r na/ii ninakw uluwada hho' oo' qerusla'ak ar tawa urarera baraa ba/amaro. ³ Abar Aako uka tsaqei nee kure tsahhekuwa hho. ⁴ Qwalasare amoro's ino's an tla/ano da slal /awad hoo't kwada ta sii nee muu ala kwisi nuna tswa nee Mungu oo ga loo dir Munguhe. ⁵ Kuu'nga sleeme a ido'r tla/uu slafa kwada ta qamin gawawo's ale ar do qeenu kuwa tlehhiti kunga ido'r geraharuser salingw tada ta tsawar ar ibada'r duxuut todar qeru toda ta ya/an nee Mungu ner urwar Yesu Kristo. ⁶ Goi gar i kat a ti Qaytsit bara siyoni tsla/ano ur oo afa/e uka qaa's kwad ta tsawar kwada ga loo umoqo hee nqwa hartlintii baraa inose mure ngi slayaka'n. ⁷ idosihe xirfuu a lihung kuunga kwisiya haratlintatia ala tla/ano si kuna sii nee muk mare tlehhita gari a tla/ano ur tlehhit. ⁸ Tle/anowi a dukutsu nee tla/ada ur ama darahh kwad /aymu ngwa si ye inoin kina qaa's asma tisi ngiwa slayati. ⁹ Ala kuunga a tlaha'y mu'k tatsawa'r hahhamuser waritimar Mungu, muku hhohho mu'k aalir Mungu' nga slaye asma tlehhimida wa/o/o amo'r koma oo kwad nga ateet ngiwa alki/iiti/a. ¹⁰ Kuunga geera a mukokang ala hindi aka muku Mungu tlehhite kuunga geera qurtlemu komdakanu are hindi gurtlemu uka slere'e ¹¹ Slalaruuse tununa ateet ido'r dahaye nee me wararahh tiwa hengesa wa amor ilatlerir tlakw ar tlalewema roda slaqwar tlihhit wa baraa minemahung. ¹² Gar kuunga nuwa harim a tlehhimi hho in tlehhita bara tla/angw muku pakanay asma daqane nar tundu axwees ar gidaaba gar tlaakar aka tlehha tlehhimihung birka qaytsit Mungu ngu xirfoo i ki/siya bolor ka/ma Aakowo. ¹³ Mu'k ta aleslemu iihanis ilawa wa/aak asma Aako abr wawutumo ilawa/aak idor wawutumo ur oo aleslemu koo,m, ¹⁴ abar wawita kuunguna ya/aw ar mukda tlehhe mii tlakw tlehhita ngin askawaslemuti/a nee kwa tlehhimii hhohho nojatlehhiti kin xirfeeui. ¹⁵ Asma a sla'arir Mungu ar didaaba ne'r baraa tlehhimii hhoe ater' mule axwesa nee slala/are'n axwees u tsega. ¹⁶ Kuunga a mu'k ta gweer ala qwermor hung ma gambo tlehhit ar iringe lu/a kuu'nga alole an idor ya/buser Mungu. ¹⁷ Muu sleemero ilawa/aka hhae sleemeero sla'ak Mungu da imitak wawutumo ilawa/ank. ¹⁸ Lawale akokihung ilawa/aak ner idor umo idooro a gidaabaheka a kwa hho nee oo tsaen kil's tam kwada tlakwe. ¹⁹ Asma a gar hhohho dir kwad a qitl asma slahha'amaye qoma'r kuwa slahhahheemisi as gar to ar loema komaka. ²⁰ Gar ta sleslera a mil abar anar mete bara tlaslema tlehhit nee tunure sla'miis as tisi? Ala abar hhoema ika tlehhe nee alow tunure slahhaemiis asma tisi dir geera Mungu tisi xirfoo koo'm. ²¹ Gar tunasa teet an ti asma Kristo sleeme kuna slahhaemiis asma kuunga inos ire slaqasay tlehhit ar diggriroo's kuwa dagidelaan. ²² Ino's tlakwema nga tlehhika'n sleeme tam gar ai/ama nga afukos ar delikan. ²³ Qomar ino's kuwa /oslisli inos /oslima nga ki/isikan qomar kuwa slahhaemiis a buhhikan aqo ti na kilo's haniis dir kwada kwa slemar duxuut. ²⁴ Ino's kila tlakwemare'n ng'ina gaga'r bara slaqwato ar kila ngire huw ga pehh as kahh tlkwema miwa male drruuti diren abar hootan ate'n a mula gana'a mu koo'm gawa diffarose ate'n ana ba/aman. ²⁵ Kwada' slee'meero a diya/ati ido'r be/ng wa ale nee oo na qwari ala hindi ki/e amor de musumo nee delemo munerhung.