Tsufa'y Daka'aat

1 Gawaa' moro/aymada taa ilaahhoar wa duux dir murslaqat (Mungaa' hatla) ate'n slee'meero xu'uti aka slawan nee xuuti gar huwahupa daara/angw nee slaari gari kon a kwaa/aamis. 2 Hee birtahi ani gaa a xuu heesi gari xuui i kahhi. 3 Hee Mungu' slaa nee ino's ku slaa' nee Mungu'. 4 Gawaa' dando moro/aymada ta ilahhoar wa duux dir Mungaa' hatla a xuaan murslaqa garos i kahh baraa' dando yamukahe nee xuan Mungu' hatla i kahh aqo har kwi wa'k kolo's. 5 Asma i deeya oo yari oo ta atetin ador Mungii wa le abar oo gawwa dawri laqa oo gawa dando yamuka adoda Mungii yarir nee akokii yarir iwa deya baraa' yamuwo. 6 Direene Mungu' a wak kilos nee ino's an Babaa' umowo garo moro's ngi dahh nee at'en an hotan barawo's wa ale nee Aako wako Yesu Kristo kwada dirose umoqo gaaro nee uruwar ino's ate'n tunu na tlehh. 7 Ala gawaa' adoorihe xuutiri kahh dir baraa' umo heewo gawaa' adosihe hahhale tina haragasii baraa' ibadadu muk Mungaa' hatla haratlintati inslaweein kwa hhitin asma i na/aana/a. 8 Moro/ayma tundu huwika dir geera Munguhe asma baraa /aymanika garta /aremisi i kahh tam baraa' /ayman gar tini dogi i kahh. 9 Ala tsahhar hung tisi ta konda miwa getlar/amoo tlehhit dir mukda haratlintao wanana. 10 As ti alqaytsit hee kuung buta ar kuungu kwisi tsahhar koom a/ayin baraa' dinkuumar Mungaa' hatlaa' heeda haratlintaoros wanana ino's i moro/aymada ta duux wa ilahhoa dir Mungaa' hatlaa ngu /aymar ayake? 11 Gawaa' adorihe xuutirok ar gawaa' imuu/ung mungaa' hatlaa hhiyawok kwa wanana i Kristo ina gwa' asma ino's ukwa qware's. 12 Ala hhaehung bira sadakumisee ar adoori nee haratlintaor in tida wanana kari geqeere'e kuunga hee ta sadakuuse a Kristo. 13 Ala gawaa' adoorihe moro/ayma bir a xuukutsumo tlehhit dir hhiya ene moro/aymasi u i ki/aakan /ayamaro as ani mawa duukutsumo tlehhit dir hhiya ene.