Tsufa'y Faanqw

1 Gawaa' dadndu moroda naa ani goindii i harin hhawata hare mingi wa kwatit. 2 Ala asma fuqi umoqo hhawatuwo hareros kilos nee umo harero nee hharatuwos kilos. 3 Hhawata harimar harros ngi hanisi nee hare harimar hhawa tuwos ngi hanis. 4 Hare slaqwatos ngi kilos balka ala a hhawatuwos nee hhawata slagwatos ngi kilos balikaan ala a hareros. 5 Miti /iititimara abra dinkwari qatee' gawaa' tihe ti axwsani axamise ar qomar qom kwa alqasaa dosi tlehhitak daqane qomar Mungu' kuwa firinda kawa konda nee aluwo tawa male ki/aa dinkwari ale asma ne tlangw pa/angw tundar i aari mingi sly asma harqoma kaa konda'aka. 6 Ala morowi ngun ooim ner adoda ani angur ga/aw nee sleeme aa gar /uuruu slaaka. 7 Geera a slaa' umo hewa tawa ador ani niidirii ala umowohewo alee slemuuwo's oo qeeruu ngu kon oo mor Mungu' dahh kwi tos a ti nee kooqa tos a tooqa. 8 Gawaa' kwada taa duxuu tika nee kweeli aka a tsini duxoo biringa mayee i kiloin iwiwitiyee ador ani niwa kiloee iwiwit. 9 Ala birt aleslayaka ti ila/iya iharin tawa duxuuxun laqa kiwa asma a tsini barta duxuuxuu laqa birka duxuut asma gar hho'o hhowa ta iwa duxuun nee hare kawa duuxi asma matawa hhot ner ilatleri 10 Ala dir kwadaa' ta duxuuti haraaya an honimisi a teeneka ala are Aako "hare nee hhawatoos mitiwa paratliyee'. 11 Ala hare nee hhawatuwos birta paratluye i iwiwit makawa duux laqay nee hhawatos ta axweesi tiwa male alhooti nee hhawata hareros mingi wa talakari hais. 12 Dir mu'k hatlaa' oo met gar ni kah ati ala haraayar Aakowoka hee bar nee harer haratlintao komaka i alhotiya'a nee a aya/aan tawa alkooti mingiwa gexay. 13 Abar hare hhawata ngu koon oo haratlitaor komaka abara ya/aan tawa alhooti Munguwa gexeer. 14 Gir hhawatu haratlintaor komaka huhhohhoes ar haratlintaor hareros ne harer hartlintaor komaka ka hhohhhoes ar haratlintaor hhawatowo's geera abar adosi ngeka geera na/iihung ki hhohhoekan ala loemawo ka hhohhoes. 15 Ala heeda haratlintaor kamaka hhawata laqa hare mawek gawaa' dosihe hhawatosi laqa haresing ka tsegika asma Mungu' tinaateet tawa hotan wayda. 16 /Ameeni ngi xuangw siwar karo laqay hhawatos ngu na/aamis? Laqay siwar karo hhawata harero's ngiwa ba/aamisi? 17 Umo hewo i hoti ar adoda Aako tira qay hotawo nee adod Mungu' umo hewo ngura ateet adori an ador naa oo baraa' kanisadu slee'meero. Hee taa ateet nee Mungu' barnaxes kwaa al/uutl al/utlooro's mingiwa luu/. 18 Nee hee taa al/utliika burkwa ateet nee Mungu' ino's mukwa al/uutl. 19 Hee burkwa al/uutl laq burkwa al/utliika a gaarooka ala haraayar Mungu' ka ii aloeeemisi. 20 Umo hewo imeti der ate timoda kwar ateet kwar ateet Mungu' haratlintao ngiwa sla'y. 21 Kuunga a lawalimo gormar tuwa ateet? Ma daimitar as kuung tawa lawa limo Pa/aangw tuwa gweeri baraa' lawaali imaro pa/angwsing harmagahhek. 22 Asma hee ta ateet baraa' Akoowo qomar' ino's tawa lawaalimo ino's a hee' Aako aa gweer ala kwadaa' oo lawa' limoowooka kuwa ateet hee ador kwi an lawaalinoo Kristo. 23 Kuunga' tununa qaroo tlaxw neer tsaxor u r miti laler muu tlehhara. 24 Hhaee' umo hewo i iwiwiti dir geraa' Munguhe' as ateetimoda tuwa ateet nee Mungu'. 25 Dir dasuu ta duxuutika harayar Aako ni koom i kahh ala adoda ani niga /awo ngin oiim. 26 Ar gidaaba' a tsini hee bira kil iwiwit. 27 Alqador duuxo agaqasii? Ma tiitar barasinge bar aga duxuudnika laqay taa duxiika ma sla'ar tawa da't baraa' kangw duuxo. 28 Ala abara duuxuun tlakwema ta tlehh i kahhiya nee hare barka duux gar tlaakw ar a tlehh i kahh ala kwada ta duxuutiye i dawimito yarir kona ani geera in ila/aam. 29 Hha'eee' goma ka nina mukda /ameenar koom i hotiye ador muk /ameenar komaka. 30 Mu'k gurhamuta ta hooti ador mu'k gurhamutaka nee mu'k qwala/amu koma ta hooti ador muk gwalala/aaka nee kwada slee'meero moro tlaxwato ngu aleslawa aa ador mule gar komaka. 31 Mu'k moro dando yaamu dagi delt maso aa ador hee ngu dagidelitaaka asma moro gawaa' dando yaamuu i warahh. 32 Ani gar ni slaa alok kuunga an gweerita baraa dawitimero hhawalo a duuxunka tina dawitimis asma kangw Aako adar ngur qwala/aasi. 33 Ala hhawatoo aa duuxun tin dawi timis as morodando yamuka ador hareros ngir qwala/asi. 34 Slami dir /ameenir tadduux na dasir ta xuuxika awakeka toda ta duuxiika tina dawitimis asma Aako tiwa hhohhoes gawaa' slagwato nee baraa' monowoso ala toda taa duux tin dawitimis as moro dando yaamuka ador akowos ngur qwala/as. 35 Ti ngin kah tunuwa liis a gidaabaheka nuwa tambiri qamim a asma adooda harim kawa tlehha as Aako kuwasagaduyusa ar tunduwa uruuxunaka nee moro dandu yaamuka. 36 Ala qomar karo laqay hee i daayuut iwa ooi dasiree tida taa duuxiika bar aga haniisiika dir hee aga sadakuus ala dasiika qomar duuxo ngaa eer a gar harim ino's kawa duuxi vabosi ador ino's i slai ngi tlehhi ala adakusiika abar dasiros ngaa hanis kawa duuxi. 37 Babodasi baraa' munawose birnga slaa' iwa kah dasir' ee a hanisaka inos bir daimitika baraa' munawose ino's gar hho nga tlehh. 38 Hee dasiro's ga hanis ador hhoonga tlehh nee kwada dasiiros nga hamiiska ino's ado'r hhoo' nga ak tlehh. 39 /Ameenir ta duux iharindaka iwa male duuxor eer amor hhawato hatla qoma'r hhawatos bir slaf ala abar hhawa towo's a gwa daqane i harin iwa duuxor eer dir hee oo i slaa ala oo baraa' Kristo kilo's. 40 Nee a tsini dirose abar duuxo nga meer adori an kah ala ani sleema qeeruu Mungu u koom.