1 I hii ani ani taa qweeriike? Ihii ani a ya/a abusumooka? Ihii ani Aakore'n Yesu ukaariika kuunga /aamu gadiyer'eeneke baraa' Aakowo? 2 Alaa ani bar' ya/aabusumooka dir mu'k hatle alaa dirhuunge slee'meero? Kuunga lamabuu'ser ee ar ani tawa ya/a'abuusumo baraa' Aakowo. 3 Gaari a gar ani tir aleaaw dir kwada ya/abuusi'ii mar ee siasia. 4 Xa'y ate'n harimar tawa /aayman nee tari wahhaman akomanaake? Iharindake. 5 Xa'y direnee tiwa alkomaan nee hare laqaa hhoo' a dooda ya/abuusee dar hatla i tlihhitiya' nee hhaee' Aako nee kefa? 6 Laqay ani nee Barnaba kiloren an mu'k harima gadiye tlihhitowo? 7 A ma' a oo gadiye'r tlehh ador Askarimo wa ale buutuwo's tare mle dandowo's a ma' oo balangw ngwa dahaas oo balangwda .ayaaka? A ma'a oo hikwa de'eem oo uluwa hikwada ngi wahaka? 8 Xa'y ti ngin kaha ner /uuru baraa' heeuma? Haraaya ti ngi katkee sleeme. 9 Asma kaa goin baraa' haraayar Musa' awe ma afe tseegar qomar bir ngano kala/ana ar ngwa pikmisiya ala gar dirihe Mungu' kahi aqohikwawo? 10 Alaa ti ngina xweesika asma ate'n? Ala kona goin sma at'n asma heeda balangw doosl ga'r kuwa harim in doosl neer haraxu'uti nee oo bu'uum gar kuwa harmu ni bu'un ner harafari ara gidaaba' ino's an hee wak oo ngu/aay. 11 Abar moro baraa' munemo unadahmisan dirhungi ale ala i harindaake ate'n moro braa slaqwa ngwa bu'uum dirhungw awa ale? 12 A bar muke hatla harima ngina slay dir hunge day aten a aka harmanake tam muk hatlae? A xuaake muk gadiyumamis wa baraa' doo salngw moro /aymar in ngun slaslay wa baraa' doo saalingw? 13 A xuaake duda slee'meero gadiyusa wa dir kitangw ilahhoa moro/ay mar in ngun slay wa dir gadada ta duux dir geraa kitangw ilahhoa? 14 Nee slami Aako haraaya ngin adoorir oo asma muka ya/abitor hho, ngi alki/a/iit sleeme gar lawa harim a muru /aymari in ngun slaya ar ya/abitor hho. 15 Ala ani harimari slee'meero nga dirhungi inuusika nee ti agoimaka as kahho gaka kawa tlehhi dandoene asma a tsimi ani baraa' gwa ta xirfuuee' kwi hee ngwa hengeesi. 16 Asma ani abar ya/abitor hho alki/iit gar tis xirfeemis i kahh asma a harimar ee ti ngiwa tsehh ala a ar yar ee abar ya/abitor hho aka alki/iitika. 17 Asma gadiyeri baraa' tlehh neer muno ani an /ar/anti a slaw tam a baraa tlehhike ner munaee aqo harima da koom ar ani tiwa gadiyeri saayin. 18 Ala /ar/aantir ee a mila? A ti ar gidaaba ya/abitor hho ngiwa alka /iit ara bu'uutu ngwa lelehhitaka geera a harimar ee bu'uutu ngwa slaw as adoda ya/abitor hho' ngiwa alki/iit ala ani harimari a inuusraka. 19 An tam ala baraa' lawali'iimari diriiaka ana ya/aam tiwa lawalimo tlehh as kahho mu'k yarir ngwa slaw. 20 Dir mwa Yahudiro ani tina ador hee Yahudi ngwa slaw dir nara ayar koom tina dir' in iharagas as kahho mu'k baraa' haraayari diri ngwa slaw tisi ana tlehh ala ani oo kila abara mu'k daeka oo baraa' naraayari diria. 21 Ala dir mukda haraayar Mungu' komakahe ani tina ador inooin /iis as kahho muka haraayar maaka ngiwa slw ani oo kila a hotaka dir hraayar Mungu' iwa kahh ala ani taa oh nee hara'ayar Kristo. 22 Dir mu'k diqee tlakwene ti na ador mu'k diqeetlakwen tlehh daqane mukda diqetlakwan ngwa slaw tina slaqa siimis nee muu slee'meero masok baraa' umo barto muu bahh' ale ba/ama ngiwa slay. 23 Ani moro slee'meero un tlehhit as ya/abitor hho as kahoo tsughaya/abitor hho kiwa ee maan nee muk hatla. 24 Axuaake baraa' ti'iingo muu slee'meero tan alti'iin ala hee baali ngi sle aqo wa'k? Ala gawaa' adosihe ti'iimee daqane daali kawa sleera. 25 Hee gadir /atso nga tsawar ago tin ila/a baraa' moro hatlae qomada slee'me iwa baraa' /atsori diri' kwisiya dosi ngin /imisiya as kahho /ar /antir kah ngiwa ilaohiya ala ate'n ana ti'iiman as kahho /ar/an tir kahaka ngiwa ilaohaan. 26 Gawaa' adoorihe ani a towo ti'iimaka ala amor ni ti iim aa xuu' sleeme atawo tu'uutaka gar ni tu'uut aga/aw. 27 Ala slaqwateeeti an sla'hheemis nee an dawitimis as kahho ahi baraa' hhe'ees mu'k hatla ya/abitor hho alki'itowo ani oo kila miitwa alesii.