1 Gawaa' tihe hee at'n ti harafari ador sagadiyeser Kristo nee sayser loe'eema Mungu' kuda o loema. 2 Gawaa' tihe gartaslai aawa sayusero alok a muk ta haraafadiiti. 3 Dir anihe a gareka abar kuunga i sakwaslemutaa laqa tam mu'k hatla oo muu ku sakwaslmut tam ani sleeme ti kiloe'e sakwaslemu taka asma baraa' munoene gar ani. 4 I sakwaslemut i kahh ala ani ti gana'amui harafarika as adoda munoe'e iwa sakwaslemutika ala ani hee' sakwaslemut a Aako. 5 Kwaslema matsatara qoma'rafiqoma iwa xeerika afiqomar Aako niwa ki/ika ino's moroda a mahhat baraa giwiti nguu baraa muneme nguwa gehhoetisi aluwo umohewo kuwa xirfesi nee Mungu'. 6 Hha'e daqay nee dasuwo morowi una tlehh ador slaqsay o ani nee Apolo dirhunge daqani baraa' slaqaseren toda gooin kat mamawara a hee brahunge miwa dara/an as dandu hee harla ar koqa ngwa waqai. 7 A ma'a o nga ar hee nee koqa tawa slaqamiseka? Agala ar ta kon ar ta towo ila otika? Ala abara tawo ila ot asma mila mas dra/an ador hee gaa gaa tawo ila ohika. 8 Kuunga' aga axe adadaqariite kuunga taa wawita tlehhhite kilohung ale alok gerawo kuunga ana wawita daqane aten a lwaawitiiman kuunga. 9 Ador ani ngir ba/aw ate'n o ya/abuse Mungu' tina alhhe'eesay qaa's ador mu'k ta sakwaslemuut kuwa tsu/i at'en a ador morow ta amohhe's o ta laqaaqan dir muu slee'meero na tam dir malayka sleeme. 10 Ate'n a daktan asma Kristo ala kuunga muuk sageloen baraa' Kristowo ate'n a wanamaan kuunga /uumuu konda tunu ilaiwawa/a ala ate'n tini waqaqa. 11 Ala tam hindi a qwaritan nee waxiitan tlaba ikomanaka diftar yarir akoman sleni dir hota a komanaka. 12 Gadiye an tlehhitan ar dabaaren o kila qomar tunduwa waqaqai inooin ika alki/imisanika gomar tiewa slahhemisi ana qitlaan. 13 Qomar tiwa /ooslislin at'n axwenta hho' ana ki/imasan ar tsitrir tsa' heuma ana tlehhan ate'n ador kwan slay o dando yaamu. 14 Kangwi ngu kuunga i goimaka as kuunga nuwa murekamisi ala nun hara eyini ador na/iiee' o ni slaa' lo' wa ale. 15 Tam intsaahhatuuserhung baraa' Kristowo tam ka yarie tam kumer mibango ala babihun kiyaririka asma baraa' Kristo ani a baboohung gomar ya/abitor hho' ngiwa amorhung i huuw. 16 Gawaa' adooihe kuunga nun firiirm ar ani iwa digidala. 17 Gasi an toda Timoteo na/ay ee' kuda isserhhir komaka baraa' Kristowo ngusa yaaw amor hung i ale. 18 Bahha' ale baraa' tla'angw hune ti kilo in xrimemisiya tawa kahhi ani na morhung kawika. 19 Ala nixaw ayahun delor tsew Aako birnga slaa' dangoni a har /aymeriin kilo heka kwisya ya ti xrifemisa ala /uruu in kwisi uartawa slaa'. 20 Asma wawitiimar Mungu' ibara aymeri kiloesa ala ibara /uruu. 21 Gar ta slaa' a mil? Nixaw morhung ner hhara laqa slaari nee muno tsatsaarena?