Tsufa'y Ta'm

1 Hhee'e o daqay nee dasuwo ani aga aleslawika niwa axwees ani ne kuung ador mu'j baraa' qeru ala ador mu'k baraa' slaqwa ador na/iii ninakw baraa' Kristowo. 2 Nuna wahamis ner uluwa ala slimi a fa/ar qawdaneka tam ay hindi aaka alesleriika. 3 Asma tam hindi a kumita hota baraa' slaqwato asma baraa'tlahunge tsi/aay nee tlampa'amis i deer hhe'e dorihe a hota'a kee ador mu'k slaqwa? Nee hhe'ee a hiimita lee ador mu'k baraa yamukair hatatin? 4 Asma koko ikahi ana hee Paulo nee koqa i kahi ana hee Apolo hhe'ee' i doorihe a hotaaka adori mu'k baraa' yaamuka? 5 Apolo ino's a maa? Nee Paulo ino's a maa'? An sagadiyeser kwada ta haratlintiee's baraa' kwada Aako aqo gadiyer i haniisi. 6 Ani ana dahamis Apolo maay ngina u'uumis Mungu' ana hee' ureemis. 7 Ala a garoka dir heeda a dahamisi nee kuwa maay nga emisi ala a har Mungu' kilos kwada uremis. 8 Heda a dahamis nee kwada maay nga emis inooin slee'meero a wa'k nee umo heewo bu'utuwo's nguna slay ar hargomar gadiyero's toda a tlahh. 9 Asuma ate'n a sagadiyuser Mungu' kuunga a na/arita Mungu' a doo Mungu'. 10 Adoda qemu Mungu' ngura slaw ador fundimo ur o maray tlehhit, i hhafiri ana qaa's nee o hatlaa in qawada i tleehhit ala umo heewa i qaytsita hhe'esi adoda ir tlehhit gawaa' dando ihhafirisihe. 11 Asma i kahh o hatla oihhafir hatla ngi tlehh i hhafirsi a Yesu Kristo. 12 Ala tla'angunde o wak bira tlehhit ner sahabu laqa muquslir pesa, laqa tana tlaxor koma laqa xai laqa giiso laqa slarhhi. 13 Gadiyer umo hee ka qehhoes asma kan warahhos ner baraa' asla asma asla gadir umo he ngi waqwed aso a agadiyer qoma. 14 Ala umo gadiyero's tada a tlehh bira met ino's daqane /ara/anti ngi slaa'y. 15 Ala gadiyer hee bira qororoot aslto ino's daqani bu'utu ngu slayka ala ino'skilo' i ba'an ala a ador hee' a warahha ner baraa' tlaang asla. 16 A xu'uake kuunga tawa do'o Mungu' o saling nee qeruu Mungu' in barahungu hoot? 17 A bar hee do'o |Mungu burgwa hhitin Mungu hesi ngu hhitin asma doo Mungu ku hhohho nee kuunga ta hhohhoese. 18 Hee niti wa kilo's al/ay hee bir der baraa' tla/anghunge o kaa ana sagaloar loom baraa' gemarike ti adaor daktani tlehhi daqane sagalaoa ngi slay. 19 Asma saqa loar baraa dando yamuka a daktiima dir geera Munguhe, asma ha gooin Mungu' mu'k sageloen ngun ohin baraa' al/aymarine. 20 Hee sleem Aako ngi xuu hhasler mu'k sagelorn a gar towo. 21 Gawaa' adoorihe hee miwa dara/an as muu asma umo qo garo a tohung. 22 Paulo a kohung nee Apolo nee Kefa sleeme yaamu a kohung nee slaingw nee gwaara nee qomari hindi ti dirian a tohunu nee toa sleeme. 23 Nee kuunga a mu'k Kristo nee Kristo oo Mungu'.