1 Aka axasma ar gidaaba' baraa ayahunge mu'k fuquu' ideer baraa' tlaa/angw hunge fuqta ador ti' i kahh tam baraa' tla/angw paganayyhe slami heeko uka axasan fuqita tlehhit hee harer baboine. 2 Kuunga' tlimi a kangw sing ale eera geera alok an gurahamuta ke? Kwisi kansi ngwa tlehh gar kuwa harim a hengesa baraa' tla/anghunge. 3 Ala tam hindi nan nee kuunga a dinkwa roka baraa' slaqwato ala a dinkwa baraa' qeruwo, hesi doasi nga tlehh uga qaro sakwaslemut adoda gora abar tla/angw hun i dirii. 4 Birta dogee' dinkwa asma umo Aakore'n Yesu nee munoee' i dida idirii ner /uruu Aakore'n Yesu, hesing uka qaro sakwaslemut. 5 Hesing ugwa sayim dir daba netlang as kahho slagwa tos kawa hhitin aluwo munowos iwa ba/aa baraa' delo'r Aakowo. 6 Kansing o iringe kawa ale eera a kangw hhoeka a xuakahe gadada mkate kar sluuftimaamisi tam ka nina tlatlaqwada ar mikaate slee'meero aqo ngin sluuftis. 7 Gimse ti hhohhoese gada ar ama mikate kar sluufrimis tidar tlakwema he ngesak baraa' tlaanghune daqane kuunga tawa tlatlaqwa hhoo' ar mikater tlehhit toda' ta dixisi ka. 8 Ala delor ur aba'r tlehhan makawa tlehhan ar mitedar ang ar ta sluuftimisi tidar tlakwama nee slaasla/aruwo ala alok ana tlehhan ar hikater /aben arta sluuftisika tikar hho aari nee looeema. 9 Baraa' sloir'ee ar na morhung i goim ana oo' niti haragumisara nee fuquuse. 10 A gidabaheka fuquuser dando yaamuka laqa mu'k ilatleruse laqa mu'k mu'k moro mu hayohim laqa mu'k haratlintaor in bar murslaqat gidabaheka ti partle ne inooin ab'r dosing geera ana tiita baraa' yamuwo. 11 Ala hindi gara goina a gidaaba' miti haragasara nee muk da dahh ata hhae baraa' Kristowo ala inooin ta hot bar fuqitawa lae laqa ilatlerusumo laqa hara/uutsuu sumo taqa oo haratlintatii baraa' muru mur slaqat laqa oo muk /ooslislim laqa xufusumo, mal/aymar nee hee adosing. 12 Ani mukda kahh baraa' do munguhe dor ngir askwaslemut a dola abari kuunga muk bara gurudosi ugwa meree askwaslemaro. 13 Ala Mungu' mukda oo tse/aa ngu aa kwaslemut kuunga heeda tlaakw baraa' tla/aahunge hngesak.