Tsufa'y Mibaa Nee Kooa'n

1 Hhaee'ee' nun issleemis gawaa' dando ya/aabitor hho' toda na dirhungi alki/iit kuunga' ya/aah toda ana ote nee sleeme karer sihhite. 2 Baraa' ya/aabitori hho' ar kuunga' tunuwa ba/amis abar kuunga /aymuda na kuunga i huw bura ote ala baraa' idorir komitiika ana towa haratlintiee'. 3 An ngina amorhung i huu aodar ani oo kila ngira alaaoh ar goi wa kat Kristo inaqwa asma tlakwemare'n. 4 Nee goi i kat kunafool nee ar didaaba' ina wasloo' boloo tamu. 5 Nee Kefa nguna haratiit aluwo nee kuda mibane tsar ta dogiye, ar gomar wa'k. 6 Aluwo tina dogiye nee hhae' awa tsirire koan ngi ba/aa oo yarir baraa' mukda'e i bahha slafiya ala bahha ale nee bahhaale a qaro gu'. 7 Aludae yakobo nguna haratiit nee ya/aabuse slee'meero 8 Baraa' aluu sawaee ani ina haratiit ador na/ee ta laqwal oo siwa ngaa ayka. 9 Asma ani ti nina baraa' ya/aabusero ani a hari maka tiwa ateet tare ya/abusumo asma ani kanisar Mungu' ana slahhaemis. 10 Ar braaa' qeemo muguhe ana ador ni diri hindi nee qeemuwo's dir ee ee a taworoka'n. 11 Gawaa' adoorihe abar ani laqa inooin ya/aabiror hho' ana alki/iitan nee ana dosir haratlintatian. 12 Abar Kristo nuna alkii/it ar gidaaba' ina waasloo' baraa' mu'k aa hhan oo taa foolit adorga adoma baraa' tla/singw in i kahiya waslee i kahh. 13 Ala abar wasloo mu'k a hhan i bir kaw alodiye tam Kristo a wasloo/iikas sleeme. 14 Abar Kristoo aa wasloo/iika alki/iitoren ar ya/aabitor hho' a tawo nee haratlintaoren a tawo. 15 Daqane ate'n a lamabu'uuser lama gawa dando Munguhe' ana lama bu'uuman neer lama ar tawa hahan Kristo kuna waslo/iitis ala laati kwa wasloo/iitisika abar kangwsing oo lo' oo mu'k a hhan ibir wasloo/iika. 16 Abar mu'k aa hhan i wasloo/iika ala Yesu sleeme kwa wasloo/iitisika. 17 Nee Kristo burka wasloo/o/itisika, haratlintaorhung a taw nee a kahhtita abara tla kwemahung i kahh. 18 Gawaa' akosiye tam kwada' aa haane baraa' Kristowo i ale sleeme aa qororoot'. 19 Ate'n haratlintaoren toda Kristo kuwa haratlintian abar ar slafingwi kilo's daqane aten a Mu'k litlakwenta mu'k hatala slee'meero. 20 Ala Kristo aa qaro wasloo/ baraa' tla/angw mu'k aa hhani ino's an /amitor geera baraa' mukda aa hhani. 21 Asma gwa'ara ninaxeer ner urwar hheda oo' geera nee sleeme waslo/oo mu'k a hhan kuung na huw nee hee. 22 Asma adoda baraa' adamuwo muu slee'meero ina hhan, an adosir kila baraa' Kristo slafingw ngun slaya. 23 Ala umo hewo nee qomaro's Kristo an pa/iitoda na iriin nee aluwo kwada slee'meero baraa' Kristo i diria kin waslee/iitis qomar ki/iima Yesuwo. 24 Daqame a alhhe'eesay abar wawiti'ima birnga sayin dir daba Mungu' Babaa' gomar an toda wawitiimar baraa' dando yamuka slee'meero na hengees. 25 Asma Kristo in wawitiin ay dir wakuseros ngi qaasi baraa' tla/ee yaeero's. 26 Wakusumo' alhhe'eesay oo ta hhitin a qwa'ara. 27 Goi kat' "moro slee'meero ngwa qaa's baraa' tla/aa ya'aawos" ala goi iwakat moro slee'meero kwa qaas gaari ka qehho' ador Mungu' ir kahhi baraa' moroda slee'meero asma Mungu' ana kwada moro slee'meero ngwa baak ngway qaas baraa' dabawos' i ale. 28 Ala moro slee'meero burka hhe'ees qaasaro gawaa' dabaa' garim daqani. Garma sleeme ti kilos qassa baraaa' dabaa Mungu' asma Mungu' an kwada moro slee'meero ngwa qaas gawaa' dabaa' Garma nee tih in tlehharut as kahh Mungu' tawa balusumo' moro slee'meero. 29 Asma muu ideer oo ta baatimisi as mu'k aa hhan ala kangw abar an kwi gar mukda aa hhan kuwa alee/iisi a mila? Abar mukda aa hhan ibir qoo wasloo/iika mukwi gar kus batimisi as inooin aa mila? 30 Nee as mila ate'n gar tis dahamisan baraa' slahha'amayer yarir ar umo daqi? 31 Hhaee'ee ti ani tiwa xirfeemis asma a loeema ani tawa baraa' tsakwa gwa'ara daqisleem. 32 Gar wa aleesis a mila baraa' baraa' qaytsitar heeumaro gar ani nisa slaqwan hee maaka sla'a baraa' Efesoro bar naxes mu'k aa hhan ku wasloo/ii tisika? Gimse aa /ayiman nee a wahaman as matlo tawa hhaman. 33 Miti kilohung al/aya/ayara' asma mu'k tlakw i tlehhi mii hho' hhititin. 34 Har qomay komaka hote ner lo'eema ma kkumitara iringe tlehhitowo asma bahha ale baraa' tla/anga hunge xu'utir Mungu' ngi kona'aaka ti an kah as kuunga ti kawa mureri anda. 35 Hee hatla i kahi "mu'k aa hhan ado'r kur wasloo/iitiisi? Nee inooin slaqwata nar ti'iitiya a gala? 36 Kuung' a lo' wa daktani ilmooda ta dahas i urayaka bira ala qwaikan 37 Ilmooda taa daha's a kwada eekan uraw ala a ilmooda qiluus ire harmal ino's aqo ador dahasing ngano laqa oo hatla'. 38 Ala Mungu' ngun slaawata i hanis ar doda ino's ngir sla nee umoo' dahasing i slaqwatos kon. 39 Alaqo slee'meero ti kona'aakan garka a slaqwa hee toka slaqwata makitoo toda slaqwato tsiri/i nee toka a slaqwata samakimo. 40 Sleeme garka slaqo gawaa' doori nee koko a slaqo baraka yaamu ala xifu slaqwata dawri nee slaqwta yamuka a dimbadimbay. 41 Tsee/ama gwa/aa tee maawos ko' ee sle'hhenow gwa/aateemawo's a hatla tsetse/ gwa/aateemun i alqona aaka. 42 Adosi sleeme an ador waslo/oo mu'k a haha'n i diri'i toda ta dahas in hhirurut ala toda naa ti'it i hhiturutaka'. 43 Kanaa dahaas baraa' slasla/aaru birna ti'it i xirfoo koon kana dohas baraa' wananaay birna ti'it i /uuruu koon. 44 Kana dahaa's baraa' slaqwatadar imir gera ar hee kuwa tlehh gar naa ti'it a slagwata geeruu abar slaqwatadar geera i deer sleeme slaqwata qeeruu i deer. 45 Gawaa' adosiye kagoin heeda oo geera Adamu kuna slaqwa slaaf i hanis Adamu kwada oo alhhe'eesay ino's aa qeeru tlehhit kwada slafingw hanimis. 46 Slaqwata geeru naa qirindika ala aqo slaqwatadar geera ar hee kura tlehh nee aluwo slaqwata qeemu nina aluda dahh. 47 Hee oo geera oo baraa' yaamu kuna tlehh ner haape hee tsa'r amo'r i dahhi a gawaa' dawri. 48 Adooda hee' ta tleehh ner hhape i dirii an ador slee'meero i dirii mukda oo gawaa dawri a slaqas nee heedo gawaa' dawri dahh. 49 Adoda slaqwata hee taa tleehh ner haape kara gagaraa'n adoodir kila' sleeme slaqwata hee gawaa' dawri dahh an gagaraa'n. 50 Hhaee'ee' gar ni oo' slaqwa nee tseere nawitiimar Mungu' ngi alka'ng gar hhituruut gar hhituruutaka ngi alka. 51 Qaytsiite ani lo'eema baraa' lu/aara'y diri'a ngi oo' " slee'meero a hhamanaaka ala ate'n slee'meero tunu warqee's. 52 Ar ganslay ila mugugua nee gweera qomar taruumbetadar alhhe'eesay bar kaa tahh asma tarumbaetaa kaa tahh nee mu'k a hhan ku waslo/ootis iwa ti'tiya baraa' ba'uu wa ale nee tunun warqees. 53 Ti hhituruut i harin ti hhittuutaka ngiwa dahas i harin ti gwa toda' gwa'aaka ngiwa daha's. 54 Ala qomar ' he ar hhituruut barko tli ar gwalara ar gwa'aakang bir nga dahas daqane axweesantada goi ikat aa bo/ ar ka gwa'ara kaa guu' neer harba/. 55 Xa'y gwa'ara harba/atirok i gaalay? Xa'y gwa'ara slahhi=eemisowok i galaay? 56 Slahhh'eemisoo' gira'ara' a iringee' nee /uuruu iringee' a hara'aya. 57 Ala sluufaay a dir Mungu' kwada' harba/ati nga haniis ner urwar Aakore'n Yesu Kristo oo daqay nee dasu. 58 Baraa' idoorihe hhaee'ee sla'aaruse kuunga' gawduwe nee sleeme ma daimitara umoo'qo siwaro gadiyer Aako tlehhitak asma anaxuu' ar gidaaba' gadiyerhung ar ta tlehhita' a taworoka.