1 Sla'aari lelehhitaak nee aleesleemu baraa' qeeru kawa ure aleesleemu tawa ari' imar duxta. 2 Nee heeda akwees ner tsifrir hatal i axweesiika nee muu ala in axwees nee Mungu' asma ino's hee ngu axamiis i kahh ino's moro'oo i akweesi a moro'oo baraa' in/aara'y ino's ngun axwees ner /uuruu qeeruu' hhohho oo Mungu'. 3 Ala hee aniuumar duxuut ina axwees nee muu ar ngiwa alee/iimisi ar ngiwa gurbu'un nee ngire gur'ee kwa/aamis. 4 Hee axwees ner tsitirir xu'aawaslen a tin kilo's alee/iimiis ala heeda aru'uumar duxuut kanisa ngin kwa/aamiis. 5 Gawaa' adoorihe ani hindi gar ni sla' kuunga slee'meero ana akweesa ner tsifirir xuawaslen kawa ure gar ni lo' wa sla' a kuunga' tawa aru'uumar duxuuta asma hee ari ima'r duxuut ku ur dir hee akwees ner tisfiri xuawaslen ( doqa hee bir deer oo axweesanta ki/iimis) as kahho hanisa kawa kwa/amisi. 6 Ala hindi hhaee'ee' ani bir naa xaw ayahhung abar axwees ner tsifirir xuawasl gar kuunga nuwa aimis i deero? Gar sleera i kahh ani baraa' axweesika ner gehhoema laqa axweesanta xu;uti laqa aari lawqa ner ur war intsaahhatimis. 7 Tam xosluuda' slafingw kama'aaka akdor firimbi laqa irimba aba'r afor dimbadimbay nga duxuka ador xooslumo ta tahh xur tsahh? 8 Abar taruumbata afor xu'aawaasl bir nga dux todaeka /iisi taa xu' ador hee ngir tsahhi ar gidaaba' qomari a gomar tiwa amohhe'eesi asma slaqwa ra. 9 An asdosir kila abar kuunga /ayimu xu'utiitaka buraa oe'ee ador gar taa axweese hee ngir tsahhi? Ta'm aka axweese hee kuunga mu axamis i akahh. 10 Hee ngi tlank i kahh ar gidaaba' tsifirir dimbadimba'y ka yarir baraa' dando yamuw nee ar qomar i kahh. 11 Ala ani aba'r tsifirda axu'aaka ani a ador dahaaymo dir heeda axweesa nee heeda axwees a dahaymo dir'ee nee. 12 Kuunga' sleeme a ador kuunga aleesleemu qeeru un lewa leelehhita gawaa' adoorihe aleesleemu qeeru ale sla'ak as kahho knisa kawa kwa/aasa. 13 Gawaa' adosiye heeda axwees ner tsifirir xuawaslen ino's i firin as aleesleemu tisfirirda ngiwa ki/umisi ngw slay. 14 Asma ani abara fium ner tsifirir xuawasl mumoee firiirin ala fuqurangwee gar i slaslay i kahh. 15 Ador ni /iis a adola abara firim ner munoee ala sleeme an firim ner fuqurangw ee sleeme. 16 Asma kuung abar Mungu' xirfemis ner baraa' qeeru heeda oo dahaymo ador "Amina" ngir ooi qomar tawa na'asar kat abar toda ta oin ngi xu'uka'. 17 Ar lo' kuung a sluufee hanimis ala heeda oo hatla gar a slay kahh. 18 Ani Mungu' una sluufimiis asma ani tsitirir yarir an ar axwees kuunga slee'meero ba/aati. 19 Ala tsini baraa' kanisaro baraa' axwees ner /aymeeri koan ar baraa' xu'urir'ee as kahho muk hatla' nguwa intsahhatimis ta /ayme'eeri kumme mibangw ner tsifir xuawaslen. 20 Hha'ee'ee' ma na/ii tlehhitara baraa' hhaslorhunge ala barta tlakwemawo ador na/ii hinakw tlehhitee ala baraa' tuquranghunge ador muk uren. 21 Baraa' haraayaro ka goin "Ani a axwees adir mukwi ale ar tsifir hatla ala tam adoorihe an i lari qasiyaaka." 22 Ala tsifir hatla' a layaroka dir mukda haratlingaro koma a laya dir mukda haratlintaor komaka ala aririrngw a layaroka dir mukda haratlintaor koma'aa kahe an laya dir mukda haratlintaor kama'a. 23 Xa'y abar kamisa slee'meero ta burumburit nee slee'meero ta axwees ner tsifiri xuawasle'n nee qomasiye dahaye nee muk gar xuaaka na didi hardiye xay ta ooike mukwi a daktana? 24 Ala slee'meero abir arir duxuutiya hee haratlintaor komaaka nee dahaymo birna dahiye ku afa/aslike baraa' tada a axamiis nee paymeerika slee'meero ngu sakwsleemutiyaake? 25 Lu/aaray oo baraa' munowo's ku gehhoes ino's daqnee gurunge eeri ngire tahh dir geera Mungu' nee ngire lamabu'un ar gidaaba' Mungu' ibra tla/angwrhung. 26 Gar aluusi dahh a mila hhaee'ee? birta doge dinkwa umo hewa da/aagw koon, intsahhatisar koon laqa akweesan arta moros i gehhoeesi laqa axweesanta tsifiri xuawaslen umogaro tlehhak as kanisa kawa kwa/amiiy. 27 Abar hee xawees ner tsifirir xuawaslen u'k tsar laqatam i deerutiyee axweesanito ti waketine nee hee axweesani ngi ki/imisi. 28 Ala hee axweesani ngi ki/iimis i kahh nee umo hee i xasliiti baraa' kanisaro nee umo hewo i akweesi nee munowo's ino's nee Mungu' kiloin. 29 Amse tsar laqa tm i akweesiye nee mu'k hatla ila ngi qasiye nee toda ta alkii/iit ngi aldakutiye. 30 Heeda a iwiit axweeesani abar ka diro's i gehhoatis kwad axwees i xasliiti. 31 Asma umoo'qo heewo dirhunge aru'uuma duxaro ngi aleeslay abir ta waketinde as kahho umo heewo iwa itsahharirin na muu slee'meero kuwa gur'ee kwa/aasi. 32 Asma qeeruu a ruuse iba daba aruusee. 33 Asma Munguren a Mungu' xislawoka ala a Mungu' wayda. 34 /Ameena i xaslir baa dinku'umar ba kanisaro asma ya/aam i kahh ar inooin iwa axweesiya gar kiwa harim ilaiwa /ame ngina kona adoda alqado ngira oo'. 35 Aba'r gar i tsahhar wa sla'iya, ibir deer hhawatein ngi yanasiye wa mordo asma i murer koon /ameeni iwa axwees wa baraa' kanisa. 36 Xa'y kuunga ka xua axweesanta Mungu' mor i dahh a amo'rhunge? Laqa a kuunga' kilohung nuna i hardaati. 37 Hee i bir ta kilos agt gidaaba' ino's a amsmo laqa i aleesleemu qeeeru koon morooda na kuunga i gooin ngu tsahh ador tar haraayar Aako. 38 Ala hee kangwi ngu gri xuaka ino's sleeme mukuwa tsahha. 39 Gawaa' adoorihe aru'uuma duxutwo sla'ka nee mu ila/aaru iwa axweesi ner tsifirir xuaawaslem. 40 Ala moro slee'meero i tlehharuut ner baraa' hhohhoari nee ador ganaa'.