Tsufa'y Mibaa Nee Ta'm

1 Ani tam aka akwes ner tsifiri muu nee malayka abra sla'ari ako maka ani a aor deber ta dif ar kwarara laqa ador muqslir ta difi ar tawo tsingililielim. 2 Nee ani abar aleesleemuj aru'uma nee xu'uti a koom oomoro baraa' lu/aaray nee sagaloa laqa haratlintaor tlomii ngiwa lohitis ala abar slaari a komaka ani agar tawo. 3 Nee abar kah daqari mar ee a hanis dir harkuute ngiwa /ay nee are gidaaba' slaqwatee an hanis kawa da/i baraa' asla ala sla'ari abar komaka gar wa /is i hahh. 4 Sla'ari qiqitliin nee i qurhhoar koon sla'iri ti gaw ti tleemiska nee daraa/angw kondaka. 5 Sla'ari i i laa iwa/amer koon i qahangw koondaaka i harqomr kon baraa' buhhtawo i tlakwma fadikdaka. 6 Baraa' gar tlaakwe sla'ari i gwalala /akang ala qwalala/a ama loeema. 7 Sla'ari in qaqitliin baraa moro slee'meero moro slee'meero ngu haraxu moro slee'meero ngun sa qiqitliin. 8 Sla'ari i alhhe'esay konoka abar' aru'uuma i deer aru'uuma sleemea i dder i alhhe'eesay koon nee abar xu'uti i deer i warahh seeme. 9 Asma aten xu'utiren ka nina nee aleesleemu tawa aririmanku /aar. 10 Ala toda gana birna hardat toda ganaaka i warahh. 11 Ani twa na/ee nina ana xwees ador na/nee nina moro unatsatsahhan ador na/ee ninawa'ale nee moro una aldakuut ador na/ee nina ala qomar niwa uraw moro'da oo na/uuma una maw. 12 Asma hindi moro una ga'aawah ador gawaa' hhantimo kio ador gar baraa' gehhantumo i diri ala qomadae a ga/aawan ner ialaaten oo kila alaqomarihe xu'utiren ka qoqomar ala qomada birna hardat ani a xu'uti hhe'ees adoda tira xu'uti hhe'ees nee Munguu. 13 Ala hindi morowi tam an gar dawi haratlintao harafari nee sla'ari ala braa' moro'wihe gar geera har a sla'ari.