1 Gawaa' danod asleslemu ta hanimisi nee qeruu hhohho'o oo Mungu' hhaee'ee" daqaay nee sasuwo sla'aaka kuunga kawa xua'aka. 2 A xua' ar gidaaba' kuunga' aang a mu'k paganay tununagana'amis nee mungaa' hatla oo a xweesa'aka an idor tunar gerahar. 3 Baraa' xisihe slaa' kawa xu'aa' ar gidaaba' hee i kahh oo axsee's ner baraa' qeeru Mungu' oo kah' "Yesu kwaa lu'us nee hee i kahh oo ka'h "Yesu a Aako ibir qeeruu hhohho oo Mungu' kon'k. 4 Aleesleemu dimba dimbay i deer oo bra qeeru a wa'k kilos. 5 Gadiyer dinbadimbay ideer ala Aako a qoo wa'k. 6 Gadiyer dimbadimbay ideer ala Mungu' aqo kwad gadiyesi slee'meero ngi tlehh baraa' muksi slee'meero. 7 Ala umoo heewo kuna gehhoema geeru i haniis asma ale/iisay oo muu sleeme. 8 Asma qeeruu heeko ngun /aymeer sagalo ari hanisinee oo hatla xu'uti axweesani ner urwar qeeruda wa'k. 9 Hee hatla haratlintao ner qeeruda wa'k nee oo hatla aleesleemu huungu'uumis ner qeeruda wa'k. 10 Dir oo hatlae tlehhi'mii wa/oo/oomor koma nee oo hatla aleesleemu aari ngun slay nee oo hatla aleesleemu ngun slay oo qeeru dimbambay ngwa tsatsahhan nee oo hatla tsifir dimbambay ngiwa xuui nee hatlae aleesleemu ngun slay oo tsifir dimbambay ngiwa ki/imisi. 11 Ala qeeru aqo kwado kila oo gadiyeri slee'meero ngi tlehh ar umoo heewo nguwa asleesleemu hanisi ar har adoda ino's kilas ngira slaa. 12 Adoda slaqwa tar wa'k nee i diqiyaa yarir koon nee diqayaiya slee'meero oo slaqwatar kila nee adosir kila ate'n a slaqwata Kristo. 13 Asma baraa' qeeruda wa'ke ate'n tununa batimis tawa slaqwata wa'k abr mu'k Yahudi laqa mu'k Yunani laqa lawale laqa mu'k baraa' qwerimori dira ala slee'meero tununa wahas ner qeeru wa'k. 14 Asma slaqwa a diqiita wakeelaa ala a diqaqa yaarir. 15 Abar yaae i o ani a dakooka i ya/aandaka tawa diqita slaqwatooda as tisi. 16 Nee iia ibira oo ani a iltokang gawaa' dorihe ana slaqwatooka tis ngi ila/aaka tawa diqita slaqwa. 17 Abar slaqwa slee'meero ana ila xay ador tar axamisan? Abar slaqwa slee'meero a ii a kilos ador tar tsa'amiman a adoola? 18 Ala Mungu' umo diqita slaqwa to ngina qoomes dida iwa harin. 19 Xa'y geera sleemeero abar diqita wa'k geera slaqwa i amola? 20 Nee hindi diqiya ku yaarir ala slaqwa a wa'k kilo's. 21 Ila dawa ngu beeraka un kuung gar wa slaa' i kahh laqa saga yaae ngiwa ba'y an kuunga gar nuwa slaa' i kahh. 22 Ala diqeesa waqaariit baraa' slaqwa to in ka gadiyer kon baraa' slaqwato. 23 Nee diqeeda tawa kahan baraa' slaqwa to i gar konka in ak gar kon nee diqeeren kwada alhooreka kun ak alkoor. 24 Nee qiqeern kwada alhoren i harindaka kuwa xirifeisan asma i qaro xrifu kona ala Mungu' diqiya slee'meero nga dinkwari haragaa's nee kwada alhorneka ngina aka xridemayi i tlehh ta kwada alkoreene. 25 Dosi ngina tlehh as kahh gasmis miwa doeruut baraa' slqwato, ala diqay slee'meero tiwa amohheemisi ner baraa' sla'ari. 26 Nee qomar diqitoor wak bira slahha nee diqay slee'meero in slahhahha laqay qomar diqitoor wa'k barka xrifees diqiya slee'meero i qwalala dinkwa nee diqitooda. 27 Ala kuunga hinsi a slaqwata Kristo nee umoo'qo diqito i diro's i diri'i. 28 Nee Mungu braaa kanisaro Muk geera a ya/asuse oo tsar amuse oo tam inssahhatuuse mu'k aluda a kwada aleeslemu koma oo moro wa/oo/omo lom tlehhit nee kwada /uuruu koom oo tiqituuse kawa hhoemisi nee kwada aleesleemu koma oo muu kuwa alee/imisi nee kwada muku gearaharahara nee oo hatla an kwada akweesa ner tsifir dimbadimbay ar xuawaslen. 29 Xa'y ateen slee'meero a ya/avusero ate'n slee'meero a amsero ate'n slee'meero itsahhatuusero? Ate'n slee'meero tlehhimii wa/oo/oomoro koma i tlehhita. 30 Xa'y ate'n slee'meero aleeslemu tiqituuse hhoemis u koman? Laqay ate'n a axweesan ner tsifir hatla nee ate'n tsifiri dimbadimbay a ki/imisan? 31 Kuunga' aleesleemu ur lo' wa lelehhak ani urwar hhohho ngi laqaam.