1 Gawaa' dando ohime as mu'k krishanay adooda ngira oo' baraa' kanisadu Galatiaro kuunga gimse adosi tlehhaa'k. 2 Baraa' deloda ar geera ar wiki umoo'qo hewo garka ngi bihhi qasi nee ngi tlehhak daqane ani niwaxawa ohime aa bu'uut. 3 Ani bir na harda ayahunge kwada naqo tsawari un ya/aw ner sloo/ ar ohimesi ngiwa huwi ar mu'k Yerusalemu. 4 Slee'me i harin ani niwa daqaw kwisiyea idaqaya dinkwa nee ani. 5 Ala ayahung ni xaw qomar abar' Makedoniar deel asma Makedonia adeel. 6 Ala ani ngi ga/aw a ayafung wa hoot deelor ninawe doqa qomada tsaqwa an ayahung wa faak daqane ani kuunga i alee/isa ar niwa kumit baraa' aaiene umoo'qo dida ni kawa. 7 Asma hindi a haraxuaka ar ani kuunga tunuwa ar qomari ninawe ala a haraxuu' ar gidaaba' ani nee kuunga a iwiwitaan qomarka wake abar Aako ani ika alee/iis. 8 Ala a alamet baraa' yaamu Efeso ay qomar sikuku Pentesoste i warahhi. 9 Asma tsufee yangarir kwa gwee'r diriene nee sleeme wakuser yarir i deer ar gadiyer ee aleetlank. 10 Ala Timoteo birnaxay amohheemisak miw hhot ner dae asma ino's gadiyer Aako ngin tlehhit ador ani wa ale. 11 Hee tam oo' wak mungwa waqw alee/iimisaka iwa kumiiti baraa' aiwose ar wayda as niwa hardihi amar' ee asma ani nee hhae un damaraman. 12 Gawaa' dando hhiyaren Apolo ani ino's una lo' wa firirim iwa amar hung ka'y nee hhae hatlae ino's deqeemu amosi ngwa harslaqat ala i xay qomaar hatlae pa/angw bira deeruut. 13 Ti har magahhe' sihhitano hhe'eese, ador hhawat na tlehhat gawduwe'. 14 Ala toda slee'meero taqo tlehhitaa' tlehhitaak ner baraa' sla'ari. 15 Mu'k doo Stefana u xua' inooin an krishanay oo' geera baraa' ay Akayaro ar gidaaba' tina hanisiye mu'k krishaay ngwa sagadiyusiya. 16 Hhae kuunga' mu'k ador kwisi ila iwa wa/aak nee hee qo gadiyer Mungu' tleahita dinkwa hee ate'n. 17 Ani an qwalala/ asma xemu Stefana folunato Akiko asma gada ani na dakus kuunga tawa kahha inooin ngina hanisiye. 18 Asma muno ee na kohunge ngwa gwala/aasi. 19 Kanisadu Asia ikqe'eemisia Akila nee Priska nun i tsihhimisiya ara baraa' umo Aako dinkwa nee kanisada baraa' doin i diri. 20 Hhaee slee'meero nun laweemisiya kuunga' ti lawe'eemise neer ma'aamisooda hhohho. 21 Ani oo Paulo baruwar anagoim ner Babaee' oo kila. 22 Umo heewo oo' Aako sla'aaka ino's lo'oo' ngu sleer Akoren hardahang. 23 Tsuqa Aako Yesu slawak baraa' hotahunge. 24 Sla'aariree' i dinkuut nee kuunga' slee'meero baraa' Kristo Yesuwo.