1 Kunjila iyi, umwe yumwe mlivamwene mwilondiwa ukwihumia kuvagosi vinyo, ndayeve avange savikwidika nu kukonga ilimenyu,ukuhumana ni tabia ya vadala vavo viwesya ukukwegiwa kisita limenyu, 2 ulwakuva vavo vene viva vayiwene itabia yinyo inonu paninie ne hesima. 3 Iyi yavombeke kusita kwinoja ulwa kunji - ndu kutiva injwile, ivinu fya lutalama, ukufyala imienda iginya finu ifiyavulembo. 4 Alakini jivombeke mu vumunu uwa n'gati mu numbula,nu kulutilila kuvunonu nu lwidwajo nu ulwiyisyo lwa numbula, valinisamani kumiho ga Nguluve 5 Ulwakuva avadala avavalaje valikwinoja vavo ku njil iyi.Vale nulwidiko kwa Nguluve nu ukuvadwada avagosi vavo. 6 Ku njila iyi u- Sara an'dwadaga U- Vulahamu nu kunyilanga ukuta "intwa va mwene" Umwe lino mlivana va mwene mnave mwivomba amanonu, kange linga samwidwada amavivi. 7 Ku njila yiyiyo, umwe mwivagosimwilondiwa ukutama na vadala vinyo kunu mlumanyile ukuta avadala vavula maka, mnalumanye ukuta na vope vapokelaji va sawadi iya vwomi.Mgahage ewo neke indovo jinyo jileke ukusigiliwa. 8 Pu lino, umwe mwivoni, muve ni nia yimo, vanya kisa,ulugano nda valukolo, wanyakweiyisya na valele. 9 Mleke ukuhomba uvuvivi ku vuvivi,ama amadusi ku madusi. Kunsana ku aga tugendelelage ukuvasaya, ku njila iyi mwilangiwe neke muve vanu va kyupilila ulusayo. 10 "Yuywa ikukugana mumitamile gyoni nu kulivona ilijuvailinonu ivujage mundulimi lwamwene ku mbivi ne imilomo gyamwene ukujova ija mugila. 11 Pu asyetuke ijileke imbivi nukuvomba gago manonu. Alondage ulwidiko nu kukonga. 12 Amiho gantwa gikundola unyawilweli ni mbulukutu ja mwene jipulika inyisayo ja mwene. Alakini pamiho pa-Ntwa palekinyume na avavivomo amavivi." 13 Vi veni uyu akya ikuvananga umwe, inave mwikuganogwa amanonu? 14 inave mwigatajiwa nu wayilweli, musayiwe. Mleke ukudwada gago avene vikugadwada. mleke ukuva na masyaka. 15 Pu apo mumbike u-ntwa u-Kilisite mu numbula jiinyo ndu mbalaje.Imisiki gyoni muvajibwage avanu voni vavo vikuvavuja umwe uta kiki mulinilitumaini mwa Nguluve.Muvombage ewo kuvulele ni hesima. 16 Muvijage ne numbula inonu ukuta avanu avanyamadusi kumitamile gyinyo iminonu mwa Kilisite mwiwesya ukufya isoni ulwakuva mwijova fivi ukuta mwale vavomba imbivi. 17 Pu lunonu fijo, inavve u - Nguluve inogwa ukuta mwigatala nu kuvomba amanonu ukulutilila ku mbivi. 18 U - Kilisite agatajiwe kamo ku mbivi.Umwene vinya wilweli agatajiwe ku nongwa yiitu yufwe satwale vanu va pavutale, neke atuhegeleje ufya kwa Nguluve. Afyile kumbili, kange akavombiwa vwuumi munumbula. 19 Munumbula alutile akajilumbilila inumbula jijo lino jilekukikungilo. 20 Sajale ndwaji mu nduyumilijo lwa Nguluve pala ulwagulilaga unsiiki gula ugwa Noa, imisiki igwa kujenga ingalava, nu Nguluve avapokile avanu vadebe- inumbula nane ukuhuma mumagasi/mumalenga. 21 Iki kimanyilo kya lyojo vuvwa vukuvapoka umwe, sio ndukusuka uvuvivi ukuhuma mumbili, alakini ndu ludovo lwa munumbula inonu kwa Nguluve, ukugendela mumbujuke wa Yiisu Kilisite. 22 Umwene ali kukivoko ikyandyo ikya Nguluve. Ale kukyanya. Ava Suhwa, uvulamuji,na maka gilondiwa ukunyidika umwene.