1 Pu lino muvike kulukanji uvuvivi woni, uvusyovi, uvunafiki, uwifu nu kujowa fivi. 2 Nda vana avafyele mnogwage ulupyo ulunonu ulwa numbula, 3 neke mukulage in'gati mu vupoki, inave muvonjije ukuta u-Ntwa innonu. 4 Mwije kumwene yuywa liwe ilyumi elilitama lilyo libeliwe na vanu, kange ilyo lihaliwe nu Nguluve kange lyemikiwa kumwene. 5 Umwe mli nda mawe gago mumi agagijengwa pakyanya pa nyumba iya Mepo,neke kuve nu vutekeji uvuvalaje vuvwa wihumya ulutalama lwa munumbula ululwikwidikiwa nu Nguluve ukugendela kwa Yiisu Kilisite. 6 Uvusimbe wijova wita," Lola nivikile mu Sayuni iliwe la paluvafu, ilyimikiwa ililihaliwe. Yula uyuikwidika sakavone soni. 7 Ulwakuva ilisima lyiinyo yumwe mwikidika. Kange " Iliwe ililbeliwe na avijenga,ili lyu liwe la paluvafu" 8 kange lwala lwa kwitoveja" Vavo vikitoveja, avavabelile ilimenyu lila vuvene vahaliwe ku ilyo. 9 Kange umwe mlikikolo kikyo kihaliwe, uvutekeji wa vutwa, kilunga ikivalaje, amanu va munyuma kwa Nguluve, ukute muve vajova imbombo ja kiswigo ija yula uyu avilangile ukuhuma muhisi ukwija kuvuvalafu vuvwa wa kiswigo. 10 Umwe kuwandilo samwale vanu,kange lino pu mulivanu va Nguluve.Umwe samwaupile ikisa, pu lino mwuupile ikisa. 11 Vagane, nivilangile na vanu avagenji/avahesya na avilyugalyuga ukwinyima ukuhuma kuvunogwe uvuvivi wa vutula nongwa, vuvwa wilwa imbaja ni mepo jinyo. 12 Mwinogiwa ukuva nu lugendo ulunonu pagati pa vakilunga, ukute, yavikuvajova ukuta mavombile imbivi,avikujilola imbombo jiinyo inonu nu kuntufya u- Nguluve mu nsiki ugwa kwija umwene 13 Mwidikake kuvala avavahaliwe ku vanu ku nongwa ya Ntwa, 14 inave vutwa ama uvuvaha, inave vulongoji avasuhiwe ukuvagolola avivomba mbivi nu kuvatufya avilonda amanonu. 15 Ulwakuva vunogwe wa Nguluve, ukuta ukuvomba inonu mukuvanunaja avijova agakikonyofu aga vanu avavula luhala. 16 Inave vanu avelele valeke ukuvuvombela uvwelefu winyu ukuva kigubiko kya vuvivi, kange yilonga ukuva vavombi va Nguluve. 17 Muvimikage avanu voni.Muvaganage avalukolo lwinyo.Mndwadage Unguluve. Mumwimikage untwa. 18 Avatumwa, muvimikage avavaha vinyo, ku vudwaji vwoni, sio ku vavaha anonu na valele, kange na kuvavivi. 19 lwakuva yiva sifa ku vivoni uyuikwiyumilija munduvavo ku nsiki ugwa kugatajiwa kisita vuyilweli ulwakuva mmasage ga mwene kwa Nguluve. 20 Pu yiva faida yiliku inave mjige mwigenda mbutula nongwa neke mwendelele ukulemajiwa? Inave muvombile inonu neke mgatajiwe ku ndugatajo, iyi pu vunonu kwa Nguluve. 21 Ku ili mwa ilangiwe, ulwa kuva u-Kilisite agatajiwe ku nongwa jiinyo,avalekile uluvonesyo ukukonga ingendelo ja mwene. 22 Umwene sa tulile inongwa, kange sawavoneke uvudesi wuwoni mndomo gwa mwene. 23 Unsiki gula avile idukiwa, sakavuja amadusi, avile igatajiwa salikuvadwaja kange akihumya yuywa ku ula uywihiga ku vulweli. 24 Yuywa mwene apimbile inongwa jiitu ku mbiili gwa mwene mu mmbiki, neke tuleke ukuva nduvafu lw vutula nongwa, nu kuta tutamage mu mbuyilweli.Pu ukutovivwa kwa mwene umwe pu muponile. 25 Vala voni avavalikugenda genda ndi ng'osi ijijiyagile, lino pu muvuyile ku ndimi nu mwimiliji va numbul jiinyo.