Undiango 1

1 U Peteli, insuhwa va Yiisu Kilisite,ku vagenji/avahesya avavalimwoni,ku vakongi ava vali ku Ponto ,Ku Galatia,Ku Kapadokia, ku Asia na ku Bithinia, 2 ukuhumana nu uvumanyi wa Nguluve, u Taye, paninie nu kuvalajiwa nu m'Mepo Umbalaje kuvwidisi vwa Yiisu Kilisite nu kududililiwa nu n'kisa gwa mwene. Uvukavi winyo, nu vutengamano winyo vwongelele. 3 Unguluve Taye mwa Ntwa viitu Yiisu Kirisite asayiwage. Mu mbuvaha wa kisa kyamwene, atupile kuholiwa ukupya ku maka ga vutamo kugendela mmbujuke wa Yiisu Kilisite kuhuma kuvufye, 4 Mu mbutamo uvu sawifya, savukave vuvivi kange savukapehame. Vuvikiwe kukyanya ku nongwa yiinyo. 5 Kumaka ga Nguluwe tuli mbuvopolwa ku njila ya lwidiko lwa vupoki uvuvuvikiwe ku misiiki gwa kuvumalilo.(Kusulo) 6 Hovokaga ku ili, ndakuve lino kulyumwe mukipulika mulususuvalo mu ngatajo ni ngelo ijijilipiingi. 7 Iyi ulwakuva ulwidiko lwinyo luve mu ndugelo, ulwidiko ulunyantengo umbaha uluta ulutalama, ululwiya mu mwoto ugugwigela ulwidiko gwinyo.Iyi yihumila neke ulwidiko lwinyo luhole uluginio, ulwitojo, mu luvoneko lwa Yiisu Kilisite. 8 Samwuumbwene umwene, kange mganile. Samukumbona lilo kange mukunyidika mu mmwene kange mhowike iyiyilipakyanya, iyisayijoveka kange iyiyidigile ulwitufyo. 9 Pu lilo mukwupila ulwidiko lwinyo, uvupoki wa n'gati ndyumwe. 10 Avanyamalago valondile londile nu kuvuja ki luhala kunongwa ya uvupoki uvu, ku uvukavi uvuvwale wiva winyo. 11 Valondaga ukulumanya ukuta uvupoki vuliku uvu wale wikwija. Kange valondaga ukulumanya nu nsiki guliku ugu Umepo va Kilisite uyu alin'gati ajovaga kiki na vene. Ili lya humilaga unsiki ugu avavulaga pakwanda kunongwa ya vukuvilwa wa Kirisite na kuvuvaha uvu wale wakunkonga. 12 Yavonesiwe ku avanyamalago ukute vagavombelaga aga, si kunongwa yavo , bali kumango ja mbombo ijo kunjila iya valumbileli ku lugendo lwa Mepo Umbalaje uywasuhiwe ukuhuma kukyanya, ku mbombo iji navasuhwa vikuganogwa gavijile. 13 Pu lino mwipinye munfivina fya luhala lwinyo. Muve vakwidwaja mmasage genyo. Muve vanyalwikasyo na maka mu vukavi uvuwikwija kulyumwe munduvonesyo wa Yiisu Kilisite. 14 Nda vana avavikwidwaja, mleke ukwipinya mwivene mu mbunogwe uvumwakongaga unsiki ugu mwale vavula luhala. 15 Nduvu avilangile vu in'golofu, nayumwe muve vagolofu mumigendele gyenyo gyoni. 16 Ulwakuva yisimbiwe," Muvijage vagolofu ulwakuva unene nilin'golofu". 17 Linga mnanyilange "Taye" yula ung'igi va lweli ukukongana ni mbombo ja kila munu, Vumbela unsiki gwa kugenda mu ndwidwajo. 18 Mlumanyile ukuta sayale kundalama ama kulutalama-ifinu ififinangika ukumuhumile mndugendo ulwa mbufuve uvu mwamanyile kuhuma muvavisa venyo. 19 Mupokiwe ku nongwa ya nkisa gwa Kilisite, ndu uvu ing'osi imbula nongwa. 20 U-Ukilisite ahaliwe ukwanda, alakini ifigono ifi ifya kuvumalilo, aonesiwe kulyumwe. 21 Mkunyidika u- Nguluve ukugendela mumwene, uyu u- Nguluve anjusije ukuhuma kuvufye pu akampa ukuva va pakyanya pa vudwadiwa neke ulwidiko lwinyo nu lwitojo luve mwa Nguluve. 22 Mjivekile i- Numbula jiinyo ukuva mbalaje nu kwidika uvu wayilweli, ku nongwa ya lugano lwa ndukolo ululugolwike,pu mugananage ku maka goni ukuhuma munumbula n'gati. 23 Mholiwe ulwa viili, si kumbeyu iyiyinangika, kange ukuhuma kumbeyu inonu, ukugendela mbwomi na ndimenyu lya Nguluve ililisigile. 24 Manya " imivili gyoni gilinda maswatu nu uvuvaha wa mwene vwoni vuli na nda mavuva aga ndiswatu. Iliswatu liniala, ne ilivuva ligwa pasi, 25 alakini ilimenyu lwa Ntwa lijiga imisiki gyoni. Iji nongwa iji jajowagwa nda mamenyu na malumbileli kulwuumwe.