1 Ulwakuva u Kilisite atabike mumbili,mfwalage ifilwilo fila ifyi umwene alemile kimbili pu alekehime nu vutula nongwa. 2 u munu uyusigendelela ukutama u vunogwe wa mmbili, kange ku lugano lwa Nguluve ku nsiki gwa mbutamo uvuvusigile. 3 Ulwakuva ku nsiki ugugulutile gukwilile ukuvomba imbombo avankilunga vinogwa ukuvomba- agavulami,amasage amavivi,uvugaji, avalyaji,inyimbo ja kipanji, ni nyisayo ja vihwani ifivivi ififikalaja. 4 Visaga ukuta kiswigo ukwiheja mu mbombo ijo paninie na vene, puu vikuvapanga imbivi jene kulwumwe. 5 Pu vihumiaga imbalilo ku mwene uya vikiwe ukuhiga ku vumi na vafwe. 6 Ulwakuva ilimenyu lijoviwe ku vavo vafwile ukuva vahigiwe imivili gyavondu ulu avanu,pu vanogilwe u kutama nu Nguluve ukukongan ni mwapo. 7 Kuvumalilo wa mbombo joni wikwija. Pu lino, muve nu uvumanyi uwa lweli, kange muve na amasage amanonu ku nyisayo jiinyo. 8 Vu samuvombile kyokyoni muvijage na maka kumbombo jooni mu ndugano kuu kila munu. ulwakuva ulugano salwilonda ukugubatula imbivi ija vange. 9 Muvonesyage uwipa ku kila munu kisita kunung'unika. 10 Nduvu kila munu akavile ikarama, yivumbele mukutangana, nduvu avimikiji avanonu va karama nyingi ijijihumijiwe vuvule kisita Nguluve. 11 Inave umunu anajove kave mamenyu ga lutangilo lwa Nguluve, inave umunu anajove, pu yivijage nuvu inogwa Unguluve, inave umunu anave imbombi puyive aak agapeviwe nu Nguluve,neke ku goni u Nguluve aginiwage mwa Yiisu Kilisite. Uluhunu na maka five nu mwene isiku joni. amen. 12 Vagane, mleke ukuvala ulugelo lwikwija ukuvagela ndi kinu ikigenji, ndakive kuli kinu ikigenji kikyo kilikuhumila kulyumwe. 13 vumwikwendelela ukupata uvumanyi wa magatajo aga Kilisite , hovokaga neke mhovoke nu kuhuvila muluvoneko ulwa luhungu lwa mwene. 14 Vumwidukiwa ku litawa ilya Kilisite, mlindunojejo, ulwakuva u Mepo va lunojehejo nu Mepo va Nguluve uywitama makyanya palyumwe. 15 Aleke ukuvepo umunu vevoni uywigatajiwa ndu munu ummbudi undyasi,umbamba mbivi, nu uyuihangayika ni mbombo ijavange. 16 kange inave umunu igatajiwa ulwakuva inkilisite, alele ukufya isoni, pu annginiage u Nguluve kulitawa ilyo. 17 Ulwakuva unsiki gufike ku uvulamuji ukuhumila kunyumba ya Nguluve. Kange inave yihumila kulyufwe, pu yiiva ndakiki ku vala avanyalubedo kulimenyu lya Nguluve? 18 pu ingave unyavuyilweli ayaipona kugendela kumajitu,pu yiva ndakiki ku yula umbula vuyilweli nu ntula nongwa? 19 pu lino voni avavigatajiwa ukuhumana nu vunogwewa Nguluve pu vahilike inumula jaavo ku mmpeli umwaminifu vu ivomba inonu.