¹ 1:-ಅತುದು ದೊನಿನಿ ಎಕ್ಕಿ ಸಮುದ್ರ್ಮ್ನಿ ದಾಟಿ ತನಿ ಉರ್ಕಿ ಹೊಚ್ಚೆ . ² 2:-ಅಕ್ಕ್ದಿಕಿ ಹೊಚ್ಚ್ನಕ ಹಸಿಗೆಪೈನ ಪೋದಿಪೈನ ಓಕಾ ಪಾರ್ಶ್ವವಾಯು ರೋಗಿನಿ ಅತುದ ದೇಗ್ರಿಕಿ ತಿಸಿಕೊನಿ ಹೊಚ್ಲಿ .ಯೇಸು ವಾಲಾ ನಮ್ಬಿಕೆನಿ ಸುಶೀ ಪಾರ್ಶ್ವವಾಯು ರೋಗಿಕಿ -ಕೊಡಕ ,ದೈರ್ಮೈ ಉಂಡು ,ನಿ ಪಾಪಲು ಕ್ಷಮಿಸ್ಲಾಪತ್ತಿಂಡಿ ಅಣಿ ಸೊಪ್ಪೇ . ³ 3:-ಅಕ್ಕದ ಉಂಡ ಶಸ್ರ್ತಿಲಾ ಕೆಲ್ವ್ಳು -ವಿಡು ದೇವದುಶ್ನೆ ಸೇಸ್ಥ್ದನ್ನಿ ವಾಲಾ ವಾಲಾ ಮತ್ತಡ್ಕೊನಿಲಿ. ⁴ 4:-ಯೇಸು ವಲ್ಲ ಆಲೋಚೆನ್ನಿ ತಿಳ್ಚ್ಕೊನಿ -ಮಿರು ಎಂದುಕಿ ಮಿ ಮನಸಲ ಶೆಡ್ಡ ಆಲೋಚೆನ್ನೆನಿ ಸೇಸ್ಥರು ? ⁵ 5:-ಯಾವದಿ ಸುಲಬಂ? ನಿ ಪಪಲು ಕ್ಷಮಿನಿಚಿಲ್ಪತ್ತ್ವಿಂಡಿ ಅನ್ನದೆ ? ⁶ 6:-ಲೆಸಿ ನಡಿ ಅನ್ನದೆ ? ಐತ್ಹ್ಯೇ ಪಪ್ಲ್ನಿ ಕ್ಷಮಿನ್ಚಳನಿ ಮನುಷ್ಯ ಕುಮರ್ದ್ಕಿ ಬುಲೋಕ್ಮ್ಲ ಅದಿಕರ್ಮು ಉಂಡೆಡಿ ಅಣಿ ಮಿರು ತಿಲಿಚಿಕೊನಲಾ ಅಣಿ ಸೊಪ್ಪಿ ಪರ್ಸ್ವಯು ರೋಗಿನಿ ಸುಶೀ -ಲೆಸಿ ನೀ ಹಸ್ಗೆನಿ ಪೋತ್ತ್ಕೊನಿ ಇಂಥಿಕಿ ಪೋ ಅಣಿ ಸೊಪ್ಪೇ . ⁷ 7:- ವಡೂ ಲೆಸಿ ಇನ್ನ್ತ್ಕಿ ಪೊಯ . ⁸ 8:-ಜನಲು ದಿನ್ನಿ ಸುಶೀ ಬಯಮುಪೋತ್ತಿ ದೇವುಡು ಮನುಶ್ಯ್ಲ್ಕಿ ಅಟ್ಟ ಅದಿಕರ್ಮು ಇಚ್ಚಿದಂಕು ಅತುದ್ನ್ನಿ ಕೊಂದರ್ದ್ರಿ . ⁹ 9:-ಯೇಸು ಅಕ್ಕ್ದ್ನಿಂಕ ಪೈಯತ್ತ್ಪುದು ಸುಂಕಕ್ಕಿ ಕುಚಿಕೊನ್ನ ಮತ್ತಾಯ ಅಣಿ ಒಕ್ಕ ಮನುಷ್ದ್ನಿ ಸುಶೀ -ನನ್ನೀ ಹಿಮ್ಬಲಿಂಚು ಅಣಿ ವದ್ನಿ ಪಿಲ್ಚಿ ವಡು ಲೆಸಿ ಅತುದ್ನಿ ಹಿಮ್ಬಲಿನ್ಚ್ರೆ . ¹⁰ 10:- ಅಮಿತ್ಗ ಅತುದು ವಲ ಇಂಥಲ ಕುಡ್ಕಿ ಕುಚ್ಹೊನೋಪೋದು ಎಕ್ವ ಮಂದಿ ಸುಂಕವಳು ಪಪಿಲು ಹೊಚ್ಚಿ ಯೇಸು ಮರಿ ಅತುದ ಶಿಷ್ಯಳ ಪಂಗ್ತ್ಹಿಲ ಕುಚ್ಹೊಂಲಿ . ¹¹ 11:-ಪರಿಸಯಲು ದನಿ ಸುಶೀ ಅತುದ ಶಿಷ್ಯಳನ್ನಿ -ಮೀ ಗುರುವು ಸುಂಕವಲಾ ಮರಿ ಪಪಿಲಾ ಜೋಥಳ ಯೆನ್ತ್ತ್ಕಿ ಕೂಡ ಸೇಸ್ಥರು ಅಣಿ ಅಡ್ಗೆ . ¹² 12:-ಅತುದು ದನ್ನಿ ವಿನಿ -ಕ್ಷೆಮುಂದೊಲ್ಕಿ ವೈಧುಡು ಕವಲೆಧು ,ಕ್ಷೇಮ ಲೆಗುನೋದಲ್ಕಿ ವೈಧುದು ಕವಲ್ಲ . ¹³ 13:-ಮಿರು ಪೋಹಿ -ನಾಕಿ ಯಗ್ನಮು ಓದ್ಧು ,ಕರುಣೆ ಕವಳನಿ ಅನಾ ಅರ್ತ್ಮ್ನಿ ಮಿರು ನೆರ್ಸ್ಕೊಂಡಿ .ನೇನು ನಿತಿವನ್ತುಳನಿ ಪಿಲ್ಚೆದಂಕಿ ರಲೆಧು ,ಪಾಪಿಲ್ನ್ನಿ ಪಿಲ್ಚೆದಂಕಿ ಹೊಸ್ಥಿನಿ ಅಣಿ ಸೊಪ್ಪೇ . ¹⁴ 14:-ಆ ಮಿಟ್ಗ ಯೋಹಾನನ ಶಿಷ್ಯಲು ವಡಾ ದೆರ್ಗ್ರಿಕಿ ಹೊಚ್ಚಿ -ಪರಿಸಯಲು ಮರಿ ಮಾಮು ಉಪವಾಸ ಸೇಸ್ಥ್ಮುಕದಾ ; ನೀ ಶಿಷ್ಯಲು ಎಂದುಕಿ ಉಪವಸ್ಮು ಸೇಸಳೆದು ಅಣಿ ಅದ್ಗಿದಂಗು ¹⁵ 15:- ಯೇಸು ವಲ್ಕಿ - ಪೆಂಡ್ಲಿ ಜನಲು ವಲ್ಲ ಜೋತ್ಹ್ಲಾ ಮದಲಿಂಗಡು ಉಂಡ ತನಕ ದುಕ್ಮು ಪಡ್ಥರಾ ? ಐತ್ಹ್ಯೇ ಮದಲಿಂಗದ್ನ್ನಿ ವಲಾನಿಂಕ ತಿಸಿಕೊನ್ನಮು ಕಲಮು ಹೊಸ್ಥದಿ ; ಅಪ್ದೂ ಉಪವಸ್ಮು ಸೆಸ ಕಲಮು ಹೊಸ್ಥದಿ .ಯೋರು ಕೊಥ್ಹ ಬಟ್ಲುಕಿ ತ್ಯಪ ಹೆಸಲೆಧು ; ¹⁶ 16:- (ಹೆಸ್ಥ್ಯೇ ) ಆ ತ್ಯಪಕಿ ಬಟ್ಲ್ನ್ನಿ ಪಿಸ್ಕದನಿಂಕ ಹರುಕು ಏಕ್ವ ಐತ್ಹದಿ. ¹⁷ 17:-ಇದಿಕುಕಂದ ಪತಾ ಬುದ್ದಲಿಕಿ ಕೊತ್ತ ದ್ರಕ್ಷರಸ್ಮನಿ ನಿಮ್ಪಲೆಧು ;ದನ್ನಿ ಪೆಡಥ್ಯೇ ಬುದ್ದಲಿಲು ಪೊಗಲಿ ದ್ರಾಕ್ಷರಸ್ಮು ಚೆಲ್ಲುಪೋಥದಿ, ಬುದ್ದಲಿಲು ಶೇಡಿ ಪೋಥದಿ ; ಐತ್ಹ್ಯೇ ಕೊತ್ತ ದ್ರಾಕ್ಷರಸ್ಮ್ನಿ ಕೊತ್ತ ಬುದ್ದಲಿಲ ಹೆಸ್ಥರು ,ಅಪ್ದುದು ರೊಂಡು ಉಸ್ಲಿಥದಿ ಅಣಿ ಸೊಪ್ಪೇ . ^{18 19} 18-19:-ಇಟ್ಟಳ ಅತುದು ವಲ ಜೋಥಳ ಮತ್ತ್ಲ್ದಥುನ್ನಪುದು ಅದಿಕರೀ ಹೊಚ್ಚಿ ಅತುದ್ಕಿ ಅದ್ದ್ಪೋಡಿ -ನಾ ಬಿಡ್ದ ಇಪ್ದ್ದೆ ಸಚಿಪೋಯ ;ಐತ್ಯೇ ನುವಾ ಹೊಚ್ಚಿ ದನ ಪೈನ ಸೈ ಪೆಡ್ತ್ಹ್ಯೇ ಬಧುಕುಥದಿ ಅನಿ ಅಡಿಕೊನಿ ಯೇಸು ಲೆಸಿ ವಲ್ಲ ಶಿಷ್ಯಲ್ನಿ ಪಿಲ್ಚ್ಕೊನಿ ವಾಲಾ ಎಂಕ ಪೈಲಿ. ^{20 21} 20-21:-ಅನ್ಥಲೋಗ ಪನ್ನೆಂದು ವರ್ಷ್ಮುನಿಂಕ ರಕ್ತ ಕುಸುಮ ರೋಗ್ಮುನಿಕ ಓಕ್ಕ ಅಡಧಿ -ನೇನು ಅತುದ ವಸ್ಥ್ರಲಿನಿ ಮುಡ್ತ್ಹ್ಯೇ ಸಾಲು ,ನೆತ್ತಗೈಥನು ಅಣಿ ಮನಸಲ ಅನ್ಕೊನಿ ಉದುಪ್ಮ್ನಿನ ಗೊಂಡಿನಿ ಮುತ್ತೆ . ²² 22:-ಅಪ್ದ್ದು ಯೇಸು ಎಂಕ ಅಕೆನಿ ಸುಶೀ - ಬಿಡ್ದ, ದೈರ್ಮೈ ಉಂಡು ;ನೀ ನಂಬಿಕೆನಿ ನಿನಿ ವಾಸಿಸೆಸೆ ಅನೆ . ಆ ಕ್ಷನ್ಮು ಆ ಅಡಧಿ ಸ್ವಸ್ಥಮೈಯಾ . ^{23 24} 23-24:-ಆ ಮಿಟ್ಗ ಯೇಸು ಆ ಅದಿಕರಿಯ ಇತ್ತ್ನ್ಕಿ ಹೊಚ್ಚಿ ವದ್ಯಗರುಲ್ಲ್ನಿ ಗದ್ದಲ ಸೆಸ ಗುಂಪುನ್ನಿ ಸುಶೀ - ಇವತ್ಹ್ಲ್ಕಿ ಪೊಂಡಿ ; ಪಿಲ್ಲ ಸಚ್ಚಿಪೊಳೆದು ,ನಿದ್ರಾ ಸೇಸ್ಥುಂಡಿ ಅಣಿ ಸೊಪ್ಪಿ ವಾಲು ಅತ್ಹುದ್ನ್ನಿ ಹಸ್ಯಮು ಸೇಸ್ರಿ . ²⁵ 25:-ಜನಲು ಎವತಿಕಿ ಅಮ್ಪಿಚನ್ನ್ದಪು ಪೈನ ಅತುದು ಲೋಗಕಿ ಪೋಹಿ ಅಕಯೆ ಸೈನಿ ಪೋತ್ತನಪುದ್ದು ಆಕೆ ಲೇಸೆ . ²⁶ 26:-ಈ ವಿಶ್ಮು ಆ ದೆಸ್ಮುಕಂಥ ಗೊತ್ತಯ . ²⁷ 27:-ಯೇಸು ಅಕ್ಕ್ದ್ನಿಂಕ ಪೈನಂಕ ಇದ್ರು ಕುರ್ಲ್ದು -ದಾವಿದ ಕುಮರುಡ ,ಮಮ್ಲ್ನ್ನಿ ಕರುನಿಂಚು ಅಣಿ ಕುಸಿ ಅತುಡು ಎಂಕ ಪೋಹ್ರಿ . ²⁸ 28:-ಅತುದು ಇತ್ತ್ನಿಕಿ ಹೊಚ್ನಂಕ ಆ ಕುರುಡಲು ಅತುಡ ದೇಗ್ರಿಕಿ ಹೊಚ್ಹಿರಿ .ಯೇಸು ವಲ್ನ್ನಿ - ನೆನೂ ದಿನ್ನಿ ಸೇಸ್ಥನು ಅಣಿ ಮಿರು ನಮ್ಬುಥರಾ ಅಣಿ ಅದ್ಗಿದಂಕಿ ವಳು -ಹೌದು ಸ್ವಾಮಿ ನಂಬುಥಮು ಅಣಿ ಸೋಪಲ್ಲಿ . ²⁹ 29:-ಅಪ್ದ್ದು ಅತುದು ವಲ ಕನ್ನುಲ್ನ್ನಿ ಮುತ್ತಿ -ಮಿರು ನಮ್ಬಿದತ್ತ ಮಿಕಿ ಕಾನಿ ಅನ್ನೇ . ³⁰ 30:-ಅಪ್ದ್ದು ವಲ್ಕಿ ಕನ್ನ್ಲು ಹೊಚ್ಚೆ .ಮರಿ ಯೇಸು ವಲ್ಕಿ -ಇದಿ ಯೋರ್ಕು ತೆಲಿಗುಧು ಅಣಿ ನಿಕರಂಗ ಸೊಪ್ಪೇ . ³¹ 31:-ಐತ್ಹ್ಯೇ ವಲೂ ಪೋಹಿ ಆ ದೇಶ್ಮುಕಂಥ ಅತುನ ವಿಶ್ಯ್ಮ್ನಿ ಸೋಪಲ್ಲಿ . ³² 32:-ವಳು ಪೋಹಿನಪುದ್ದು ದೈಮು ಪೊಟ್ಟಣ ಒಕಾ ಮುಕುದ್ನ್ನಿ ಅತುದ ದೇಗ್ರಿಕಿ ಪಿಲ್ಚಿಕೊನಿ ಹೊಚ್ಚಿಲಿ . ³³ 33:-ಅತುದು ದೈಮು ವಿಡಿಬಿಚಿನಪುದ್ದು ಪೈನ ಆ ಮುಕುಡು ಮತ್ತ್ಲ್ದಾತ್ತ್ಗ ಪ್ರರಂಬ ಸೆಸೆ .ದಂಕಿ ಜನಲು -ಇಸ್ರಯೇಲ್ ಜನಳ ಇಟ್ಟ ಕಾರ್ಮು ಎಪಿದ್ವರ್ಕು ಯೋರು ಸುದಳೆದು ಅಣಿ ಬೆರಗೈಲಿ . ³⁴ 34:-ಐತ್ಹ್ಯೇ ಪರಿಸಯಲು -ವಿಡೂ ದೈಮುನಿನ್ಕ ಸಹಾಯಮ್ನಿಂಕ ದೈಮುಲ್ನಿ ವಿದಿಬಿಚಿಸ್ಥದು ಅನ್ಲಿ . ³⁵ 35:-ಯೇಸು ಅಂತ ಉರ್ಲ್ಕಿ ಹಳ್ಳಿ ಪುಲ್ಲ್ಲ್ಕಿ ಸುಥಿಕೊನಿ ವಾಲಾ ಸಬಮ್ನದ್ರ್ಲಿಲ ಉಪದೆಸ್ಮು ಸೇಸ್ಥ ಪರೋಲೋಕ್ಮು ರಾಜ್ಯಮುದ ಸುವರ್ಥನಿ ಸಾರಿ ಸೋಪ್ಥ ಅಂತ ತ್ರಮೈನ ರೋಗಲ್ನಿ ಅಂತ ಥರಮೈನ ಬೆನೆಲ್ನಿ ವಾಸಿಸೆಥ ಹೊಚ್ಚೆ . ³⁶ 36:-ಐತ್ಹ್ಯೇ ಜನಳ ಗುಂಪುಮು ಸುಶೀ ವಲೂ ಕುರುಬಲೆಕುಂದ ಕುರಿಳತ್ತ್ಲ ತ್ಹೊಲ್ಸಿಪೋಹಿ ಬಳಲಿಸಿಪೋಹಿನಾರು ಅಣಿ ವಾಲಾ ಪೈನ ಕನಿಕರ್ಮು ಪೋತ್ತ್ಲಿ . ^{37 38} 37-38:- ಅಪ್ದು ತನಿ ಶಿಷ್ಯಲುಕಿ-ಬೆಲೆಯೂ ಬಹಲ್ಮು ,ಪೋನ್ನೋಲು ಕೊಂಚ್ಮು ;ದನಿಂಕ ಬೆಲೆಯ ಯಜಮನುದನ್ನಿ -ನೀ ಬೆಲೆಯ ಪೊಂನೋಲ್ನಿ ಅಮ್ಪಿಯಳನಿ ಅಡಿಕೊಂಡಿ ಅಣಿ ಸೊಪ್ಪೇ .