¹ 1:-ಅತುಡು ಕೊಂಡನಿಂಕ ಹೊಚ್ಹೆತ್ತೆಪುದು ಜನಲು ಗುಂಪುಮು ಗುಮ್ಪ್ಮುಲ ಅತುಡ ಎಂಕ ಪೈಲಿ . ² 2:-ಒಕ್ಕ ಕುಸ್ತರೋಗಿಯು ಯೇಸು ದೇಗ್ರಿಕಿ ಹೊಚ್ಚಿ ಅತುಡುಕಿ ಅದ್ಮುಪೋಡಿ -ಸ್ವಾಮಿ ,ನಿಕಿ ಮನುಸು ಉಂತ್ಯೆ ನನ್ನೀ ವಾಸಿ ಸೇಹಿ ಅನಿ ಸೊಪ್ಪೇ . ³ 3:-ಅತುಡು ಸೇಯಿ ಹಿಚ್ಚಿ ವದ್ನಿ ಮುಟ್ಟಿ-ನಾಕಿ ಮನಸು ಉಂಡಿ ;ಶುದ್ಮು ಕಾ ಅಣಿ ಸೊಪ್ಪೇ . ⁴ 4:-ಅಪ್ದ್ದು ಯೇಸು ವಾದಕಿ -ಯೋರ್ಕು ಸೋಪದ್ದು ಸುಡಿ ;ಐತ್ಹ್ಯೇ ಪೋಹಿ ಯಜಕುಡ ದೇಗ್ರ್ಕಿ ಪೈ ನಿ ಪೈನಿ ಸುಪಿಸಿ ಮೋಶೆ ನೆಮ್ಚ್ನಾ ಕನಿಕೆನಿ ಇಹಿ ;ಅದಿ ಜನ್ಲ್ಕಿ ಶಕ್ಷಿ ಕಾಣಿ ಅಣಿ ಸೊಪ್ಪೇ . ⁵ 5:-ಅತ್ಹುದು ಕಪೆನ್ರ್ಮ್ಕಿ ಹೊಚ್ನಂಕ ದಂಡಿನ ಶಥದಿಪಥಿ . ⁶ 6:-ಅತುಡ ದೇಗ್ರ್ಕಿ ಹೊಚ್ಚಿ -ಪ್ರಬುವೆ ,ನಾ ಕೂಲಿ ಮೊನ್ಸಿ ಪರ್ಶ್ವವಯುನಿಂಕ ಸಾನ ಕಸ್ತ್ಮುಪೋದ್ಥ ಇಂಥಲ ಪೋದಿಪೈನಾಡು .ಅಣಿ ಸೊಪ್ಪೇ . ⁷ 7:-ಅತುಡು ವಡ್ಕಿ -ನೇನು ಹೊಚ್ಚಿ ವದ್ನಿ ವಾಸಿ ಸೇಸ್ಥನು ಅನಿದಂಕಿ ⁸ 8:- ಆ ಶಥದಿಪಥಿ ಪ್ರಭುವೇ ನುವ ನಾ `ಇನ್ಥ್ಕಿ ಹೊಚ್ಚೆಥ್ತ್ತ್ಲ ಯೋಗ್ಯಥ್ಯೇ ನಾಲ ಲೇದು ;ನುವ ಒಕ್ಟ್ತಿ ಮಟಾ ಸೋಪ್ಥ್ಯೇ ಸಾಲು ,ನಾ ಆಳು ಗುಣಮೈಥದು. ⁹ 9:-ನಾನು ಸಹ ಉಂಕ ಒಚ್ದ್ಕಿ ಸೈ ಅಹಿನನು ;ನಾ ಕಿಂದ ಸೈನಕ್ಲು ಉಂಡರು ;ನಾನು ವಾಲಾ ಒಚ್ದ್ಕಿ ಪೋ ಅಂಥ್ಯೇ ಪೋಥದು ;ಉಂಕ ಒಚ್ದುಕಿ ರಾ ಅಂತ್ಯೆ ಹೊಸ್ಥ್ದು ;ನಾ ಅಲ್ಕಿ ಎತ್ತಳದಣಿ ಸೆಯೇ ಅಂಥ್ಯೇ ಸೇಥದು ಅಣಿ ಸೊಪ್ಪೇ . ¹⁰ 10:-ಯೇಸು ದಿನಿ ವಿನಿ ಅಚ್ರ್ಮು ಪೊಟ್ಟಿ ,ನಾ ಎಂಕ ಹೊಚ್ಹೆವಲ್ಕಿ -ನೇನು ಇಟ್ಟ ಪೆದ್ದ ನಂಬಿಕೆನಿ ಇಸ್ರಯೇಲ ಜನಳ ಸುದಲೆಧು ಅಣಿ ನಿಕಿ ನಿಜ್ಮು ಸೋಪ್ಥನು . ¹¹ 11:-ಇದಿಕಕುಂದ ಮಿಕಿ ಸೋಪ್ಪದೆಮಂತ್ಯೆ ಮೂಡಲ ಪಡುವಲ ದಿಕ್ಲುನಿಂಕ ಎಕ್ವ ಜನ್ಳು ಹೊಚ್ಚಿ ಪರೋಲೋಕ್ಮು ರಜ್ಯ್ಲ ಅಬ್ರಹಾಂ ಇಸಕ್ ಯಾಕೊಬ್ ಅಣಿ ಜೋಥಳ ಕುಡ್ಕಿ ಕುಡ್ಥರು ; ¹² 12:-ಐತ್ಹ್ಯೇ ಆ ರಜ್ಯಮ್ಲ ಬಧ್ಯಸ್ಥಳು ಹಿವತ್ಹ್ಲ್ಕಿ ಸಿಕ್ತ್ತಿಕಿ ಹೆಸಲ್ಪಡ್ತ್ಹಳು ; ಅಡಾ ಗೊಳ್ತ್ಮು ಕೊಟ್ಮು ಅನಿ ಪೊಂಡ್ಲೂ ಕೊರ್ಕೆದಿ ಉಂತಡಿ ಅಣಿ ಮಿಕಿ ಸೋಪ್ಥನು . ¹³ 13:-ಅಮಿತ್ಗ ಯೇಸು ಆ ಶಾಥದಿಪಥ್ಕಿ -ನುವ ನಂಬಿನತ್ತ್ಕ ನಿಕಿ ಕನೀ ,ಪೋ ಅಣಿ ಸೊಪ್ಪೇ . ಅದೇ ರಿಥಿಲ ವಾಡ ಅಲ್ಕಿ ಗುಣಮು ಅಹ್ಯೇ . ¹⁴ 14:-ಅಮಿತ್ಗ ಯೇಸು ಪೇತ್ರ ಇತ್ಕಿ ಹೊಚ್ಚಿ ವಡಾ ಅತ್ಹ್ಗೆಕಿ ಜ್ವರುಮ್ಲ ಉಂಡ ದನಿ ಸುಶೀ ಆಕೆಯ ಸೆಯಿ ಮುತ್ತೆ . ¹⁵ 15:-ಮುತ್ತಂಕ ಜ್ವರಮು ವಿಡಸಿ ಪಾಯಾ ; ಆಕೆ ಲೆಸಿ ಅತುದುಕಿ ಉಪಚ್ರ್ಮು ಸೆಸೆ . ¹⁶ 16:- ಸಯಕಲ್ಮು ಐನಪುದ್ದು ದೈಮು ಪೋಟನಾ ಎಕ್ವ ಜನಲು ವಡಾ ದೇಗ್ರ್ಕಿ ತ್ಹೊಡ್ಕೊನಿ ಹೊಚ್ಚಿಲಿ ;ಅತುದು ಮತ್ಲ್ನಿಕ ಮಥ್ರನಿಂಕ ದೈಮ್ಲ್ನಿ ವಿಡಿಚಿ ಕಕುಂದ ಪೈಹಿ ನೆತ್ತ್ಮು ಲೆಕುದೊಲ್ಕಿ ವಾಸಿ ಸೆಸೆ . ¹⁷ 17:-ದಿನಿಕ ಮಾ ಬೆನೆಳು ವಾಲೆ ತಿಸಿಕೊನಿ ಮಾ ರೋಗಲ್ನಿ ಹೊಥ್ಕೊನೆ ಅಣಿ ಯೆಶಯ ಪ್ರವದಿನಿಂಕ ಸೋಪ್ನ ಮತ್ತ್ತ ನೆರೆವೆಸೆ . ¹⁸ 18:- ಯೇಸು ತನಿ ಸುತಳ ಉಂಡ ಜಾಸ್ತಿ ಜನ್ಲ ಗುಮ್ಪುಲ ಸುಶೀ ಅಕ್ಕ್ದಿಕಿ ಪೋವಳನಿ ಅಪ್ನ್ನೇ ಹಿಚೆ . ¹⁹ 19:-ಅಪುದ್ದ್ದು ಒಕ್ದು ಶಾಸ್ರಿ ದೇಗ್ರಿಕಿ ಹೊಚ್ಚಿ ಅತುದ್ಕಿ -ಗುರುವಾ ,ನುವ ಎಕ್ಕುದ್ಕಿ ಪೈನ ನಾನು ಸಹ ನಿ ಜೋಥಳ ಹೊಸತನು ಅಣಿ ಸೋಪ್ನಪ್ದು , ²⁰ 20:- ಯೇಸು ವಾಡ್ಕಿ -ನರಿಲ್ಕಿ ಗುದ್ಹುಳು ಉಂಡವಿ ,ಅಕಸ್ಮುಲ ಉಂಡ ಪಕ್ಷಿಲ್ಕಿ ಗುಡ್ಲ್ಲು ಉಂಡೆಡಿ ;ಐತ್ಹ್ಯೇ ಮನುಸ್ಯಕುಮರ್ಡ್ಕಿ ತಲೆ ಪೆತ್ತಳಥ್ಲ ಇಂಥ ಕೂಡ ಜಗಾ ಲೇದು ಅಣಿ ಸೊಪ್ಪೇ . ²¹ 21:-ಶಿಷ್ಯಲ ಒಕ್ಟಿ -ಸ್ವಾಮಿ ,ನೇನು ಮೊದ್ಲು ಪೋಹಿ ನಾ ತಂದ್ರಿ ಉತ್ಹ್ರಕ್ರಿಯೇಲ್ನಿ ಸೆಸಿ ಹೊಚ್ಚೆತ್ತಲ ನಾಕಿ ಅಪ್ಪಣೆ ಕವಲ ಅಣಿ ²² 22:-ಯೇಸು ವಾದಕಿ -ನಾ ಎಂಕ ರಾ ,ಸಚಿಪೋಹಿನಲೇ ವಲ್ಲ್ಲ ಸಚ್ಚಿಪೋಹಿನ ಉತ್ಹರಕ್ರಿಯಲ್ನಿ ಸೇಹಿನಿ ಅಣಿ ಸೊಪ್ಪೇ . ²³ 23:-ಅತ್ಹುದು ದೋಣಿನಿ ಎಕ್ಕತ್ತಪದು ಅತುಡ ಶಿಷ್ಯದು ಅತುಡ ಎಂಕ ಪಾಯ. ²⁴ 24:-ವಳು ಪೋಥನ್ನಪುದು ಸಮುದ್ರಮು ಅಲ್ಲೋಕಲೋಲ್ಮೈ ದೋನಿಯು ತೆರೆನಿಂಕ ಮುಸ್ಪೋಹ್ಯ .ಐತ್ಹ್ಯೇ ಅತುದು ನಿದ್ರಾ ಹೊಚ್ಚಿ ಪೋಗೊನೆ . ²⁵ 25:- ವಲ್ಲು ದೇಗ್ರಿಕಿ ಹೊಚ್ಚ್ಹಿ ಅತುದುನಿ ಲೇಪಿ -ಸ್ವಾಮಿ , ಕಾಪಾಡ್ನ್ಡಿ,ಸಸ್ಥುಂದದಮು ಅನ್ನೋತಪುದು ²⁶ 26:-ಯೇಸು ವಲ್ಕಿ -ಅಲ್ಫಾ ವಿಸ್ವಸಿಲ ,ಯೆಂತ್ತ್ಜ್ಕಿ ಬಯಮು ಪದ್ಥರು ಅಣಿ ಸೊಪ್ಪಿ ,ಗಲಿನಿ ಸಮುದ್ರಮ್ನಿ ಗದ್ರ್ಬಿಚೀ ;ಅಪ್ಪುದು ಅಂತ ಶಾಂತ್ಮು ಆಯಾ. ²⁷ 27:-ಆ ಜನಲು ಬೇರ್ಗೈ -ಇತುದು ಎತ್ತದೈಡಲ !ಗಾಳಿಯು ಸಮುದ್ರ್ಮು ಸಹ ಇತುದು ಸೋಪ್ನ ಅತ್ತ್ತ್ಲ ಇನ್ತವಿಕದಾ ಅಣಿ ಸೋಪಲ್ಲಿ . ²⁸ 28:-ಅಮಿತ್ಗ ಅತುದು ಅಚೆದಮೈನ ಗದರೇನ ಸಿಮೆಕಿ ಪೈನಪುದ್ದು ದೈಮು ಪೋತ್ತೊನೋಳು ಸಮದಿನಿಂಕ ಅನ್ತ್ತೆ ಗವಿನಿಂಕ ಹೊಚ್ಚ್ಹಿ ಅತುದ ದೇಗ್ರಿಕಿ ನಿನ್ಚಿಕೊನಲಿ .ವಲ್ಲು ಬಹು ಉಗ್ರಲೈದಿದಂಗು ಆ ದವಳ ಯಾರು ಸಹ ತಿರಿಗುಕುಂದ ಉಂದಲಿ . ²⁹ 29:- ವಳು -ದೇವುಡ ಕೊಡಗ ,ಮಾ ಗೊಡವಾ ನಿಕಿ ಯೆಂತ್ಕಿ ?ಕಲಮು ಹೊಚ್ಚೆ ಕಿಂಥ ಮುಂದ್ರ ಮನ್ಮ್ಲ್ನಿ ಕದಾದೆಂಥ್ಕಿ ಅಣಿ ಇಡ್ಕಿ ಹೊಸ್ತ್ವ ಅನಿ ಕುಸಿಕೊಂಲಿ . ³⁰ 30:-ಕೊಂಚ್ಮು ದುರ್ಮ್ಲ ಎಕ್ವ ಪೊಂದ್ಲು ಒಕಾ ಹಿಂಡು ಮೆಸ್ಥುನ್ದ್ಯೇ . ³¹ 31:-ಆ ದೈಮು -ನುವ ಮನ್ಮ್ಲಿನಿ ದಿನಿಕ ತಿಸೆದೈಥ್ಯೇ ಆ ಪೊಂದ್ಲು ಗುಂಪುಕಿ ಅಂಪಿ ಅಣಿ ಅಡಿಕೊನೆ . ³² 32:-ಅತುದು ಪೊಂಡಿ ಅನ್ನೋಪುದು ಅವಿ ಇವ್ಥ್ಲ್ಕಿ ಹೊಚ್ಚಿ ಪೊಂದ್ಲು ಲೋಪ್ಲಾಕಿ ಪೊಯ ;ಅಪ್ಪ್ದೆ ಆ ಗುಂಪೆಲ ಪರಿಪೋಹಿ ಸಂನಿದೈನ ಜಗನಿಂಕ ಸಮುದ್ರ್ಮಕಿ ಪೋಡಿ ಮುಲಿಗಿಪೋಹಿ ಸಚ್ಚಿಪಯಾ . ^{33 34} 33-34:-ಮೆಪೋಳು ಉರಲೋಗೊಕಿ ಪೋಹಿ ಇದಂಥ ದೈಮು ಪೊಟ್ಟಣ ಸಂನಿವೆಸ್ಮ್ನಿ ತಿಲಿಬಿಚ್ಹೆಕಿ ಉರಿಕಿಂಥ ಅತುದ ಯೆದ್ರ್ಕಿ ಹೊಚ್ಚಿ ಸುಶೀ ಮಾ ಸಿಮೆನಿ ಉದ್ಸಿ ಪೋ ಅಣಿ ಅಡಿಕೊನ್ಲ್ಲಿ .