1 1:-ಮರಿ ಅತ್ಹುದು ವಲ್ಲ ಪಂನೆನುದು ಮಂದಿ ಶಿಷ್ಯಳನ್ನಿ ದೇಗ್ರ್ಕಿ ಫಿಲ್ಚಿ ದೈಮುಳನಿ ಉದಿಭಿಯಳನಿ ಅಂತ ಥರಮೈನ ರೋಗ್ಮ್ಳನಿ ಅಂತ ಥರಮೈನ ಬೆನೆಲನ್ನಿ ವಸಿಸೆಸದನ್ಕಿಯು ವಲ್ಕಿ ಅದಿಕರ್ಮು ಇಚ್ಚೀ . 2 2:-ಅತುಡು ಅಮ್ಪಿಚಿಂನ ಅಪೋಲೋಸ್ತುಲೈನ ಪನ್ನೆಂದು ಮಂದಿ ಪೆರು ಎಮಂತ್ತೆ -ಮೊದಲುಐನದು ಪೇತ್ರ ಅನಿ ಅನಿಪ್ಚಿಲೈನ ಸಿಮೋನ, ವಡಾ ತ್ಹೊಮುದೈನ ಅಂದ್ರೆಯ ,ಜೆಬೇದಯನ ಕೊಡಕೈನ ಯಾಕೊಬ , 3 3:- ವಡಾ ತ್ಹೊಮುದೈನ ಯೋಹನ,ಫಿಲಿಪ್ಪ , ಬರ್ತ್ಹೊಲೋಮಯ ,ತೋಮ, ಸುಂಕ್ಮು ಮತ್ತಾಯ,ಅಲ್ಪಾಯನ ಕೊಡಕೈನ ಯಕೊಬ ,ತದ್ಹಾಯ, 4 4:-ಮತಬಿಮಾನಿ ಅನಿಪಿಚಿನ ಸಿಮೊನ ,ಯೇಸುನ್ನಿ ಪೋತ್ತಿನ್ಚಿನಾ ಇಸ್ಕರಿಯೊಥ ಯೂದ,ಇವೆ . 5 5:-ಈ ಪನ್ನೆಂದು ಮಂದಿನಿ ಯೇಸು ಅಮ್ಪಿಚಿಂದಿ.ಅಮ್ಪ್ಚಿನಪುದ್ದು ವಲ್ಕಿ ಅಪ್ನ್ನೇ ಇಚ್ಚಿ ಎಮನ್ನತ್ತ್ಯೆ - ಅನ್ಯಜನಳ ಜೋಥ್ಲ ಪೋವದಂಡಿ ,ಸಮರ್ಯ ಊರಲ ಕಾಲು ಪೆತ್ತದಂಡಿ ; 6 6:-ವಿಲನಿ ಉಡ್ಸಿ ಥಪಿಚಿಕೊನ್ನ ಗೋರ್ಲು ಅತ್ತ್ಮೈನ ಇಸ್ರಯೇಲ್ ಮನೆಥನಕಿ ಜೋಥ್ಲ ಪೊಂಡಿ . 7 7:-ಪರೋಲೋಕುಮು ದೇಗ್ರ್ಮೈಂಡಿ ಅಣಿ ಸೋಪ್ಥಪೊಂಡಿ . 8 8:-ರೋಗಿಲ್ನ್ನಿ ವಾಸಿಸೇಸ್ಥ ಪೊಂಡಿ ,ಸಚ್ಚಿಲೋಲ್ನಿ ಬದಿಕಿಸ್ಥ ಪೊಂಡಿ ,ಕುಸ್ತ್ಮು ಉಂಡ್ಲ್ಕಿ ಶುದ್ಮು ಸೇಸ್ಥಪೊಂಡಿ ,ದೈಮುಳನ್ನಿ ಉದ್ಬಿಯಂಡಿ ; ಉಚಿಥಂಗ ಪೊಂದುನರು ,ಉಚಿಥಂಗ ಇಯಂಡಿ . 9 10 9-10:-ಮೀ ಹಮೀನಿಳನ್ನಿ ಹೊನ್ನುನಿ ದುದ್ದುಳನಿ ದವ್ಕಿ ಹಸಿಬೇನಿ ರೊಂಡು ಬಟ್ಟಲು ಸೋಪ್ಲ್ಲು ಕಟ್ಟಾ ಮೊಂಥಮೈನ ಅವತ್ನ್ಥ ಸೇರ್ಬಿಚ್ಕನಡ್ನ್ಡಿ ,ಆಳು ಅಮ್ಬಲ್ದ್ಕಿ ಯೋಗ್ಮಂಥ್ಯೇ . 11 11:-ಮಿರು ಯೋದೈಮೈನ ಉರ್ಕಿ ಅಥವ ಪಲಿಕಿ ಸೇರ್ನಪುದ್ದು ಅಡಾ ಯೋರು ಯೋಗ್ಮು ಯೋರನಿ ವಿಚರಿಂಚ್ಕನಿ ಮುಂದ್ರ್ಕಿ ಪೈಯ ತನಕ ವಲ್ಲನ್ನ್ರೆ ಉಂನಡಿ. 12 12:-ಆ ಇಂತ್ಕಿ ಪೈಯತ್ತಪುದು ಶುಬಮು ಕಾನಿ ಅನ್ನಂಡಿ. 13 13:-ಆ ಇನ್ತಿವಲು ಯೋಗ್ಯಳಯುನ್ತ್ತ್ಯೆ ಮೀ ಅಶಿರ್ವದಿಲು ವಲ್ಕಿ ಕಾನಿ;ಅಯೋಗ್ಲೈನುತ್ತೆ ಮೀ ಅಶಿರ್ವದ್ಮು ಯೆಂಕಿ ರಾನಿ. 14 14:-ಯೋರಿನು ಮಿಮ್ಳನ್ನಿ ಸೇರ್ಬಿಚ್ಕೊನಿ ಮೀ ವಾಕ್ಯಮ್ಲ್ಲನಿ ಇನಿಕುಂದ ಪೋಥ್ಯೇ ಮಿರು ಆ ಇಂತ್ನಿ ಉಡ್ಸಿ ಪೈಯತ್ತಪುದು ಆ ಉರ್ನಿ ಉದ್ಸತ್ತಪುದು ಮೀ ಕಾಲ್ಕಿ ಮೆಥೀಕೊನ್ನ ದುಲನ್ನಿ ಒದ್ರಂಡಿ . 15 15:-ನ್ಯಾಯವಿಚರ್ಮು ದಿನ್ಮುಲ ಅಟ್ಟ ಊರಲ ಗತಿಯು ಸೋದೊಮು ಗೊಮೊರು ಸೀಮೆಯ ಗಥಿಗಿನ್ಥಿಲು ಕತಿನ್ಮು ಐತ್ತಂದಿ ಅಣಿ ಮಿಕಿ ನಿಜಮೈ ಸೋಪ್ಥನು . 16 16:- ಸೂಡ೦ಡ್ರಿ , ನಕ್ಕಲು ಜೊತ್ಲ ಗೊರ್ರನಿ ಅಂಪಿಚ್ನಟ್ಗ ನಾನು ಮಿಮ್ಮುಲ್ನಿ ಅಂಪಿಸ್ತಾನು . ದಾನ್ನಿಂಚ ಪಾಮ್ಲುಲಾಕ ಜಾಣ್ಲು ಪಾರಿವಾಳ್ಳಟ್ಗ ನಿಷ್ಕಪಟಿಲು ಆವಂಡ್ರಿ. 17 17:- ಇದಿಕಕುಂದ ಜನಲು ವಿಷಯುಮ್ಲ ಎಚ್ರುಗ ವುಂಡoಡ್ರಿ, ವಾಳು ಮಿಮ್ಮುಲ್ನಿ ನ್ಯಾಯ್ಮು ವಿಚಾರಣ್ಮು ಸಭೇಲ್ಕಿ ಎಲ್ಸ್ಕೋನಿ ಪೋತಾರು, ಮೀ ಸಭಾ ಮಂದಿರ್ಮ್ಲ ಮಿಮ್ಮುಲ್ನಿ ಕೊರೆಡ್ಲ್ನಿಂಕ ಕೊಟ್ತಾರು. 18 18:- ನಾ ನಿಮಿತ್ಮಾಯಿ ಮಿಮ್ಮುಲ್ನಿ ಅಧಿಪತಿಲು ಮುಂದ್ರುಕು ರಾಜುಲು ಮುಂದ್ರುಕು ಸಿಸ್ಕೋನಿ ಪೋತಾರು. ಇಟ್ಟೆ ವಾಳ್ಕು ಅನ್ಯಜನಲ್ಕು ಸಾಕ್ಷಿ ಆಯ್ತಾದಿ . 19 19:- ಆಯ್ತೆ ವಾಳು ಮಿಮ್ಮುಲ್ನಿ ಒಪ್ಪಿಚ್ಚ್ನಪ್ದು ಎಟ್ಟ ಮಾಟ್ಲಾಡಲ , ಏಮಿ ಸೊಪ್ಪಾಲ ಅನಿ ಚಿಂತ ಸೇಯದಂಡ್ರಿ , ಸೊಪ್ಪೇ ಮಾಟ ಅ ಗಲ್ಗಿಕಿ ಮೀಕಿ ಸೂಚ್ನುಮು ಆಯ್ತಾದಿ. 20 20:- ಮಾಟ್ಲಾಡೋಳು ಮೀರ್ಕಾದು , ಮೀ ತಂಡ್ರಿ ಆತ್ಮುಡೆ ಮೀ ಮುಖಾಂತ್ರುಮಾಯಿ ಮಾಟ್ಲಾಡ್ತಾಡು. 21 21:- ಇದ್ಕಾಕುನ್ನ ಅನ್ನ ತೊಂಬುಡ್ನಿ , ತಂಡ್ರಿ ಕೊಡ್ಕ್ನಿ , ಸಾವ್ಕಿ ಒಪ್ಪಿಸ್ತಾರು , ಬಿಡ್ಳು ಕನ್ನೋಳ್ ಮಿಂದ ತಿರ್ಗಿ ಪಡಿ ವಾಳ್ನಿ ಸೊಂಪಿಸ್ತಾರು. 22 22:- ಮಲಿ ನಾ ಪೇರು ನಿಮಿತ್ಮು ಮಿಮ್ಮುಲ್ನಿ ಅಂದ್ರು ಪಗ ಸೇಸ್ತಾರು. 23 23:- ಆಯ್ತೆ ಕೊನೆಗಂಟ ತಾಳೋಳು ರಕ್ಷಣುಮ್ನಿ ಹೊಂದ್ಕೊಂಟಾರು . ಓಕ್ ಊರ್ಲ ಮಿಮ್ಮುಲ್ನಿ ಹಿಂಸ್ಮು ಪಡ್ಬಿಸ್ತೆ ಇಂಕೊಕ್ಟಿ ಊರ್ಕಿ ಪರ್ಪೂ೦ಡ್ರಿ, ಮನುಷ್ಯ ಕುಮಾರುಡು ವಚ್ಚೆ ಪದ್ಗು ಮೀರು ಇಸ್ರಾಯೇಲ್ ಜನಲು ಊರ್ಲು ಸಂಚಾರ್ಮುನಿ ತೀರ್ಪೆಟ್ಲೆದು ಅನಿ ಮೀಕಿ ಸತ್ಯ್ಮಾಯಿ ಸೊಪ್ತಾನು . 24 24- 25 25:- ಗುರುಕಿಂತ ಶಿಷ್ಯುಡು ಪೆದ್ದೊಡ್ ಕಾದು , ಧಣಿಕಿಂತ ಆಳು ಪೆದ್ದೊಡ್ ಕಾದು . ಗುರುಲಾಕ ಆಯೇದಿ ಶಿಷ್ಯುಡ್ಕಿ ಸಾಲು, ಧಣಿಲಾಕ ಆಯೇದಿ ಆಳ್ಕಿ ಸಾಲು. ವಾಳು ಇಂಟ್ ಯಜ್ಮಾನುಡ್ಕಿ ಬೆಲ್ಜೆಬೂಲ ಅನಿ ಪೇರ್ ಪೆಟ್ಮಿಂದ ವಾಡ್ ಇಂಟೋಲ್ನಿ ಏಮಂಟಾರು? 26 26:- ಆಯ್ತೆನು ವಾಳ್ಕಿ ಹೆದ್ರದಂಡ್ರಿ . ಮರಾಯುಂಡೆ ಯಾವ್ದೀ ವ್ಯಕ್ತ್ಮಾಕುನ್ನ ವುಂಡೆಟ್ಲೆ, ಆಕ್ಟರ್ಕಿ ರಾಲೆನಿನ ರಹಸ್ಯುಮು ಲೇದು. 27 27:- ನಾನು ಮೀಕು ಸೀಕ್ಟ್ಲಾ ಸೊಪ್ಪೆದ್ನಿ ಮೀರು ಎಲ್ಗುಲ ಸೊಪ್ಪಂಡ್ರಿ, ಮಲಿ ಶವ್ಲ ಇನಿಂದಾನ್ನಿ ಮಾಳುಗ್ಲು ಮಿಂದ ನಿಲ್ಪಡಿ ಸಾರಂಡ್ರಿ. 28 28:- ಇದ್ಕಾಕುನ್ನ ದೇಹುಮ್ನಿ ಸೊಂಪಿ ಆತ್ಮುನಿ ಸೊಂಪೆಕಾನೋಳ್ಕಿ ಹೆದ್ರೋದಂಡ್ರಿ , ಆತ್ಮುಮು ದೇಹ್ಮು ರೊಂಡ್ನಿನು ನರ್ಕುಮ್ಲ ಏಸಿ ನಾಶ್ಮುಸೇಸೋಡ್ಕಿ ಹೆದ್ರಂಡ್ರಿ. 29 29:- ದುಡ್ಡ್ಲಿಕಿ ರೊಂಡು ಗುವ್ವುಲ್ನಿ ಮಾರುಂಡೆದಿ ವುಂಡಾದಿ , ಆಯ್ತೆನು ಮೀ ತಂಡ್ರಿ ಚಿತ್ಮು ಲೇಕುನ್ನ ಒಕ್ಟಾವ್ನಿ ದುಗುಂಕಿ ಪಡೆಟ್ಲೆ. 30 30:- ಮೀ ತಲ್ಕೈ ಎನ್ಟುಕ್ಲು ಸಹ್ಮು ಅನ್ನಿ ಎಣಿಕ್ಮಾಯ್ನಾವಿ . 31 31:- ದಾನ್ನಿಂಚ ಹೆದ್ರದಂಡ್ರಿ , ಜಾಸ್ತಿ ಗುವ್ವ್ಲ್ಕಿಂತ ಮೀರು ಹೆಚ್ನೋಳು . 32 32:- ಅಟ್ತಾಯ್ತೆ ಯೊವ್ಡು ಮನುಷ್ಯುಲು ಮುಂದ್ರ ನಾನು ಯೇಸುವೊಡು ಅನಿ ಒಪ್ಕೊಂಟಾಡೋ , ನಾನು ಸಹ್ಮು ವಾಡ್ನಿ ನಾವೋಡು ಅನಿ ಪರ್ಲೋಕ್ಮುಲ ವುಂಡೆ ನಾ ತಂಡ್ರಿ ಮುಂದ್ರ ಒಪ್ಕೊಂಟಾನು . 33 33:- ಆಯ್ತೆ ಯೊವ್ಡು ಮನುಷ್ಯುಲು ಮುಂದ್ರ ನಾನು ಯೇಸುವೊಡು ಕಾದು ಅನಿ ಸೋಪ್ಕೊಂಟಾಡೋ ವ್ವಾಡ್ನಿ ನಾನುವೆ ಪರ್ಲೋಕ್ಮುಲ ವುಂಡೆ ನಾ ತಂಡ್ರಿ ಮುಂದ್ರ ನಾವೋಡ್ ಕಾದು ಅನಿ ಸೊಪ್ತಾನು. 34 34:- ಭೂಲೋಕ್ಮು ಮಿಂದ ಸಮಾಧಾನ್ಮು ಪುಟ್ಟಿಚ್ಚೆದಾನ್ಕು ವಚ್ನ ಅನಿ ನೆನಿಯದಂಡ್ರಿ , ಸಮಾಧಾನುಮ್ನಿ ಪುಟ್ಟಿಚ್ಚೆದಾಂಕು ನಾನು ರಾಲೇದು , ಖಡ್ಗ್ಮುನಿ ಏಸೇಕು ವಸ್ತಿ. 35 35:- ಎಟ್ಟಂಟೆ ಕೊಡ್ಕುಕು ತಂಡ್ರಿಕಿ , ಬಿಡ್ಕು ತಲ್ಲಿಕು , ಕೊಡಾಲ್ಕಿ ಅತ್ಕು ಭೇಧ್ಮು ಪುಟ್ಟಿಚ್ಚೆಕಿ ವಚ್ನ. 36 36:- ಇಟ್ಟೆ ಒಕ್ಡು ಮನುಷ್ಯುಡ್ಕಿ ವಾಡ್ ಇಂಟೋಳೆ ವೈರಿಲಾಯ್ತಾರು . 37 37:- ತಂಡ್ರಿ ಮಿಂದಾವ್ನಿ ತಲ್ಲಿಮಿಂದಾವ್ನಿ ನಾ ಮಿಂದ ಪೆಟ್ಟೆದಾನ್ಕಿಂತ ಹೆಚ್ಮಾಯ್ನ ಮಮತೆನಿ ಪೆಟ್ಟೋಡು ನಾಕಿ ಯೋಗ್ಯುಡು ಕಾದು , ಕೊಡುಕ್ಮಿಂದಾವ್ನಿ ಬಿಡ್ಮಿನ್ದಾವ್ನಿ ನಾ ಮಿಂದ ಪೆಟ್ಟೆದಾನ್ಕಿಂತ ಹೆಚ್ಮಾಯಿನ ಮಮತೆನಿ ಪೆಟ್ಟೋಡು ನಾಕಿ ಯೋಗ್ಯುಡು ಕಾದು . 38 38:- ಮಲಿ ಯೋವ್ಡಾರ ನಾ ಶಿಲುಬ್ನಿ ಸಿಸ್ಕೋನಿ ನಾ ಎನ್ಕ ವಚ್ಚೆದಿ ಹೊರ್ತು ನಾಕಿ ಯೋಗ್ಯುಡು ಕಾದು . 39 39:- ವಾಡ್ ಪ್ರಾಣುಮ್ನಿ ಕನ್ಕೊನ್ನೋಡು ದಾನ್ನಿ ಕಲ್ಸ್ಕೊಂಟಾಡು, ನಾ ನಿಮಿತ್ಮಾಯಿ ವಾಡ್ ಪ್ರಾಣುಮ್ನಿ ಕಲ್ಸ್ಕೊನೋಡು ದಾನ್ನಿ ಕನ್ಕೊಂಟಾಡು. 40 40:- ಮಿಮ್ಮುಲ್ನಿ ಸೇರ್ಪ್ಕೊನೋಡು ನನ್ನೀ ಸೇರ್ಪ್ಕೊನೋಡಾಯ್ನಾಡು ,ನನ್ನೀ ಸೇರ್ಪ್ಕೊನೋಡು ನನ್ನೀ ಅಂಪಿಚ್ನೋಡಿನಿನೆ ಸೇರ್ಪ್ಕೊನೋಡಾಯ್ನಾಡು. 41 41:- ಪ್ರವಾದಿನಿ ಪ್ರವಾದಿ ಅನಿ ಸೇರ್ಪ್ಕೊನೋಡು , ಪ್ರವಾದಿಕಿ ವಚ್ಚೆತಕ್ ಪ್ರತಿಪಲ್ಮುನಿ ಹೊಂದ್ತಾಡು, ನೀತಿವಂತುಡ್ನಿ ನೀತಿವಂತುಡನಿ ಸೇರ್ಪ್ಕೊನೋಡು ನೀತಿವಂತುಡ್ಕಿ ವಚ್ಚೆ ತಕ್ಮು ಪ್ರತಿಪಲ್ಮುನಿ ಹೊಂದ್ತಾಡು . 42 42:- ಮಲಿ ಈ ಸನ್ನೋಳ್ಳ ಒಕ್ಡುಕಿ ಯೇಸು ಶಿಷ್ಯುಡನಿ ಯೋವ್ಡಾರ ಓಕ್ ತಂಬ್ಗ್ಲ ಸನ್ನೂಳಾವ್ನಿ ತಾಗೇಕಿ ಇಸ್ಟೇ ವಚ್ಚೆತಕ್ಮು ಪ್ರತಿಪಲ್ಮು ವಾಡ್ಕಿ ತಪ್ಪೇಕೆಲೇದು ಅನಿ ಮೀಕಿ ಸತ್ಯುಮಾಯಿ ಸೊಪ್ತಾನು.