¹ Tiricho, bhamdwetu, tubhagera ngoro na lumolesha unywi hena Mzuri Yesu. Sabhundu muuhie mazerijo kufuma hetu wanga ya bhundu mbhata na kumuizirihija Izubha, na wa ni nzia kubhata, kwa hubho mhire na pada. ² Nanywi m'maije mala maazerijo tubhaingie kubhetia hkwe Mzuri Yesu. ³ Na ulo ni lukundo lwake Izubha: mzerijwe- mshighe bhulai, ⁴ kila m'mwezu wenyu aidime kuikaa mche wake hena kuzera na nganyi. ⁵ Msionje bhache tiki hena tamaa ya mwuri (sa mataifa bhesimmaije Izubha). ⁶ Mundu asimsobhie kana kumhiria bindu bhibhibhi mundu wabho wanga ya ibhi bhindu. Kake Mzuri niye eneihia ibhi bhose, kake swi nikubhaaghanya nywi na kubhashuhudia. ⁷ Kake Izubha esituitange swi kuoka bhachafu, kake tuoke tuzerie. ⁸ Nawa, ye ula enesua asisua mundu, kake Izubha, ye ebhainga Ngoro Msheneneto nywi. ⁹ Kuhusu mburi ya lukundo lwa bha mnduabho, esina haja mundu wowose abhandkie nywi, henyi nywi mtwarije bhenye bhundu mloshijwe ni Izubha kumkunda mghenji. ¹⁰ Kididi, muoho mhira bhose bhena bhamnduetu bhala bhose bheoho Makedonia. Kake tuoho tubhasemba nywi, bhamndwetu, mhire ibhi hata pada. ¹¹ Pia nieho nibhasemba muatere shughuli jenywi na 8muikae mboha, muhire ndima jenyu na muhire na mikono jenyu sabhundu tubhaazerije. ¹² Hireni hubho esa esa mtonge na nganyi hena bhala bheho shighati ya luing'idaki ulu. Esa musisobhe kila mkundie. ¹³ Tusikundie nywi mrunganyikiwe, bhamndetu,kake bhala bho bheshinjie, tusikundie mwungiwa ni longa pada wanga ya bhala bhasobhoka sa msina lusiligi la to ndarasi. ¹⁴ kacha tu ing'idaki iti Yesu efueye na aka ruka wa, Izubha enemwete Yesu na bhala bheshinjie ndeni hake. ¹⁵ Hena iki tuoho tubhabhura unywi hena kiteto cha Mzuri,iti uswi tuoho moo ebho tushighiwe hena kuza kwake mzuri kididi tusikabharogorie bhala bherogore kufa. ¹⁶ Hakwe Mzuri mwenye eseiye kufuma wanga. Hubho ye eneza eteta na ngori ya malaika m'baha, na ndurere yake Izubha, bhala bhefueiye hake Mzuri bhenerongora kubhuka. ¹⁷ Nawa swi bhala tuoho na moo, bhala bhebakie, hamwenzu bhenekwea tuneonjwa wanga hena majumbi kutorana na Mzuri. Hena iinzia tuendelea kuikaa na Mzuri. ¹⁸ Kwa hubho, inganeni lusilingi nywi bhenye hena ibhi bhiteto.