25 Bhamndwetu, tutasieni naswi. 26 Bhakezieni bhamndwetu bhose na busu ishenete. 27 Natebhasemba kubhetia ha Mzuri iti ilalu ili lisomwe ha bhamndwetu bhose. Shigha Mvono wa Mzuri wetu Yesu Kiristo. 28 uoke nanywi. 1 Hena kuyoa iti ni masaa ani kana igheri ani, bhamndwetu, tehena mbucha kitamwe cho. 2 Amu unywi bhose mumaije nezo iti msi wa mzuri unereza sa bhula muhibhi enaza kio. 3 Mari bhandu bheghamba, ''Lubhoro na mabhwedi,'' tereke iyo, kinyamaro kinereza habho. Inereoka sa lubegho lwa mche eemee . Hesina bhundu bhenekia. 4 Kake nywi, bhamndwetu, temuoho ha kija nywi esa uwo msi ubhaziie sa mhibhi. 5 Amu nywi bhose ni bhana bha kiangaji na bhana bha hemsi. Tusibhana bha kio kana kija. 6 Hena hubho shigha tusishinjie sa bhula bhundu bhengiwa bhenaketa. Badala yake, tuyoe na tuoke meso. 7 Amu bhala bhenashinjia bhenaketa hubho kio na bhala bhenaengea bhenahira hubho kio. 8 Kake echo swi tubhana bha hemsi na tuoke meso. Tudoke luingidaki na lukundo sa ngao ya mbafu, na chepeo yetu ioke ni uo ukididi wa lula lukio luzie. 9 Amu izubha tetubhikie ye esa atunyamare, kake atuinge lukio kubhetia ha Mzuri wetu Yesu Kristo. 10 Niye etufuie esa ikaoka iti tuabhije kana tushinjie, tuidime kuikaa hamwe naye. 11 Hena hubho shingiraneni na mgerane ngoro, sa bhula bhundu muoho muhira. 12 Bhamndwetu, tohotubhabhura iti, bhaingeni nganyi bhala ebho bhehobhebhahiria na kubharongoria na kubhakanya hena Mzuri na bhala ebho bhehobhebhalosha. 13 Tohotubhabhura iti mbhakunde mno ena iyo ndima bhehobhehira. Muoke na lubhoro ghati yenu. 14 Lanye twabhasemba bhamndwetu: bhakanyeni bhala bhakarakara, bhagereni ngoro bhala bhabaika ngoro, bhangenjeni bhala bhanana, bhagumirieni bhose. 15 Msiihiee ubhibhi hena bhibhibhi hena mndu wowose. Badala yakwe muende kila chedi hena kila m'mwe na hena bhose. Izihiriweni magheri mose. 16 Msibundike kutasa. 17 Ngoleni haika hena kila kindu. 18 Amu ii niyo mibharirie yakwe Izubha henyu kubhetia hakwe Yesu Kristo. 19 Msimkinde Ngoro. 20 Msidae bhuroti. Ghesheni kila kindu. 21 Chabhilieni kila chedi. 22 Mkubhike mbai na bhubhibhi bhose bhunekufunyirija. 23 Shigha Mzuri wa lubhoro abhashenetije. Shigheni ngoro jenyu, na moo, na miiri yenyu jirindwe jisioke na ibhaa mari ma kuza kwake Mzuri Yesu Kiristo. 24 Ni mkididi ula eye atuitanga, naye enehira.