¹ Ilaala fed'ih aka tamiiti tah Aabah ni nuuti kana, suniifi ajooleh Waak'a ah yed'anih nuh waamanu, nuuleni akah jira. Ishih tanaafi d'uniah ni nuh himbeechuh malyenani isaaleh himbeechuh. ² Jalooni, temtana nutih ajooleh Waak'a ati amaleh takah nutih hindiinye wunih nutih itaanu. Nutih himbeenya woh Kristoh ni d'ufuh nutih aka isah itaana, malyenani nutih isa d'egera akuma iniini jiru. ³ Anamah t'uut'umah kah jenuma tana k'au, ufa k'uk'ulomsa akuma iniini k'uk'uloh ah. ⁴ Anamah t'uut'umah kah namseh mid'aasu wunih seera hik'amne mid'aasa. Malyenani namseh ni seerah muh. ⁵ Isani himbeechani aka Kristoh nutih kananih suniini namseh teena nuh arah fuud'e. Amaleh isa kesa namseh hinjirtuh. ⁶ Kah isa kesa jiru namseh himid'aasuh. Kah amaleh namseh mid'aasah ara jiru takah isa hind'egereh yoh takah isa himbaraneh. ⁷ Ajooleh, anamah ni isani hisosowina. kah d'ugah mid'aasu d'ugah k'awa, akuma kristoh ni d'ugaa. ⁸ Kah namseh mid'aasu kah ekerah ati, malyenani ekerah ni duraatuh hah namseh mid'aasite. ishih tanaafi Gurbah Waak'a ah d'ufaniini, suniini dendee hujih ekerah d'ufeh yaka. ⁹ Anamah t'uut'umah kah Waak'a ini d'ale namseh himid'aasuh, malyenani beeyuh Waak'a ah isa kesa jirta. Malyenani dendee namseh himid'aasuh malyenani Waak'a kesa d'alate. ¹⁰ Ishih tana kesa, ajooleh Waak'a afi ajooleh ekerah gidbaasani. Anamah t'uut'umah kah d'ugah himid'aasina kah Waak'a atimu you kah ebeleesa isah hifeene. ¹¹ Lukah ishintuni oduh nutih duraatuh d'engeenye wah rujumaani wilifeeneh, ¹² amoh aka Kaenih atimu kah ona ekerah isa isheente keh ebeleesa isah ijeesa. Maliifi isa ijeeseh? Malyenani hujih isah tah ekerah ati amaleh ebeleesah ni d'ugah k'awa. ¹³ Ebeleena kiyah, wih hiwalaalinah, woh d'uniah ani isani jibitu. ¹⁴ Nutih himbeenya, hah duh kesa dawareh jireena kesa jira, malyenani nutih ebeleesa feena. Anamah t'uut'umah kah fed'ih ni isa kesa hinjire hinduu. ¹⁵ Amaleh kah ebeleesa isah jibu, ijeeptuh. Amaleh isani himbeechani aka jireena mumeh hink'amne ijeeptuh kesa hamne. ¹⁶ Ishih tanaafi fed'ih barana, malyenani Kristoh ni nutih fi duh . Amaleh nutini jireena keena kanina gara ebeleena keena. ¹⁷ Amoh kah mii d'uniah k'au, ebeleesa isah kah d'ipuh k'au ilaala amaleh ona isa k'ak'aritih ah hink'amne. Atami fed'ih Waak'a ah isa kesa jirta? ¹⁸ Ajooleh tiyah, dubih ani yoh afaana niini nuh wiliini hefed'inah amoh tochih ani yoh d'ugah ani wili nuh fed'ah. ¹⁹ Ishih tanaafi hah barane aka nuti kah d'ugah ati, amaleh hih abdana ona teenani isa dura. ²⁰ Malyenani woh ona teena nuh hid'oogina, Waak'a ini ona teena ara jira amaleh wunih t'uut'umah himbeeka. ²¹ Jalooni woh ona teena nuh hid'oorgina, nutih jenuma k'amna Waak'a kesa. ²² Amaleh wunih t'uut'umah tah nutih kad'anu isa arah d'ak'amna, malyenani seera isah ch'ak'amna amaleh mid'aasina wunih ila isah fed'achiiptu. ²³ Amaleh ishiintuni seera isaati, suniifi nutih mak'ah Gurbah isah Yeesuh Kristoh abdaneh amaleh nuti wili fed'ah akuma iniini seera isah nuuti kana. ²⁴ Kah seera Waak'a ah kesa hafu, Waak'a ini isa kesa jira. Amaleh ishih tanaafi barane aka iniini nuh kesa hafa, hara iniini nuuti kaniifi.