¹ Ebeleeni, hara gudah hi abdatat'inah, amoh hara suh kesa ilaala odoh ishiini Waaka arah dupt'u, maalyenani rhaagoleh darah gudah duniah kesa jirtih. ² Tanaafi himbaratana hara Waakah-hara t'ut'uma hibaratana tah aka Yeesuh Kristoh ni naafa kasah dufeeni odheesitu tah Waakah ti, ³ amaleh hara t'ut'uma tah Yeesuh himbeena tah Waaka ah timu.Ishih tuh hara Kristoh dorgituh,tah isaani dufiih ishah degechana ,amaleh tumuh Duniah jirtuh. ⁴ Isaani kah Waakah ti, Ajooleh, amaleh hah hara suh damsatane,malyenani kah isah kesa jiruh suh guduni kawa ara kah Duniah kesa jiruh. ⁵ Hara tih suni tah Duniah ti,suniifi tah isaah dubatanu tah Duniah ati,amaleh Duniah leeni isaah chakapti. ⁶ Nutih kah Waakah ti.Kah Waakah beekuh nuchakasah,kah Waakah himbeene nuchakasuh,Tanaafi hibeena hara dugaa afi hara darah. ⁷ Ebeleena,wuli nufeedah,malyenani feedi tah Waakah tih,amaleh nama t'ut'uma kah feedi kau dalchih Waakah ti amaleh Waakah beekah. ⁸ Nama feedi hikamne Waakah hibeekuh,malyenani Waakah ni feedi. ⁹ Tanaafih Waakah ni feedi isah nuh degersiseh,suniifih Waakah ni Gurbah isah nutih ergeh duniah kesi suniini dendeena isa arah jireena dakamna . ¹⁰ Ishih tuh feedi ,aka nutih Waaka feenumuh,amoh aka iniini nufedee,suniini Gurbah isah ergeh suniifi namseh teeni wilikaapsisah. ¹¹ Ebeleena,woh Waakah ni gudah akah nufeedeh,hah rugian nuamalt'e nutih kah wilifeeduh. ¹² Inamah hijiruh kah Waakah dergeh.Woh nutih wilifeeneh,Waakah ni nukesa jirah,amaleh feed'i isah nugeechi. ¹³ Tanaafi himbeena aka nutih isa kesa jiruh amaleh inileeni nuh kesa jirah,malyenani,iniini hah hara isah nuh kesa kaayeh. ¹⁴ Amaleh nutileeni hah degereh amaleh kawih neh aka Aabah ni gurbah isah ergeh dufee jirachisoh Duniah itah. ¹⁵ Nama t'ut'uma kah Yeesuh ni gurbah Waakah gulibeuuh,Waakah ni isa kesa jirah,amaleh inileeni Waaka kesa jirah. ¹⁶ Amaleh habeene amaleh abd'ih gudah kanah fedi Waaka ni kau nuafih.Waaka ni feedi,amaleh kah fedi kesa jiruh Waaka kesa jira,amaleh Waaka ni isa kesa jira. ¹⁷ Tana kesa feedi teena hah kiteesaneh,suniiifih dendeena genuuma kamna guyah adawah,malyenani akuma iniini jiruh suh,nuleeni akumsuh jirah duniah tah kesi. ¹⁸ Feedi kesa sodaah hijirt'uh.Amoh feedi d'ugaah sodah nuh ara fuutih,malyenani sod'ah adawih kabdih amoh kah sodaah kau takah feedi isah hikitoone. ¹⁹ Hifeenah,malyenani Waaka ni dursah nufedeh. ²⁰ Woh anamah tokoh akah dubate,'ana Waaka feeda' amoh iniini abelesa isah jibeh, ini falkah.Malyeenan kah abileesi isah hifene kah inin dargu dendee Waaka hifedu kah inni tah kah hidergini. ²¹ Amaleh seerih tah Waaka ara dakamne,suniifi kah Waaka feedu dursah ableesisah feedu.